«Самұрық-Энерго» АҚ жергілікті тауар өндірушілермен офтейк-келісімшарттардың көлемін 2,5 есеге арттырды. 2025 жылы компаниялар тобы жалпы сомасы 25,8 млрд теңгеге 26 офтейк-келісімшарт жасасты. 2024 жылы 10,2 млрд теңге сомасына 41 офтейк-келісімшарт жасалды.

Сатып алудағы жергілікті қамту үлесі де артты. 2025 жылы шамамен 80% елішілік құндылық үлесімен 200 млрд теңгеге жуық сомаға тауарларды жеткізу бойынша шарттар жасалды.

«Самұрық-Энерго» АҚ отандық өндірісті қолдауды және жергілікті тауар өндірушілермен әріптестікті нығайтуды жалғастыруда.

«Самұрық-Энерго» АҚ компаниялар тобының басты басымдығы - еңбекті қорғау, өндірістік қауіпсіздік және қызметкерлердің әлеуметтік-тұрмыстық жағдайларын жақсарту. 

Осыған байланысты 2025 жылы еңбекті қорғауға арналған қаржыландыру 40% - ға дейін өсті, қауіпсіздік қызметі қызметкерлерінің штат саны және олардың жалақы деңгейі ұлғайды. Жасанды интеллектінің көмегімен бейнеталдау, бейнежетондар, электронды медициналық куәландыру жүйесі, камералары бар ақылды каскалар және басқа шешімдер секілді инновациялық қауіпсіздік жүйелерін енгізу айтарлықтай әсер берді. 2024 жылмен салыстырғанда 2025 жылы өндірістегі жазатайым оқиғалардың саны 2 еседен аса қысқарды.

 Сонымен қатар, өндірістік қызметкерлердің еңбек жағдайларын жақсарту бойынша ауқымды жұмыс жалғасуда. Барлық дерлік станцияларда санитарлық тораптар, душ, тұрмыстық және басқа да орын-жайлар жөнделді. Бірқатар станцияларда өндірістік қызметкерлер үшін тегін тамақ ұйымдастырылған. 

Еңбек жағдайларын жақсартумен қатар, қызметкерлердің материалдық әл-ауқатына ерекше назар аударылады. Мәселен, соңғы үш жылда «Самұрық-Энерго» АҚ компаниялар тобының өндірістік қызметкерлерінің жалақысы 56% - ға өсті. Сонымен бірге әлеуметтік және мотивациялық төлемдер тізімі едәуір кеңейтілді. 

Осылайша, Самұрық-Энерго еңбек жағдайларының қауіпсіздігін, жайлылығы мен тұрақтылығын қамтамасыз ете отырып, қызметкерлер үшін әлеуметтік ортаны жүйелі түрде дамытады. 

«Самұрық-Энерго» АҚ орнықты дамуға бағытталған ESG бағдарламаларын жүйелі түрде іске асырып келеді. Атап айтқанда, Sustainable Fitch агенттігі «Самұрық-Энерго» АҚ-ның ESG-рейтингін ұқсас қызмет түрімен айналысатын халықаралық энергетикалық компаниялар арасында оң деңгейде растады. 

Сонымен қатар, «Самұрық-Энерго» АҚ-ның Интеграцияланған жылдық есебі PwC Kazakhstan рейтингінде ESG-ақпаратты ашу деңгейі бойынша 1-орынды иеленді. Компанияға екінші жыл қатарынан халықаралық үздік стандарттарға сәйкес келетін «A+» ең жоғары бағасы берілді. Самұрық-Энерго қазақстандық 98 компанияның ішінде жалпы рейтингте ғана емес, ESG-ақпаратты ашудың бірқатар негізгі бағыттары бойынша да көшбасшы деп танылды. 

Сондай-ақ, Самұрық-Энерго АҚ Интеграцияланған жылдық есебі Маркетинг және коммуникациялар саласындағы кәсіби мамандар қауымдастығы (AMCP) ұйымдастыратын халықаралық беделді MarCom Awards байқауында алтын жүлдеге ие болды. Компания Publications | Annual Report | Government санатында алтын статуэткасын жеңіп алды. 

«Самұрық-Энерго» АҚ RAEX жылдық есептер рейтингінде 5 жұлдыз және «Жылдық есептің ең жоғары сапасы» мәртебесіне ие болды. Компанияның жылдық есебі 300-ден астам қатысушының арасында үздіктердің бірі деп танылды. 

Аталған марапаттар «Самұрық-Энерго» АҚ-ның жоғары деңгейдегі ашықтығын, корпоративтік басқару сапасын, тұрақты даму қағидаттарына берік ұстанымын, сондай-ақ Компания тәжірибесінің халықаралық ESG стандарттарына сәйкестігін растайды. 

