2024 жылғы 17 қаңтарда Мемлекет Басшысы Қасым-Жомарт Тоқаевтың Италияға сапары қарсаңында «Самұрық-Энерго» АҚ Басқарма Төрағасы Қайрат Мақсұтов, Ansaldo Energia S.p.A Бас директоры Фабрицио Фаббри және Cassa Depositi e Рrestiti басшылығы арасында кездесу өтті.
2024 жылғы 18 қаңтарда Қазақстан-Италия дөңгелек үстелінің алаңдарында Мемлекет Басшысы Қасым-Жомарт Тоқаевтың қатысуымен «Самұрық-Энерго» АҚ мен Ansaldo Energia арасында энергетикалық жобаларды, оның ішінде «Алматы ЖЭО-3-ті қуаты 450 МВт-ға дейінгі БГҚ базасында қайта құру» жобасын іске асыру шеңберінде Ынтымақтастық туралы келісімге қол қойылды. Алматы ЖЭО-3-ті қайта құру жобасы қуаты анағұрлым көп және маневрлік режимде жұмыс істейтін жаңа электр станциясын салуды көздейді. Құжат тараптардың ағымдағы және әлеуетті жобаларды іске асыру үшін өзара тиімді әріптестігін нығайту ниетін бекітті.
Келісім энергетикалық жобаларды іске асыру бойынша бірлескен жұмысты және оларды уақтылы іске қосу бойынша бірлескен күш-жігерді үйлестіруді, оның ішінде жабдықты жеткізуді, техникалық қызмет көрсету мен сервисті ұйымдастыруды көздейді. Қол қойылған құжат шеңберінде Ansaldo Energia компаниясы энергетикалық жобаларды іске асыру тәжірибесімен бөлісуге, сондай-ақ білім алмасуға және жергілікті персоналдың біліктілігін арттыруға жәрдемдесуге ниетті.
Ansaldo Energia -электр станцияларын салуды, өндіруді, қызмет көрсетуді және энергетикалық жабдықты жеткізуді қамтитын интеграцияланған моделі бар энергия генерациялайтын жабдықтарды өндіру саласындағы халықаралық нарықта жұмыс істейтін жетекші компания. Cassa Depositi e Рrestiti Ansaldo Energia компаниясының 88% үлесіне ие.
