Кеше Қазақстан Республикасының Президенті Қасым-Жомарт Тоқаевтың ҚХР-ға ресми сапары барысында жалпы сомасы 16,54 млрд доллар болатын 30 коммерциялық құжатқа қол қойылды.

Қол қойылған құжаттардың қатарында – «Самұрық-Энерго» АҚ мен Рower China Resources Ltd арасындағы жобаны бірлесіп әзірлеу туралы келісім бар.

Жобаны бірлесіп әзірлеу туралы келісім өткен жылы салынған Алматы облысының Шелек дәлізіндегі жел электр станциясының қуатын 810 МВт-ға дейін арттыруды көздейді.

 «Шелек дәлізінде келешекте кеңейту арқылы қуаты 60 МВт жел электр станциясын салу» жобасын 2022 жылы «Самұрық-Энерго» АҚ қазақстандық электр энергетикалық холдингі «Power China» қытай корпорациясымен серіктестікте іске асырған болатын. Жоба қазақстан және қытай компанияларының энергетика саласындағы халықаралық ынтымақтастығының ойдағыдай жүзеге асқан үлгісі болғанын естеріңізге сала кетейік.

ҚХР-да қол қойылған жаңа құжат жобаны практикалық тұрғыдан іске асыру шеңберінде жел мониторингі мен қажетті жобалық құжаттаманы әзірлеуді қоса алғанда, кең ауқымдағы жұмыстарды жүргізуді көздейді.

Сондай-ақ, «Самұрық-Энерго» АҚ делегациясы «Бір белдеу, бір жол» халықаралық ынтымақтастық форумы аясында өткен жоғары деңгейдегі басшылар конференциясының жұмысына қатысты. Бұл іс-шарада 300-ден астам делегация құрамындағы қатысушылар сутегі энергетикасын, жаңартылатын энергия көздерін, көлік-логистикалық бағдарларды және жасанды интеллектіні дамытуға қатысты көптеген мәселелерді талқылады.

«KEGOC» АҚ акциялары барлық қазақстандықтардың сатып алуына қолжетімді болды! 2023 жылдың 16 қазанында компанияның акцияларын орналастырудың екінші кезеңі (SPO) басталды. Компанияның акцияларын сатып алуға өтінімдер 2 қарашаға дейін қабылданады.

Бүгін «KEGOC» АҚ SPO бойынша, сондай-ақ ұйымдастырылған бағалы қағаздар нарығына инвестициялау мәселелері бойынша жүргізіліп жатқан ақпараттық-түсіндіру науқаны аясында «Самұрық-Энерго» АҚ-да «Самұрық-Қазына» қоры мен «KEGOC» АҚ өкілдерінің қатысуымен Road Show өтті.

«Самұрық-Энерго» АҚ ұжымымен кездесу барысында «Самұрық-Қазына» АҚ Дамыту және жекешелендіру жөніндегі басқарушы директоры Салтанат Сәтжан «KEGOC» АҚ акцияларын сатып алу үшін қажетті негізгі себептерді, оның ішінде электрмен жабдықтау нарығындағы негізгі жағдайды, компанияның маңызды активтері, кірістердің тұрақты өсуі, инвесторларға дивидендтер төлеудің ешбір мінсіз орындалып келе жатқанын және делдалдардың KEGOC акцияларының құнына берген бағалары туралы айтты.

 «Өтінімдерді делдалдар, банктер мен Tabys қосымшалары, сондай – ақ «Қазпошта» АҚ бөлімшелері арқылы - онлайн және офлайн беруге болады. Сонымен қатар, SPO – ның бірінші кезеңі - KEGOC-тың 17 және одан да көп акцияларына иелік ететін ағымдағы акционерлер үшін акцияларды басымдықпен сатып алу құқығын іске асыру кезеңі жалғасуда. SPO 28 қыркүйекте басталды және 27 қазанды қоса алғанда, 30 күнге созылады. Ағымдағы акционерлер брокерлер арқылы немесе тікелей KEGOC мекенжайына өтініш бере алады»,-деп атап өтті «Самұрық-Қазына» АҚ өкілі.

