"Самұрық-Энерго" АҚ Басқарма Төрағасы Қайрат Мақсұтов Екібастұз қаласында жұмыс сапарымен болды.
Іс-сапар барысында электр энергетикалық холдинг басшысына 1-МАЭС- те жүріп жатқан жөндеу жұмыстарының барысы мен №1 энергоблокты іске қосу жұмыстары бойынша есеп берілді.
Сондай-ақ, Қайрат Мақсұтов Богатырь Көмір компаниясында циклдік-ағындық технология жобасы мен жөндеу науқанын жүргізу, сондай-ақ көмір өндіру және жөнелту жоспарлары аясында кеңес өткізді.
Электр энергетикалық нысандардағы іс-сапардың қорытындысы бойынша алдағы күзгі-қысқы кезеңге дайындық және жобаларды уақтылы іске асыру туралы нақты тапсырмалар берілді.
Корея Республикасы Президентінің Қазақстанға мемлекеттік сапары аясында өткен Қазақстан-Корея бизнес-форумында«Самұрық-Энерго» АҚ Doosan Enterbility және KEPCO Plant Service and Engineering компанияларымен өзара түсіністік туралымеморандумға қол қойды.
Тараптар серіктестік шеңберінде Екібастұз 1-МАЭС, Екібастұз 2-МАЭС және АлЭС-те түтінді газдарды тазарту жөніндегі жобалардыбірлесіп іске асыру туралы ниет білдірді.
Doosan Enterbility – атом электр станцияларын салуға, жылу электр станцияларын, турбиналарды, генераторлар мен тұшытуқондырғыларын шығаруға маманданған Оңтүстік Корея компаниясы.
KEPCO Plant Service and Engineering – энергетикалық кәсіпорындарға арналған кешенді шешімдерді әзірлеумен айналысатын KEPCO-ның еншілес компанияларының бірі. Сонымен қатар ол электр станцияларын пайдалану және оларға техникалық қызмет көрсету, диагностика мен өнімділікті арттыруға бағытталған қызметтерді ұсынады.
Қордың Басқарма төрағасы Нұрлан Жақыпов «Интер РАО» ЖАҚ бас директоры Сергей Дрегвалмен кездесті.
Тараптар Қазақстанның Көкшетау, Семей және Өскемен қалаларындағы үш ЖЭО-ны салу мерзімдерін, сондай-ақ нысандарды тапсыру мерзімдерін тездету жолдарын талқылады.
Бұл жобалар 2024 жылғы 17 сәуірде ҚР Энергетика министрлігі мен РФ Энергетика министрлігі қол қойған үкіметаралық келісім шеңберінде іске асырылуда.
«Интер РАО» ЖАҚ – Ресейдегі, сондай-ақ Еуропа мен ТМД елдеріндегі активтерді басқаратын энергетикалық компания. Ол негізінен электр және жылу энергиясын өндіру, халықаралық энергетикалық трейдинг, инжиниринг, энергия нысандарын жобалаумен және салумен айналысады.
Санкт-Петербург қаласында өтіп жатқан Халықаралық экономикалық форум аясында Тәуелсіз Мемлекеттер Достастығы Электр энергетикалық кеңесінің (ТМД ЭЭК) кезекті 64-отырысы өтті.
ТМД ЭЭК айналысатын қызметтің негізгі бағыты – нормативтік-құқықтық базаны қалыптастыру және жетілдіру арқылы ТМД-ға қатысушы мемлекеттердің электр энергетикасы саласындағы құқықтық кеңістігін құру.
ТМД ЭЭК-нің мақсаты – ТМД-ға қатысушы мемлекеттердің электр энергетикасы жүйелері бірлестігінің тиімді жұмыс істеуі негізінде мемлекеттердің экономикасы мен халқын электр энергиясымен тұрақты әрі сенімді түрде жабдықтауды қамтамасыз етуге бағытталған электр энергетикасы саласындағы ТМД-ға қатысушы мемлекеттердің бірлескен және үйлестірілген іс-қимылдарын жүргізу болып табылады.
