«Самұрық-Энерго» АҚ 2023 жылы 98 қазақстандық компания арасында ESG-ақпаратты ашу бойынша PwC Kazakhstan рейтингінде 1 орынға ие болды. Рейтинг басылымының бүкіл тарихында алғаш рет үздік халықаралық стандарттарға сәйкес келетін «А+» рекордтық жоғары баға берілді.

148 критерий негізінде дайындалған рейтинг бес негізгі блок бойынша ақпаратты ашу сапасын бағалайды: тұрақты даму стратегиясы, корпоративтік басқару, қоғам, экология, есеп беру тәжірибесі. Қосымша ұпайлар ақпаратты ұсынудың анықтығы, уақтылығы және сапасы үшін беріледі.

Сондай-ақ, Самұрық-Энерго рейтингтің мынадай қосымша аталымдарында да жеңімпаз атанды:

·         Корпоративтік басқару мәселелерін жан-жақты ашу;

·         Тұрақты даму стратегиясын жақсы ашу;

·         Энергетика саласындағы ESG ақпаратын жан-жақты ашу.

Мұндай жетістікке компанияның экология, әлеуметтік жауапкершілік және корпоративтік басқару саласындағы деректерді ашудың ашықтығы мен сапасын арттыру жөніндегі жұмысының нәтижесінде қол жеткізілді. «Самұрық-Энерго» АҚ-ның PwC Kazakhstan рейтингіндегі көшбасшылық позициясы компанияның тұрақты дамудың стратегиялық мақсаттарына қол жеткізудегі рөлін растайды.

Біз Қазақстан болашағының тұрақтылығына өз үлесімізді қосамыз!

Рейтинг бойынша есепті толығырақ мына сілтеме бойынша оқи аласыз: https://www.pwc.com/kz/en/publications/esg/esg-top-50-december-2024-rus.pdf

«Самұрық-Энерго» АҚ Басқарма Төрағасы Қайрат Мақсұтов пен Power International Holding (PIH) тобының президенті Рамез Әл-Хаят бу-газ қондырғысы негізінде жұмыс істейтін электр станциясын салу жобасын бірлесіп іске асыру туралы келісімге қол қойды. 

Қызылорда облысында қуаты 1100 МВт энергетикалық нысан салу жоспарлануда. Жобаны іске асыру Қазақстанның бірыңғай электр энергетикалық жүйесінің тұрақтылығына оң әсер етеді. Сондай-ақ, жоба елдің энергия жүйесінің экологиялық тұрақтылығын арттыруға ықпал етіп, оны барынша таза әрі тиімді етеді.

Қол қою рәсімі барысында тараптар өзара құрмет пен сенім негізінде құрылған ұзақ мерзімді серіктестікті дамытудағы жетістіктерді атап өтті. Сондай-ақ, осы энергетикалық жобаны бірлесіп іске асырудың келесі қадамдары талқыланды.

Power International Holding — экономиканың түрлі секторларында жұмыс істейтін Катар конгломераты. Компания бүкіл әлем бойынша мыңға жуық жобаны ойдағыдай іске асырды.

«Самұрық-Энерго» АҚ Басқарма Төрағасы Қайрат Мақсұтов компания қызметкерлерінің III жастар форумын ашты. Форум қатысушыларына арнаған сөзінде компания басшысы жас таланттарды қолдау мен дамыту «Самұрық-Энерго» АҚ-ның басым бағыттарының бірі болып табылатынын атап өтті. 

«Біздің компанияда меритократия қағидаты қолданылады. Компаниядағы басшылық лауазымдарды тәжірибесіне, біліміне және іскерлік қасиеттеріне байланысты ортақ іс үшін адал және табандылықпен еңбек ететін жас қызметкерлер атқарады. Сіздерді жұмысқа бар ынта-жігерлеріңізді салуға шақырамын, сонда еңбектеріңіз әрқашан лайықты бағаланады», - деді Қайрат Мақсұтов.