 Кездесу барысында спикерлер қатысушылардың сұрақтарына жауап беріп, компанияның одан әрі даму жоспарларын айтты.

«KEGOC» АҚ - Қазақстанның жүйелік операторы және магистральдық электр желілерінің операторы функцияларын атқаратын компания. SPO KEGOC Қазақстан Республикасының Үкіметі бекіткен 2021-2025 жылдарға арналған жекешелендіру жоспары шеңберінде және Мемлекет басшысының тапсырмасы бойынша экономиканы одан әрі мемлекеттің иелігінен алу, оның ішінде қосымша эмиссия арқылы мемлекеттік активтерді жекешелендіру есебінен өткізіледі.

Алматы облысындағы Мойнақ СЭС – су қоймасының деңгейі мен гидроагрегаттардың орналасуы арасында 500 метр биіктік айырмашылығы бар деривациялық үлгідегі Қазақстандағы бірінші және жалғыз жоғары қысымды ірі су электр станциясы. Ол Шарын өзенінің көркем табиғи аймағында орналасқан. Станция өзінің технологиялық ерекшеліктері мен шешілетін міндеттері бойынша бірегей болып табылады және «Самұрық-Энерго» энергетикалық холдингінің генерациялаушы қуаттарынан ғана емес, сонымен бірге республиканың жұмыс істеп тұрған барлық электр станцияларынан да ерекшеленеді.

«Мойнақ СЭС»-ке жұмыс сапарымен «Самұрық-Энерго» АҚ Басқарма Төрағасы Қайрат Мақсұтов келді. Электр энергетикалық холдингінің басшысы СЭС жұмысымен, оның жабдықтарының техникалық жай-күйімен, сондай-ақ күзгі-қысқы кезеңге дайындық жөніндегі іс-шаралармен және перспективті жоспарлармен танысты. Нысанды Қайрат Мақсұтовқа «Самұрық-Энерго» АҚ Өндіріс жөніндегі басқарушы директоры Руслан Тұрғамбаев пен «О.Д.Қантаев атындағы Мойнақ СЭС» АҚ Басқарма Төрағасы Ғалымжан Айдарбеков еріп жүріп, аралап көрсетті.

Қазіргі уақытта станцияда негізгі және қосалқы жабдықтарға жыл сайынғы жоспарлы ағымдағы жөндеу жұмыстары жүргізілуде.  Жөндеу жұмыстары барысында гидротурбиналарға, жабдықты автоматты басқару және өрт сөндіру жүйелеріне тексеру, қысымды деривацияның жай-күйіне бағалау жүргізілетін болады. Станция тоқтаған кезеңде Бестөбе су қоймасының су қорлары шамамен 60-70 млн м3-ке толықтырылады, бұл станцияға жыл соңына дейін жоспарланған электр энергиясының 858 млн кВтсағ көлемін өндіруге мүмкіндік береді.

Сапар аясында «Самұрық-Энерго» АҚ басшылары Мойнақ СЭС негізгі нысандарын: контрреттегіш бөгетін, теңестіру резервуарын, №2 кіреберіс штольняны және Бестөбе су қоймасының нысандарын аралап көрді.

Бүгін Алматы облысында өңір экономикасын дамыту үшін аса маңызды энергетикалық объект – «Көкөзек» қосалқы станциясының (ҚС-110/10-10кВ) құрылысы аяқталып, өндіріске енгізілді. «Алатау Жарық Компаниясы» АҚ («АЖК» АҚ) іске асырған жоба Қарасай ауданында бос қуат тапшылығы бар индустриялық аймақты электр энергиясымен қамтамасыз етеді. Сонымен қатар, жаңа қосалқы станция шағын және орта бизнес субъектілерін сенімді және тұрақты түрде электрмен жабдықтауға мүмкіндік береді және өңірде қажетті әлеуметтік-мәдени маңызы бар объектілерді салу мүмкіндігін кеңейтеді.