«Самұрық-Энерго» АҚ Басқарма Төрағасы Қайрат Мақсұтов пен Павлодар облысының әкімі Асайын Байханов жұмыс сапарымен Екібастұз энергия торабына барды. Олар инвестициялық жобалардың іске асырылу барысымен танысып, Ынтымақтастық туралы меморандумға қол қойды.

Қайрат Мақсұтов пен Асайын Байханов Екібастұзға жұмыс сапары барысында күзгі-қысқы кезеңнен өту және алдағы жөндеу науқанына дайындық мәселелерін қарастырды. Сондай-ақ оларға негізгі инвестициялық жобаларды іске асырудың ағымдағы жай-күйі таныстырылып, №3 энергия блогын жаңғырту мен Екібастұз 1-МАЭС энергия блоктарын цифрландыруды қоса алғанда, дамудың перспективті бағыттары талқыланды. 

Самұрық-Энерго басшысы мен өңір әкімі 1-МАЭС құрылыс алаңында болып, жаңа түтін құбырының салыну барысымен танысты. Қазіргі уақытта негізгі қадаларды бұрғылау жұмыстары аяқталды, түтін құбырының іргетасы белсенді түрде салынуда. 

Самұрық-Энерго Басқарма Төрағасы Екібастұз 2-МАЭС станциясынада барып, №3 энергия блогын салу арқылы станцияны кеңейту және реконструкциялау жөніндегі жобаның іске асырылу барысымен танысты.

Жұмыс сапарының қорытындысы бойынша Қайрат Мақсұтов пен Асайын Байханов өңірдің әлеуметтік инфрақұрылымын дамытуға және қолжетімді тұрғын үй жобаларын іске асыруға бағытталған Ынтымақтастық туралы меморандумға қол қойды.

Әлеуметтік жауапкершілік шеңберінде Самұрық-Энерго Екібастұзда Қоғам компаниялары тобының қызметкерлері үшін көппәтерлі тұрғын үй, екі балабақша, спорт кешені, Екібастұз ЖЭО аумағында модульдік әкімшілік-тұрмыстық ғимарат салуды жоспарлап отыр. Жаңа әлеуметтік нысандардың жалпы құны - 20 млрд теңгеге жуық. Сонымен қатар, Компания экологиялық жағдайды жақсарту мақсатында жыл сайын қаланы көгалдандыруға 100 млн теңге бағыттамақ.

Самұрық-Энерго әлеуметтік бастамаларын іске асыру станция қызметкерлерінің өмір сүру сапасын арттыруға, жас отбасыларды қолдауға, қаланың инфрақұрылымын және әлеуметтік инфрақұрылымды дамытуға, сондай-ақ өңірдің кадр әлеуетін нығайтуға бағытталған. 

2025 жылғы қаңтар-желтоқсан айларының қорытындысы бойынша «Самұрық-Энерго» АҚ еншілес кәсіпорындарының электр энергиясын жиынтық өндіру көлемі 40,4 млрд кВт•сағатты құрады. Бұл көрсеткіш 2024 жылғы деңгейден 2%-ға артық және соңғы 20 жылдағы ең жоғары көрсеткіш болып табылады.

Компания Қазақстанның электр энергиясы нарығында көшбасшылық позициясын нық сақтап келеді: «Самұрық-Энерго» АҚ-ның үлесі шамамен 33%-ды құрайды.

Есепті кезеңде жылу энергиясын өндіру 7,2 млн Гкал құрады, бұл өткен жылмен салыстырғанда 6%-ға артық.

Көмірді өндіру мен сату да тұрақты өсуді көрсетті. «Богатырь Көмір» ЖШС көмір өндіру көлемін 2024 жылмен салыстырғанда 6%-ға арттырып, көрсеткішті 45,3 млн тоннаға жеткізді. Көмір сату 44,3 млн тоннаны құрады, бұл өткен жылдың сәйкес кезеңімен салыстырғанда 3%-ға жоғары.

«АЖК» АҚ электр энергиясын беру көлемі 9,9 млрд кВт·сағ жетті, бұл 2024 жылғы деңгейге қарағанда 7%-ға өсімді көрсетті. «Энергосбыт» АЖК филиалының электр энергиясын өткізу көлемі 10%-ға ұлғайып, 9,6 млрд кВт·сағ құрады.

«Самұрық-Энерго» АҚ корпоративтік басқарудың жоғары деңгейін және орнықты даму қағидаттарына бейілділігін растай отырып, менеджмент жүйелерінің халықаралық стандарттарының талаптарына сәйкестігіне сертификаттық аудиттен сәтті өтті.

Жүргізілген аудиттің негізгі нәтижесі ISO 37301:2021 «Комплаенс менеджмент жүйесі (Compliance Management System)» сертификатына қол жеткізу болды. «Самұрық-Энерго» АҚ осы халықаралық стандартқа сәйкес комплаенс-менеджмент жүйесін енгізген және сертификатын алған компаниялардың бірі болды.