Компания басшысы қатысушыларға қызықты пікірталас, жемісті жұмыс, жаңа идеялар мен жетістіктер тіледі. Айта кетейік, Жастар форумы өзекті мәселелер талқыланатын, қатысушылардың тәжірибе мен идея амастыратын алаңына айналды.  Аталған іс-шараға Самұрық-Энерго корпоративтік орталығы мен еншілес ұйымдарының 100 жас қызметкері қатысты. Форумды «Адам ресурстарын басқару» департаменті ұйымдастырды.

«Самұрық-Энерго» АҚ Басқарма Төрағасы Қайрат Мақсұтов пен Urbacon Concessions Investment (UCC) бас директоры Мехмет Ариф Озозан Қызылорда облысында қуаты 1100 МВт бу-газ станциясын салу жөніндегі жобаның ағымдағы жай-күйін талқылады. 

Жобаны Қазақстанның Бірыңғай электр энергетикалық жүйесінің (БЭЖ) Оңтүстік аймағында жаңа маневрлік қуаттарды енгізу мақсатында іске асыру жоспарлануда. Жоба аясында инфрақұрылымды дамытуға үлес қосатын жаңа электр беру желілерін салу көзделеді.

Кездесу барысында тараптар Қазақстан Республикасы мен Катар мемлекеті үкіметтері арасындағы жобаларды дамыту үшін ұзақ мерзімді стратегиялық әріптестік орнату туралы Келісім шеңберінде іске асырылатын жобаның негізгі аспектілерін қарастырды.

«Самұрық-Энерго» АҚ-ның жылдық есебі (2023 ж.) RAEX рейтингінде ең жоғары баға – 5 жұлдызға және «Ең үздік сападағы жылдық есеп» мәртебесіне ие болды. Конкурсқа 300-ден астам компания қатысты. Корпоративтік әлеуметтік жауапкершілік, тұрақты даму саласындағы жетекші мамандардан тұратын тәуелсіз комиссия жылдық есептерді мынадай өлшемшарттар бойынша бағалады:

- компанияның даму стратегиясын іске асыру;

- ақпараттың ашықтығы және сапасы;

- дизайн және ақпаратты жеткізу. 

Тәуелсіз сарапшылар Самұрық-Энергоның корпоративтік есептілігін ондағы ақпараттың ашық әрі толық көрсетілгені үшін жоғары бағалады. Жылдық есеп сапасының үздік болып танылуы – компанияның корпоративтік басқару саласындағы көшбасшылық ұстанымын растайды және мүдделі тараптармен диалогты одан әрі дамытып, нығайтуға ынталандырады.

«Самұрық-Энерго» АҚ құрама командасының спортшылары «Самұрық-Қазына» АҚ компаниялар тобының IX Спартакиадасында табысты ойын  көрсетті. Жарыс қорытындысы бойынша Самұрық-Энерго құрамасы жалпы командалық есепте үшінші орынға ие болды. 

Спортшыларымыз Ульяна Хатаева (жүзу), Индира Байжанова (армрестлинг), АЖК құрамасы (арқан тарту) және Сымбат Тұрсынбек (тоғызқұмалақ) алтын медаль иегерлері атанды. Жанат Сыдықбаев, Думан Жұматаев және Күлшім Әбдіқалықова (асық ату) үшінші орынды жеңіп алды.

Айбол Айтқұл (тоғызқұмалақ), Еркін Құрманбаев және Динара Көбегенова (шахмат) қола жүлдегерлері атанды.

Спорттық ойындардың қорытындысы бойынша Индира Байжанова «Самұрық-Қазына» АҚ қызметкерлері арасындағы Спартакиаданың бес дүркін чемпионы атанды. Өмеков Данияр арқан тартудан «Үздік якорь» (арқан тарту) аталымының жеңімпазы болды.

«Самұрық-Энерго» АҚ Басқарма Төрағасы Қайрат Мақсұтов еңбек қауіпсіздігі және еңбекті қорғау бойынша кезекті кеңес өткізді. Оған ЕТҰ-ның бірінші басшылары мен жауапты құрылымдық бөлімшелердің басшылары қатысты.