110/10 кВ «Көкөзек» қосалқы станциясын салу қажеттілігі бірқатар факторлардан туындады. Қосымша қуаттарды берудің шектеулі мүмкіндігі мәселесі өңірдің өнеркәсіптік әлеуетінің дамуын тежеді.  Өңірдегі қосалқы станциялардың жоғары, максималды жүктемесі электр жабдықтарының жиі апатты істен шығуына және тұтынушыларды, соның ішінде білім беру және денсаулық сақтау нысандарын электр қуатымен жабдықтаудағы үзілістерге алып келді. Мәселенің маңыздылығын түсіне отырып, Алматы облысының басшылығы, Қарасай ауданының әкімдігі және «АЖК» АҚ жаңа қосалқы станция салу туралы шешім қабылдады.

Нысанда әлемдік жетекші өндірушілердің жоғары вольтты жабдықтары орнатылған. Салынған энергетикалық нысан стратегиялық және экологиялық қауіпсіздіктің барлық заманауи талаптарына жауап береді.

«Көкөзек» қосалқы станциясының құрылысы «АЖК» АҚ, «Самұрық-Энерго» АҚ электр энергетикалық холдингінің құрылымындағы компанияның қаражаты есебінен жүзеге асырылды. Жобаның құны - 2,73 млрд теңге.

«Көкөзек» қосалқы станциясын пайдалануға беру жөніндегі іс-шара «Самұрық-Қазына» қоры, Алматы облысының әкімдігі, «Самұрық-Энерго» АҚ, «Алатау Жарық компаниясы» АҚ басшыларының қатысуымен өтті.

«Самұрық-Энерго» АҚ Басқарма Төрағасы Қайрат Мақсұтовтың айтуынша, жаңа қосалқы станцияның құрылысы 2021 жылы басталып, жұмыс жүргізу кестесіне сәйкес жүргізілді. Енді өңір үшін өте маңызды энергетикалық нысан 346 шағын және орта бизнес субъектілерін, сондай-ақ аудандағы тұрғын үй секторының 1362 тұтынушыларын сенімді және тұрақты түрде электрмен жабдықтауды қамтамасыз етеді. «Қосалқы станция қосымша тұтынушыларды қосу мүмкіндігін қамтамасыз етуге мүмкіндік береді, осылайша өндіріс пен бизнесті дамыту үшін ғана емес, тұрғындар үшін қажетті әлеуметтік нысандарды салу үшін де қолайлы жағдай жасайды. Мысалы, бүгінде Көкөзек және Елтай ауылдарында 1500 баладан тұратын екі жайлы мектепті қосуға техникалық жағдай жасалды»,-деп атап өтті «Самұрық-Энерго» АҚ басшысы.

Компания сарапшыларының айтуынша, Алматы энергожүйесін дамыту белгіленген қарқынмен жүріп жатыр. Инвестициялық бағдарламаға сәйкес қолданыстағы электр желілерін жаңғырту және жаңа электр желілерін салу, сондай-ақ ескірген жабдықты ауыстыра отырып, қолда бар трансформаторлық қосалқы станцияларды реконструкциялау жөніндегі жұмыстар жүзеге асырылады. Осы жобаларды іске асыру желілердің өткізу қабілетін арттыруға, электр энергиясын беру кезіндегі техникалық шығындарды азайтуға, сондай-ақ жаңа тұтынушылардың қосылуын қамтамасыз етуге және желідегі кернеу сапасын арттыруға мүмкіндік береді.

2023 жылғы 29 қыркүйекте Екібастұз қаласындағы Б.Нұржанов атындағы «МАЭС-1» ЖШС станциясында «Самұрық-Қазына» АҚ компаниялар тобы Омбудсмендер кеңесінің отырысы өтті. Кездесуге «Қазақтелеком» АҚ, «Самұрық-Энерго» АҚ, «КЕGОС» АҚ, «ҚазМұнайГаз» ҰК АҚ, «Ембімұнайгаз» АҚ, сондай-ақ «Богатырь-Көмір» ЖШС омбудсмендері шақырылды.