Отырысқа ҚР Энергетика министрі А.М.Сәтқалиев, РФ Энергетика министрі С.Е. Цивилёв, ТМД елдерінің министрлері мен орынбасарлары, «Самұрық-Энерго» АҚ Басқарма Төрағасы Қ.Б.Мақсұтов, ТМД ЭЭК Атқарушы комитетінің төрағасы Т.В.Купчиков, ТМД Бас хатшысының орынбасары Д.А.Трефилов, сондай-ақ ИнтерРАО, Росатом, РусГидро және т. б. компаниялардың өкілдері қатысты.
Жиын барысында ТМД ЭЭК-нің Президентін сайлау туралы мәселе қаралды. Сондай-ақ маңызды және өзекті мәселелер аясында келесі баяндамалар тыңдалды:
➢ Электр энергетикасын дамытудың заманауи үрдістері, интеграцияның артықшылықтары. Өнеркәсіптік әлеует;
➢ Ірі мегаполистер мен қала агломерацияларын энергиямен жабдықтауды дамытудың қазіргі заманғы үрдістері;
➢ Елдер мен жекелеген компаниялардың климаттық міндеттемелерін орындау бағытындағы атом энергетикасының әлеуеті, өндірістік тізбектерді дамыту;
➢ СЭС су қоймаларының сіңіру қабілетін зерттеу. ТМД елдерінде СТО ұйымының «Пайдаланылатын гидроэнергетикалық объектілердің тұрақты даму критерийлеріне сәйкестігін бағалау жүйесі» стандартын тарату;
➢ Климаттық қауіптер. Сәйкестендіру, бағалау және бейімделу шаралары. Отырыс қорытындысы бойынша ТМД ЭЭК қатысушылары 2024 жылғы желтоқсанда ТМД ЭЭК-нің келесі 65-отырысын өткізу туралы шешімді қолдады.
АлЭС қызметкерлері «Самұрық-Қазына» АҚ ұйымдастырған қайырымдылық марафонын сәтті жүгіріп өтіп, Charity Samruk Marathon 2024 жеңімпазы атанды.
«АлЭС» АҚ Басқарма төрағасының орынбасары – бас инженер Ғазий Исмұхамбетов 10 км қашықтықта 50 жастан жоғары санаты бойынша 1 орынды қанжығаға байлады.
Сонымен қатар 1-ЖЭО электр монтері Бекзат Қалелов 10 шақырым қашықтықта 18-29 жас аралығындағы санатта 2-орынға ие болды.
Қайырымдылық марафонына 1200-ге жуық жүйрік қатысты, олардың басым көпшілігі - «Самұрық-Қазына» АҚ компаниялар тобының қызметкерлері.
Еңбек қауіпсіздігі мәдениетіне арналған стратегиялық сессияны «Самұрық-Қазына» АҚ Корпоративтік басқару, әлеуметтік-еңбек қатынастары және еңбекті қорғау жөніндегі басқарушы директоры Ғибрат Ауғанов ашты. Ол кіріспе сөзінде іс-шараның кәсіпорындардағы еңбек қауіпсіздігі мәселелеріне ерекше назар аударуға және басшылардың жауапкершілігін арттыруға бағытталғанын атап өтті.
«Біз өндірістік қауіпсіздік бағытында барынша жылдам әрі сапалы өзгертулерге қол жеткізіуге тиіспіз. Осы стратегиялық сессия қатысушылар үшін пайдалы болады деп үміттенемін. Бірлесіп өндірістегі жазатайым оқиғаларды нөлдік деңгейге дейін азайтамыз деп сенемін», - деді Ғибрат Ауғанов.
«Самұрық-Энерго» АҚ Басқарма Төрағасы Қайрат Мақсұтов іс-шара қатысушыларына өндірістегі қауіпсіздіктің және Vision Zero қағидаттарын ұстанудың маңыздылығын атап өтті.
