«Самұрық-Энерго» АҚ алдағы жылыту маусымына энергетикалық нысандарды жүйелі түрде дайындауды жалғастыруда. Жөндеу науқаны 2026 жылдың қаңтар айында басталып, бекітілген кестеге сәйкес жүргізілуде.
Биыл топтың энергетикалық нысандарында негізгі жабдықтарға қатысты 111 жөндеу жұмысын жүргізу жоспарланған.
Оның ішінде:
- 11 энергоблок
- 14 турбоагрегат
- 51 қазандық агрегат
- 33 гидроагрегат
- 2 жылу магистралі учаскесі.
Жөндеу жұмыстары негізгі өндірістік қуаттарды қамтып, ең жоғары жүктеме кезеңінде энергиямен жабдықтаудың сенімділігін арттыруға бағытталған.
Бүгінгі таңда жоспарланған жөндеу жұмыстарының шамамен 45%-ы аяқталды. Жұмыстар бекітілген кестеге сәйкес жалғасуда және белгіленген мерзімде толық аяқталады. Жөндеу жұмыстарының орындалу барысы тұрақты бақылауда.
Сонымен қатар биыл 187,4 км кабельдік желілерді, 2030 км әуе электр желілерін, 212 қосалқы станцияны, 1220 трансформаторды және 1000 тарату пунктін жөндеу жұмыстары жүргізілуде.
Ауқымды жөндеу бағдарламасын кезең-кезеңімен іске асыру жабдықтардың сенімділігін арттырып, энергетикалық инфрақұрылымның күзгі-қысқы кезеңге дайын болуын қамтамасыз етеді.