«Самұрық-Қазына» АҚ-ның төрағалық еткен омбудсмені Серікбай Тұрымов өзінің құттықтау сөзінде ағымдағы жылдың бірінші тоқсанында атқарылған жұмыстар туралы айтып, Қоғамдық кеңестің қатысуы мен қосқан үлесін ерекше атап өтті.

Бұдан әрі күн тәртібінде «Самұрық-Энерго» АҚ-ның электр энергиясын өндіру процесінің толық циклімен танысу көзделді, оның шеңберінде компания омбудсмені Нариман Ақылов «Богатырь-Көмір» ЖШС алаңына баруды ұйымдастырды. Мұнда омбудсмендер көмір өндірудің және оны МАЭС пен ЖЭО-ға жеткізудің өндірістік циклімен танысты.

Бұдан соң Б. Нұржанов атындағы «МАЭС-1» ЖШС Бас директоры Асан Наурызғалиев таныстыру кездесуін өткізіп, электр энергиясын өндіру процесінің толық циклін көрсетті.

Сондай-ақ, Ерейментау қаласындағы «Бірінші жел электр станциясы» ЖШС алаңына барып, қатысушылар жел энергиясын пайдалана отырып, электр энергиясын алу процесімен танысты.

Отырыстың қорытынды бөлімінде «ЦСВК» ЖМ Әлеуметтік тұрақтылық мониторингі орталығы басшысының м.а. Айнұр Өмірзақова «Самұрық-Қазына» қорында келісу және бекіту кезеңінен өтіп жатқан «Нысана»КО-ның ағымдағы жағдайы және жаңа бағыты туралы ақпаратты бөлісті. Сондай-ақ, 2023 жылдың III тоқсанындағы КО қызметі туралы есеп тыңдалды.

Отырыс барысында «Омбудсмендер, медиаторлар және кәсіподақ көшбасшылары форумы» шеңберінде ағымдағы жылдың желтоқсан айында Омбудсмендердің келесі кеңесін өткізу туралы шешім қабылданды. Омбудсмендер кеңесінің отырысы «Самұрық-Қазына» АҚ компаниялар тобы шеңберінде тәжірибе алмасу мен ынтымақтастықтың маңыздылығын атап көрсеткен «Самұрық-Энерго» АҚ қызметіндегі тағы бір маңызды кезең болды.

Астанада Болат Жәмішевтің төрағалығымен «Самұрық-Қазына» қоры Қоғамдық кеңесінің отырысы өтті. Іс-шараның басты талқылау тақырыбы  жылумен жабдықтау объектілерінің, желілердің және электр энергетикалық инфрақұрылымның күзгі-қысқы кезеңге дайындығы болды.

«Самұрық-Энерго» АҚ Басқарма Төрағасы Қайрат Мақсұтов отырыстағы негізгі спикерлердің бірі ретінде 2023 жылғы Екібастұз МАЭС-1 және МАЭС-2, Алматы ЖЭО жөндеу науқанының барысы туралы айтып, «Самұрық-Энерго» АҚ энергетикалық объектілеріндегі инвестициялық жобалардың іске асырылуы туралы баяндады.

Осылайша, қазақстандық электр энергетикалық холдинг басшысының айтуынша, 2023 жылдың жөндеу науқанына 83 негізгі жабдықты жөндеу жоспарланған, оның ішінде: 9 энергия блогы, 13 турбиналық агрегат, 20 қазандық агрегаты, 21 су жылыту қазандығы, 18 гидроагрегат және Алматы қаласындағы Батыс жылу кешені  ЖЭО-2-нің 2 жылу магистралі бар.