«Біздің басты міндетіміз — еңбек қауіпсіздігі мәселелеріне аса басымдықпен ден қойып, оған қол жеткізу жолында көшбасшы болу. Корпоративтік қауіпсіздік мәдениетін нығайту маңызды. Сессияда біз еңбек қауіпсіздігі мәдениеті туралы ортақ көзқарасты қалыптастыру үшін жұмыс істейтін боламыз. Бірнеше жылдан кейін компаниямыз еңбек қауіпсіздігі бойынша қандай деңгейде болуы керектігі туралы түсінік болуы шарт», - деді Қайрат Мақсұтов.
Стратегиялық сессия екі күнге созылады. Іс-шара барысында қатысушылар еңбек қауіпсіздігін қамтамасыз ету бойынша үздік әлемдік тәжірибелермен танысады. Тиімді қауіпсіздік мәдениетін құру және өзгерістер процесіне басшылық пен қызметкерлерді тарту жөніндегі мәселелер талқыланады.
«Екібастұз 2-МАЭС станциясы» АҚ өкілдері Павлодар қаласының Торайғыров университетінде кездесу өткізді.
Жиынға «Электр энергетикасы», «Жылу энергетикасы», «Автоматтандыру және басқару», «Өнеркәсіптік робототехника» факультеттерінің оқытушылары мен студенттері қатысты. Студенттердің практикадан өтуі және оларды әрі қарай жұмысқа орналастыру мәселелері, сондай-ақ кәсіби қызметтің жекелеген бағыттары бойынша жас мамандарды даярлау және біліктілігін арттыру бағдарламалары талқыланды.
«Торайғыров университетімен өзара байланысымыз энергетика саласының болашақ мамандарын даярлау деңгейі мен сапасын арттыруға бағытталған»,-деп атап өтті 2-МАЭС Адам ресурстары басқармасының басшысы Қайрош Ахметов.
Энергетика факультетінің деканы Олжас Тәліповтің айтуынша, Торайғыров университеті жұмыс берушілермен ынтымақтастық үшін әрдайым ашық. Бұл - студенттер үшін практикалық тәжірибе алуға және еңбек нарығында сұранысқа ие дағдыларды дамытуға тамаша мүмкіндік. Университет кәсіпорындардың кадрлық сұранысын бағалап, мамандарды даярлау бойынша қажетті қолдау көрсетуге дайын.
✔️ Кездесу қорытындысы бойынша Екібастұз 2-МАЭС пен ЖОО арасындағы ынтымақтастық жоспарлары белгіленді.
Ғазий Есмұхамбетов, Исахан Сырғабаев, Владимир Шмелев және Ренат Жанғұттин еңбек жолдарын Алматы 2-ЖЭО мен 1-ЖЭО-да бастады. Көп жылдық ерен еңбектің арқасында олар энергетика саласында адалдық пен кәсібиліктің символына айналған.
Ардагерлер үшін энергетика саласында жұмыс істеу – тек мамандық қана емес, бүкіл өмірлерінің мәні, өмір сүру салты болды.
Ғазий Жұмабайұлы Есмұхамбетов Алматы 2-ЖЭО-ға 1986 жылы келген. Мұнда ол кезекші электр монтерінен станцияның ауысым бастығына дейін көтерілді. 2002 жылдан бастап 2007 жылдар арасында Ғазий Жұмабайұлы «АӨК» АҚ орталық диспетчерлік қызметінде еңбек етті. Содан соң «АлЭС» АҚ бас инженерінің орынбасары, Өндіріс жөніндегі басқарушы директор - бас инженер, Басқарма төрағасының өндіріс жөніндегі орынбасары болып жұмыс істеді.
Исахан Ақтанұлы Сырғабаев еңбек жолын 2-ЖЭО-ның қазандық цехында слесарь болып бастаған. Диірмен машинисінен отын ұнтақтау бойынша қазандық цехы бастығының орынбасарына дейінгі жолды жүріп өтті. Алматы 2-ЖЭО бас инженері қызметін атқарды. 1-ЖЭО Басқарушы директоры және БЖК Басқарушы директоры болып лауазымды қызметтерді атқарды.
Владимир Георгиевич Шмелев еңбек жолын 1-ЖЭО-да электр слесарі болып бастады. 1-ЖЭО станция ауысымының аға басшысы, қазандық цехының бастығы, бас инженердің орынбасары, «АӨК» АҚ Техникалық зерттеулер және талдау департаментінің, Пайдалану және жөндеу басқармасының басшысы қызметтерін атқарды. 2013 жылдан бастап «АлЭС» АҚ бас инженерінің орынбасары болып еңбек етті.