ISO 37301 сертификатын алу корпоративтік басқару жүйесінің жоғары жетілгендігін, іскерлік этиканың жоғары стандарттарына адалдығын және Компания қызметінің ашықтығын көрсетеді. 

«Самұрық-Энерго» АҚ Жұмысшы мамандықтары жылында жұмысшыларды қолдау және дамыту жөніндегі кең ауқымды бағдарламаны табысты іске асырды.

Самұрық-Энерго компаниялар тобындағы әлеуметтік тұрақтылық индексі (SRS) 77% — ға жетті, өсім 2024 жылмен салыстырғанда 8%.

Кеңейтілген әлеуметтік кепілдіктер мен еңбек жағдайларын одан әрі жақсарту шаралары қарастырылған, 2025-2027 жылдарға арналған жаңа Ұжымдық шартқа қол қойылды.

Өндірістік қызметкерлердің жалақысы 2025 жылы 8%-ға өсті. 2026 жылы 10%-ға өсім жоспарлануда.

Қауіпсіздік пен қолайлы еңбек жағдайларын қамтамасыз ету үшін өндірістік қызметкерлердің әлеуметтік-тұрмыстық  жағдайлары айтарлықтай жақсарды.

Самұрық-Энерго «Самұрық-Қазына» АҚ портфельдік компаниялары арасында  «Таланттар сәулетшісі» аталымы бойынша «HR-бренд 2025» конкурсының жеңімпазы атанды.

Еншілес және тәуелді ұйымдарда 20-дан астам кәсіби конкурс өткізілді («Үздік инженер», «Үздік тәлімгер», «Еңбек батыры», «Үздік маман» және т.б.).

Оқушылар мен студенттер үшін 100-ге жуық кәсіптік бағдар беру іс-шаралары өткізілді.

Білім беру бағдарламалары аясында Самұрық-Энерго кәсіпорындарында 600-ге жуық студент өндірістік және диплом алдындағы практикадан өтті. Олардың ішінде Самұрық-Энергоның қолдауымен АЭжБУ-дың 4 студенті Генуя Университетінде (Италия) тағылымдамадан өтті.

«Samruk Umiti» жобасы аясында кәсіптік бағдар беру іс-шарасы өткізіліп, Риддер қаласындағы балалар үйінің төрт тәрбиеленушісіне қамқорлық жасау туралы бастама көтерілді.

«Тәлімгер» жобасы аясында колледждердегі оқуын аяқтаған ата-анасының қамқорлығынсыз қалған 8 бала «Самұрық-Энерго» АҚ компаниялар тобының кәсіпорындарына жұмысқа орналастырылды.

Компаниялар тобының 800-ге жуық қызметкері мемлекеттік, ведомстволық және корпоративтік наградалармен марапатталды.

Компания жұмысшы мамандықтарының беделін арттыруға, әлеуметтік тұрақтылыққа және еңбек жағдайларын жақсартуға бағытталған жобаларды іске асыруды жалғастырады.

«Самұрық-Энерго» АҚ-да Энергетик күніне арналған салтанатты іс-шара өтті. Оған «Самұрық-Қазына» АҚ Басқарма Төрағасы Нұрлан Жақыпов, ҚР Энергетика вице-министрі Сұңғат Есімханов, «Kazenergy» қауымдастығының бас директоры Жандос Нұрмағанбетов, Қазақстан электр энергетикалық қауымдастығының төрағасы Талғат Темірханов қатысты.

Құттықтау сөзінде «Самұрық-Энерго» АҚ Басқарма Төрағасы Қайрат Мақсұтов компаниялар тобының қызметкерлерін кәсіби мерекемен құттықтап, еңбекқорлықтары мен өз ісіне адалдығы үшін алғыс білдірді.

«Самұрық-Энергоның» электр энергиясын өндіру үлесі алғаш рет Қазақстандағы жалпы электр энергиясын өндіру көлемінің 34%-на жетті. Бұл көрсеткіш біздің Компаниямыз – энергетика саласының көшбасшысы екенін тағы да дәлелдейді. Жыл қорытындысы бойынша қызметтің барлық негізгі бағыттарында өсім қамтамасыз етілді: электр энергиясын өндіру, көмір өндіру, электр энергиясын беру және өткізу көлемі ұлғайды. Бұл жетістіктерге сіздердің кәсіби шеберліктеріңіздің, жауапкершіліктеріңіз бен үйлесімді командалық жұмысымыздың арқасында қол жеткізілді», - деп атап өтті Самұрық-Энерго басшысы Қайрат Мақсұтов.