«Самұрық-Энерго» АҚ Алматы энергетикалық кешеніндегі энергия беруші компания «Алатау Жарық Компаниясы» АҚ бойынша 169 км кабельді, 1990 км әуе желілерін, 35-220 кВ 202 қосалқы станцияны, 631 трансформаторлық қосалқы станцияларды және 869 тарату пункттерін, 67 ғимарат мен құрылыстарды жөндеу жоспарланған болатын. Бүгінгі таңда барлық жұмыстар 100%-ға аяқталды.

Сондай-ақ, 2023-2024 жж КҚК-де жұмысқа дайындық паспорттарын алу үшін барлық іс-шаралар аяқталды, «Самұрық-Энерго» АҚ-ның барлық еншілес ұйымдары Дайындық паспорттарын алуға материалдар берді.

Көмір жеткізу бекітілген кестеге сәйкес жүзеге асырылады. «Самұрық-Энерго» АҚ жылу станцияларының қоймаларындағы көмірдің жиынтық қоры 791,5 мың тонна нормативпен 1 427,0 мың тоннаны құрайды. Қоймалардағы көмірдің нормативтік қоры қамтамасыз етілген.

Жалпы, Қайрат Мақсұтов атап өткендей, 2023 жылғы жөндеу науқаны Жүйелік оператормен белгіленген және келісілген мерзімде толық көлемде аяқталатын болады.

«Самұрық-Энерго» АҚ – Қазақстандағы ең ірі көпсалалы энергетикалық холдинг, оның құрылымында көмір өндіруден бастап электр энергиясын сатуға дейінгі барлық өндіріс тізбегі бар. Компания Қазақстанның ең тығыз қоныстанған өңірі - Алматы мен Алматы облысында электр энергиясын өндірумен, көмір өндірумен, сондай-ақ электр энергиясын бөлумен және өткізумен айналысады.

«Самұрық-Энерго» АҚ еншілес компанияларының электр энергиясын жиынтық өндіру көлемі 2022 жылы 35,9 млрд.кВтсағ немесе Қазақстан бойынша жалпы электр энергиясын өндіру шамамен 32% - % құрады. 2023 жылдың 8 айында электр энергиясын өндіру 23 млрд. кВтсағ немесе жоспардың 101%-ын құрады. Жылу энергиясын босату 4,0 млн. Гкал немесе жоспардың 105%-ын құрады. Электр энергиясын беру көлемі («АЖК» АҚ) 5,7 млрд. кВтсағ немесе жоспардың 106%-ын құрады. Көмір сату көлемі («Богатырь Көмір» ЖШС) - 27,7 млн.тонна немесе жоспардың 100%-ы.

Қазіргі уақытта Астана қаласында Expo Конгресс орталығында жыл сайынғы XV KAZENERGY Kazakhstan Energy Week – 2023 (KEW-2023) Еуразиялық форумы өтеді.

Осы форум аясында ағымдағы жылдың 3 қазанында ТМД елдерінің (Қазақстан, Беларусь, Өзбекстан, Қырғызстан және Тәжікстан) Энергетика вице-министрлерінің қатысуымен «ТМД-ға қатысушы мемлекеттердің энергетикалық қауіпсіздігі» тақырыбында ТМД Электр энергетикалық кеңесі Атқарушы комитетінің жоғары деңгейдегі дөңгелек үстел отырысы өтті. Сондай-ақ, аталған отырысқа «Самұрық-Энерго» АҚ Басқарма төрағасы Қ.Б.Мақсұтов қатысты.

Дөңгелек үстел отырысы тікелей байланыс форматында өтті, онда тараптар энергетикалық қауіпсіздік, оның ішінде қазба энергия көздерін, ЖЭК, су-энергетикалық ресурстарды экологиялық жауапкершілік тұрғысынан пайдалану саласындағы өзекті мәселелерді талқылады.

Талқылау барысында «Самұрық-Энерго» АҚ Басқарма Төрағасы Қ.Б.Мақсұтов Самұрық-Энерго өзінің он жылға арналған Даму стратегиясында энергия қауіпсіздігі шеңберінде өзіне қабылдаған барлық міндеттемелерді, сондай-ақ Компанияның төмен көміртекті дамуға көшетінін ескеретінін атап өтті.