Ренат Науханұлы Жанғұттин Алматы энергетикалық институтын бітіргеннен кейін Алматы 2-ЖЭО электр монтері болып жұмыс істеді. Одан соң «АӨК» ЖАҚ электр цехының, станцияның ауысым бастығы, Орталық диспетчерлік қызметінің бас диспетчері қызметтерін атқарды. 2008 жылдан бастап Ренат Науханұлы басқарма басшысы болды.
Салтанатты шарада «АлЭС» АҚ басшылары мен қызметкерлері ардагерлерге компанияға және еліміздің энергетика саласын дамытуға қосқан баға жетпес үлесі үшін алғыс білдірді.
«Алатау Жарық Компаниясы» АҚ электр желілерін пайдалану және жөндеу бойынша мамандар арасында кәсіби жарыс басталды. Оған 35 кВ және одан жоғары электр беру желілері басқармасы, Қонаев, Райымбек, Балқаш, Ұйғыр, Есік және Жамбыл аудандық электр желілерінен жеті команда қатысуда.
Іс-шараның ашылу салтанатында «Алатау Жарық Компаниясы» АҚ Басқарма төрағасы Абай Асылов қатысушыларға сәттілік пен жеңіс тіледі.
Жарыс жеті кезеңнен тұрады. Біріншісі бригаданың күнделікті жұмыста қолданатын жұмыс құралдарын, құжаттамаларын тексеруді қамтиды. Қалған кезеңдерде командалар кәсіби білімдері бойынша сыналады.
Дәстүрлі түрде жыл сайын өтетін бұл байқау мамандардың біліктілігін арттырумен қатар, облыстың әртүрлі ауданындағы энергетиктердің бір-бірімен тәжірибе алмасып, шеберліктерін шыңдауына септігін тигізеді.
«Самұрық-Энерго» АҚ-ның еншілес компаниясы «Samruk-Green Energy» ЖШС алғаш рет халықаралық стандарттағы I-REC сертификаттарын дайындап, сатылымға шығарды. Қазірдің өзінде 12 мыңнан астам жасыл сертификат сатылды. Бұл ішкі және халықаралық нарықта сұраныстың өсуін көрсетеді.
I-REC сертификаттары электр энергиясының жаңартылатын энергия көздерін (ЖЭК) пайдалану арқылы өндірілгенін құжат жүзінде растайтын халықаралық құрал болып табылады. Мұндай сертификаттарға көміртегі ізін азайтуға және көміртегі бейтараптығына қол жеткізуге ұмтылатын компаниялар арасында сұраныс артуда.
«Халықаралық стандарттағы I-REC сертификаттарын шығару компаниямыздың тұрақты даму қағидаттарын ұстануы мен қоршаған ортаны сақтаудағы маңызды қадамдарының бірі болып табылады. I-REC сертификаттары әлемнің 50-ден астам елінде мойындалады және инвестициялар тарту мен ESG-стратегияларын (Environmental, Social, Governance) іске асыруда қосымша бонус болып табылады. Сондай-ақ ЖЭК-ті одан әрі дамытуға мүмкіндік береді. Енді отандық ЖЭК объектілері өндіретін энергияны сертификаттау есебінен қосымша табыс табуға, ал кәсіпорындар тұрақты даму қағидаттарын іс жүзінде белсенді енгізуге мүмкіндік алады», - деп атап өтті «Самұрық-Энерго» АҚ Басқарма Төрағасы Қайрат Мақсұтов.
«Samruk-Green Energy» ЖШС-ның Қазақстандағы ЖЭК саласында көшбасшы орынға ие. Компания күн және жел электр станцияларымен өндірілген электр энергиясы негізінде шығарылған I-REC сертификаттарының кең спектрін ұсынады. Сол арқылы Samruk-Green Energy қызмет аясын кеңейтіп қана қоймай, қоршаған ортаны қорғауға да үлес қосуда.