Компания мен энергетика саласын дамытуға қосқан ерекше үлесі үшін 150-ден астам қызметкер «Самұрық-Қазына» АҚ, ҚР Энергетика министрлігінің, «Самұрық-Энерго» АҚ, KAZENERGY қауымдастығының, Қазақстан электр энергетикасы қауымдастығының, Қазақстандық салалық энергетиктердің кәсіподағы медальдарымен, құрмет грамоталарымен және алғыс хаттарымен марапатталды.

Салтанатты іс-шара Самұрық-Энерго компаниялар тобының талантты қызметкерлерінің қатысуымен өткен мерекелік концертпен аяқталды. 

«Самұрық-Энерго» АҚ-ның Интеграцияланған жылдық есебі 2024 жылғы Жылдық есептерді талдау нәтижелері бойынша PwC Kazakhstan дайындаған «ESG-ақпаратты ашу бойынша үздік 50 компания» жыл сайынғы рейтингінде 1-орынды иеленді.

PwC Kazakhstan рейтингі Қазақстан компанияларының экологиялық, әлеуметтік және басқару (ESG) қызметі туралы деректердің ашықтығы мен ашылу сапасын бағалаудың тәуелсіз құралы болып табылады. Рейтинг компаниялардың ESG есептілігінің жетілу деңгейін көрсетеді, қаржылық емес есептіліктің заманауи халықаралық стандарттарға сәйкестігін және ESG тәжірибелерін, тұрақты дамуды басқару жүйелерін бағалайды. Сонымен қатар рейтинг ESG аспектілерін корпоративтік стратегияларға біріктіру бойынша үздік тәжірибелерді анықтау, ақпаратты ашу сапасын арттыру құралы ретінде қызмет етеді.

«Самұрық-Энерго» АҚ рейтингінің қорытындысы бойынша жалпы есепте ғана емес, сонымен қатар 98 қазақстандық компания арасында ESG-ақпаратты ашудың мынадай бірнеше негізгі бағыттары бойынша көшбасшы болып танылды:

• Энергетика секторындағы ESG ақпаратын жақсы ашу
• Қоршаған ортаны қорғау мәселелерін барынша толық ашу
• Орнықты даму саласындағы стратегияны жақсы ашу
• Әлеуметтік мәселелерді жақсы ашу.

Бұл нәтиже «Самұрық-Энерго» АҚ қызметіндегі корпоративтік есептілік мәдениетінің жоғары деңгейін, орнықты дамуға қатысты көзқарастың жүйелілігін және ашықтық қағидаттарына бейілділікті растайды.

Қазақстан Республикасы Мемлекет басшысының Жапонияға ресми сапары аясында «Самұрық-Энерго» АҚ Mitsubishi Heavy Industries тобымен энергетикалық активтерді ұзақ мерзімді жаңғырту және озық экологиялық технологияларды енгізу мәселелеріне арналған бірқатар келіссөздер жүргізді.

«Самұрық-Қазына» АҚ Басқарма Төрағасы Нұрлан Жақыпов пен Mitsubishi Heavy Industries, Ltd. Президенті /CEO Эйсаки Ито мырзаның қатысуымен кездесу өтті. Келіссөздер шеңберінде тараптар Қазақстан Республикасында MHI қызметін кеңейтудің перспективалар мен ағымдағы қатысуын, сондай-ақ энергетика саласындағы ұзақ мерзімді стратегиялық әріптестікті дамыту мәселелерін талқылады.

Mitsubishi Heavy Industries, Ltd. озық технологияларын қолдануды қоса алғанда энергетикалық қуаттарды жаңғырту, шығарындыларды азайту және станциялар жұмысының сенімділігін арттыру кезіндегі Екібастұз энергетикалық торабының — Екібастұз 1-МАЭС және Екібастұз 2-МАЭС негізгі объектілеріндегі ынтымақтастыққа ерекше назар аударылды. Сондай-ақ, «Самұрық-Энерго» АҚ-ның басқа да өндірістік нысандарында одан әрі бірлесіп жұмыс істеу мүмкіндіктері қарастырылды.

Келіссөздер қорытындысы бойынша «Самұрық-Энерго» АҚ мен Mitsubishi Heavy Industries Power Environmental Solutions, Ltd арасында стратегиялық ынтымақтастық туралы келісімге қол қойылды. Келісім 2026-2036 жылдар аралығында Екібастұз 1-МАЭС және Екібастұз 2-МАЭС энергетикалық объектілерін жаңғырту бағдарламасын іске асыруды көздейді, инвестициялардың жалпы көлемі шамамен 120 млн АҚШ долларын құрайды.

Қол қойылған құжат серіктестікті тереңдету, озық жапон технологияларын енгізу және Қазақстанның энергетикалық инфрақұрылымын тұрақты дамытуға бағытталған кешенді шешімдерді іске асыру үшін ұзақ мерзімді негіз қалыптастырады.