Сонымен қатар, көміртегі ізін азайту мақсатына жету мен энергетикалық қауіпсіздікті қамтамасыз ету арасындағы тепе-теңдіктің сақталуын ескере отырып, көміртексіздендіруге әбден елеп-екшелген салмақты ұстаныммен келу және біртіндеп көшу қажет екенін айтты.

Сондай-ақ, Қ.Б.Мақсұтов Самұрық – Энергоның 2030 жылға дейінгі жоспарларымен бөлісті, оның шеңберінде жиынтық қуаты 10 ГВт – ға дейінгі ауқымды энергетикалық жобаларды іске асыру жоспарлануда (оның ішінде тек 3 ГВт – көмір генерациясы, 1 ГВТ – газ генерациясы және 6 ГВт ЖЭК (1 ГВТ- КЭС және 5 ГВТ ЖЭС)).

Сондай-ақ, Самұрық-Энергоның мемлекет атынан Қырғыз Республикасында Қамбарата СЭС-1 құрылысы жобасын іске асыру жөніндегі уәкілетті ұйым болып белгілегенін, оның негізгі мақсаты біздің еліміз үшін Қазақстанның оңтүстік өңірлерінің энергетикалық қауіпсіздігін арттыру, сондай-ақ вегетациялық кезеңде Қазақстанның оңтүстік облыстарын сумен жабдықтаудың тұрақтылығын арттыру болып табылатынын айтты.

Отырыс қорытындысы бойынша елдердің электр энергетикасы саласындағы өзара тиімді іс-қимылы атап өтілді және жоғарыда аталған бағыттардағы ынтымақтастықты жалғастыру туралы шешім қабылданды.

Директорлар кеңесінің 28.09.23ж. шешімімен Құқықтық сүйемелдеу және активтерді басқару жөніндегі басқарушы директор Нұрлан Жапарханов «Самұрық-Энерго» АҚ Басқармасының құрамына сайланды.

Нұрлан Алтынханұлы Жапарханов 1982 жылы 26 мамырда Алматы қаласында дүниеге келген.

2003 жылы Әл-Фараби атындағы Қазақ ұлттық университетінің заң факультетін бітірген.

2011 жылы Нұрлан Алтынханұлы Астана қаласындағы «Тұран» университетін тәмамдап, заң ғылымдарының магистрі академиялық дәрежесін алды.

2009 жылдан бастап «Самұрық-Энерго» АҚ компаниялар тобында түрлі позицияларда жұмыс істеген.

Директорлар кеңесінің 28.09.23ж. шешімімен Экономика және қаржы жөніндегі басқарушы директор Алмасби Камалов «Самұрық-Энерго» АҚ Басқармасының құрамына сайланды.

Камалов Алмасби Низаматддинұлы 1989 жылы 7 сәуірде дүниеге келген.

2010 жылы Қазақстан менеджмент, экономика және болжау институтын (ҚМЭБИ) бітірген, іскерлік әкімшілік және бухгалтерлік есеп бакалавры.

Warwick университетінде (Ұлыбритания) MBA бағдарламасы бойынша білім алуды жалғастыруда.

CFA level II деңгейінде кәсіби біліктілігі бар.

2011-2014 жылдары «Самұрық-Энерго» АҚ еншілес ұйымдарында жұмыс істеді.

2014 жылдан бастап «Самұрық-Энерго» АҚ «Стратегиялық жоспарлау және экономикалық талдау» департаментінде еңбек жолын бас менеджерден бастап, департамент директорына дейінгі жолдан өтті.

Өткен бейсенбіде Астанада «Самұрық-Энерго» АҚ екінші Жастар форумы өтті.  Іс-шара ірі қазақстандық электр энергетикалық холдингінің жүзден астам жас қызметкерлерін жинап, компаниялар тобы мамандарының өзара іс-қимылын нығайту және жаңа буынын қолдау бағытындағы маңызды қадам болды. «Самұрық-Энерго» жас энергетиктерінің слеті «Jas Energy» компаниясы жастар қозғалысының белсенді қатысуымен өтті.