«Өндірістік қауіпсіздік әрқашан назарда және күндіз-түні ерекше бақылауда болуға тиіс. Қызметкерлер мен басшылар арасында қауіпсіздік мәдениетінің деңгейін арттыру бойынша жұмысты жандандыру қажет», - деп атап өтті Қайрат Мақсұтов.

Самұрық-Энерго басшысының тапсырмасы бойынша еңбекті қорғау жөніндегі шараларды күшейту мақсатында барлық еншілес және тәуелді ұйымдарда қауіпсіздік техникасының сақталуына жоспарлы тексерулер жүргізілетін болады. Олардың нәтижелері бойынша анықталған бұзушылықтарды жою жөнінде ұсынымдар беріліп, түзету іс-қимылдарының жоспары әзірленеді.

«Самұрық-Энерго» АҚ Басқарма Төрағасы Қайрат Мақсұтов Ansaldo Energia Бас директоры Фабрицио Фаббримен кездесу өткізді. Тараптар энергетика саласындағы ынтымақтастық пен әріптестікті әрі қарай дамыту мәселелерін талқылады. 

Кездесу барысында газ турбиналық қондырғылардың (ГТҚ) негізгі компоненттерін өндіруді оқшаулау мүмкіндіктері қарастырылды. Жоба Самұрық-Энергоның шығындарды оңтайландыруға және технологиялық тәуелсіздік деңгейін арттыруына мүмкіндік береді. 

Бұдан басқа, Алматыда мамандардың ГТҚ-ға қызмет көрсету және оны жөндеу бойынша біліктілігін арттыратын құзыреттер орталығын құру жоспарлануда. Мұндай орталық энергетика саласының кадрлық әлеуетін дамытудың негізгі буыны болмақ.

Сондай-ақ, кездесуде Алматы энергетика және байланыс университетінің (АЭжБУ) Генуя университетімен ынтымақтастығы мүмкіндігі талқыланды. Бұл еліміздің энергетика секторында озық газ технологиялары мен инновацияларды енгізуге қабілетті әлемдік деңгейдегі мамандарды даярлау үшін перспективалар ашады.

 «Самұрық-Энерго» АҚ Басқарма Төрағасы Қайрат Мақсұтов «Самұрық-Қазына» АҚ қызметкерлері арасындағы IX Cпартакиада суперфиналына қатысатын компанияның құрама командасы мүшелерін қабылдады.

Самұрық-Энерго басшысы энергетик спортшыларды құттықтап, жыл сайын өтетін Спартакиадада компанияның намысын үздіктердің үздігі қорғайтынын атап өтті.

«Былтыр біздің құрама жоғары нәтиже көрсетіп, жалпы командалық есепте екінші орынды иеленді. Бұл – үлкен жетістік. Биыл да жақсы ойын көрсетіп, жоғары нәтижелерге қол жеткізесіздер деп үміттенемін», - деді Қайрат Мақсұтов.

Кездесу соңында Самұрық-Энерго басшысы компанияның туын құрама команда капитаны Жанат Әмірешевке табыстап, спортшыларға алдағы дүбірлі додада жеңіс тіледі.

Самұрық-Энергоның адам ресурстарын басқару жөніндегі 4 қызметкері кәсіби біліктілікті арттыру бойынша «C&B мектебі» модульдік курсын бітірді. Олар: Гүлжан Туржанова («Самұрық – Энерго» АҚ КО), Жанар Әділбекова (Шүлбі СЭС), Зульфия Боранбаева (Өскемен СЭС), Роза Картаева («Богатырь Көмір» ЖШС).  

Оқу бағдарламасы барысында әр қатысушы арнайы жоба әзірледі. Нәтижесінде Гүлжан Тұржанованың «Еншілес тәуелді ұйымдарды грейдирлеу» жобасы үздік деп танылды.

HR бағытындағы оқу бағдарламасы «Самұрық-Қазына» АҚ компаниялар тобының қызметкерлеріне арналған. Оқу барысында қатысушылар еңбек стандарттары, HR метрикасын қолдану және т.б. негізгі тақырыптарды меңгерді.