Дүниежүзілік энергия үнемдеу күніне орай «Самұрық-Энерго» АҚ дәстүрлі «Үздік өнертабыстық ұсыныс» байқауының қорытындысын шығарды.
Әрбір қатысушы өндірістік процестердің тиімділігін арттыруға деген шығармашылық ұстанымын, жауапкершілігі мен ұмтылысты көрсетті. Ұсынылған идеялар тіпті кішкентай қадамның өзі де зор нәтижелерге әкелуі мүмкін екендігін дәлелдеді.
Конкурстың жеңімпаздары:
- «Екібастұз 2-МАЭС станциясы» АҚ (Кропочев Г.А.) Қазандық агрегатының құйынды оттығы аэроқоспа каналының орталық оқпанына қалақтарды дұрыс орнатуға арналған құрылғы идеясы.
- «Богатырь Көмір» ЖШС (Түсіпаева Е.А.) және «Екібастұз 2-МАЭС станциясы» АҚ (Бричко Е.В., Иржақсымов А.К.) Сенімділікті арттыруға және процестерді автоматтандыруға бағытталған өнертабыстық ұсыныстар.
- «АлЭС» АҚ (Разқұл Б.Б., Байзақов К.И., Нұрмаханбетов Ш.Р.) және «АЖК» АҚ (Талқамбаев А.А.) Жұмыс тиімділігін арттыру және электр энергиясының коммерциялық шығындарын азайту бойынша ұсыныстар.
Жеңімпаздар ақшалай сыйлықтарға ие болды, ал байқаудың басты нәтижесі — әрбір қызметкер ресурстарды сақтауға және әлемді бұдан әрі таза ете түсуге үлес қоса алатынын сезіну.