Форумның негізгі мақсаты компанияның жалпы ұйымдастырушылық дамуын қамтамасыз ету мақсатында «Самұрық-Энерго» АҚ еншілес және тәуелді ұйымдарының жастарын жақындастыру болды. Форум қатысушыларға әріптестер арасында жаңа достық және кәсіби байланыстар жасауға, олардың жеке және кәсіби өсуіне ықпал ете отырып, тәжірибе мен идеяларын алмасуға ерекше мүмкіндік берді.

Форумды «Самұрық-Энерго» АҚ Өндіріс жөніндегі басқарушы директоры Руслан Тұрғамбаев салтанатты түрде ашты. Руслан Елубайұлы өзінің құттықтау сөзінде компанияның Басқарма Төрағасы Қайрат Мақсұтовтың құттықтау сөздерін форумның жұмысына жеміс тілей отырып жеткізді. Сонымен қатар, Руслан Тұрғамбаев компанияның болашақ жобаларына драйвер бола алатын жаңа таныстықтардың, шығармашылық жаңалықтар мен бастамалардың маңыздылығын атап өтті.

Форум жұмысын ұйымдастырушылар мен «Жеті қадам» модульдік бағдарламасының қатысушылары жалғастырды. Бұл бастама «Самұрық-Қазына» қоры мен портфельдік компаниялардың жас және тиімді қызметкерлерін дамытуға бағытталды. Әр түрлі компаниялардың 49 белсенді қатысушысы өздерінің коммуникативтік дағдыларын, командада жұмыс істей қабілетін дамыту, қаржылық жоспарлаудың негізгі қағидаттарын түсіну үшін басқарушылық құзыреттерді енгізу техникасын оқыту мақсатында іріктеуден өтті.

Форумда «Самұрық-Энерго» АҚ-ның «Жеті қадам» бағдарламасына қатысушылар - Әселия Меңдібаева (Екібастұз МАЭС-1), Шыңғыс Жүйріков (АлматыЭнергоСбыт), Гүлманат Жұман және Мадияр Құлқашев (АЖК) алған тәжірибелерімен бөлісіп, оқу кезеңіндегі қиындықтар, жетістіктер және бастан кешкен эмоциялар туралы айтып берді. Спикерлер өздерінің энергетик әріптестерін холдинг кәсіпорындарында көбірек бастамашылық танытуға шақырып, залдан берілген сұрақтарға жауап берді.

Әрі қарай форум қатысушылары «Qwiz» зияткерлік ойынында өз қабілеттерін көрсетті. Көпшіліктің пікірі бойынша, викторинадағы сұрақтары ең қиыны «Самұрық-Энерго» АҚ Басқарма мүшелерінің сұрақтары болды.

Күннің бағдарламасына әйгілі «Форт Боярд» телебағдарламасы желісінде ұйымдастырылған белсенді команда (тимбилдинг) құру кірді. Қатысушылар командаларға бөлініп, әртүрлі ойын жарыстарында тапсырмаларды орындады. Мұндай бірлескен жұмыс ортақ мақсатқа жету үшін ұжымды біріктіруге бағытталды.

Форум күні бойы жалғасып, интерактивті ойындармен, байқаулармен және түрлі-түсті дискотекамен, көңілді гала-кешкі аспен аяқталды. Іс-шараның барлық қатысушылары бұл күннен көл-көсір эмоция мен мықты қуат алды. Жас энергетиктер жаңа достар тауып, құрдастарымен жақынырақ танысты.

«Самұрық-Энерго» АҚ-ның II Жастар форумы жас кадрларға, олардың жеке дамуы мен кәсіби жетілуіне назар аударудың маңыздылығын растады. Форум ұйымның жетілу және даму жолында қолайлы орта қалыптастыруға деген ұмтылыстың қаншалықты маңызды екенін тағы да бір көрсетті.