«Самұрық-Қазына» қорының Басқарма Төрағасы Нұрлан Жақыпов жұмыс сапарымен «Самұрық-Энерго» АҚ Екібастұз энергетикалық кешенінің кәсіпорындарын аралады. Қор басшысына «Самұрық-Энерго» АҚ Басқарма Төрағасы Қайрат Мақсұтов алдағы күзгі-қысқы жылыту маусымына дайындық бойынша объектілердегі жоспарлы жұмыстардың, сондай-ақ еліміздің энергетикасы үшін аса маңызды инвестициялық жобалардың іске асырылу барысын таныстырды.

«Самұрық-Энерго» АҚ электр энергетикалық холдингінің құрылымына Екібастұздағы «Богатырь Көмір» ЖШС көмір кесігі, сондай-ақ Екібастұз МАЭС-1 және МАЭС-2 кіреді. Қайрат Мақсұтовтың айтуынша, жөндеу жұмыстары жоспар бойынша жүріп жатыр, олардың тәртібі «КЕGОС» АҚ жүйелік операторының ұлттық диспетчерлік орталығымен келісілген, қоймаларда 2023-2024 жж. КҚК-ге арналған көмір қорын жинақтау жоспар бойынша жүріп жатыр.

Сапар Қазақстандағы ашық тәсілмен көмір өндіретін ірі компания - Богатырь Көмір ЖШС-ның «Богатырь» көмір кесігінен басталды. Кәсіпорында 6 550 адам жұмыс істейді. «Богатырь Көмір» ЖШС-ның өндірістік қуаты жылына 42 млн.тонна көмірді құрайды, оның ішінде «Богатырь» кесігі бойынша - 32 миллион тонна, «Северный» кесігі бойынша - 10 миллион тонна. «Богатырь Көмір» ЖШС – ның үлесі - 2022 жылдың қорытындысы бойынша, Қазақстанда өндірілетін барлық көмір көлемінің шамамен 40%-ы (42,5 млн.тонна). Жыл сайын энергетикалық көмір ҚР мен РФ-ның энергия өндіруші ұйымдарына жөнелтіледі.

«Богатырь» кесігінде Нұрлан Жақыпов көмір берудің циклдық-ағындық технологиясын енгізу жөніндегі жобаның іске асырылу барысымен танысты. ЦАТ жобасы өзінің жобалық қуатына кезең-кезеңімен шыға отырып, ағымдағы жылдың тамыз айында толық аяқталады. Бұл жоба тұтынушыларға отын жеткізуді арттыруға мүмкіндік береді.

Келесі аралау нысаны «Болат Нұржанов атындағы Екібастұз МАЭС-1» ЖШС электр станциясы болды. Белгіленген қуаты 4000 МВт және қолда бар қуаты 3500 МВт ЕМАЭС-1 Қазақстан энергетикасының флагманы болып табылады. ЕМАЭС-1-дің электр энергиясын өндіру көлемі 2022 жылдың қорытындысы бойынша 23 млрд. кВтсағ құрады, бұл станция тарихындағы рекордтық көрсеткіш болып табылады. Ағымдағы жылдың 6 айында станция 11,2 млрд. кВтсағ өндірді, бұл өткен жылдың сәйкес кезеңімен салыстырғанда 3% - ға артық.

Қор басшысы № 1 энергия блогының блоктық басқару қалқанын қарап, оны қалпына келтіру жұмыстарының барысымен танысты. Ағымдағы жылдың соңында №1 энергия блогы пайдалануға берілгеннен кейін станцияның белгіленген қуаты 4000 МВт құрайды. Жобаның мақсаты станцияның қолда бар қуатын жобалық қуатқа дейін ұлғайту, сұранысты қанағаттандыру және Қазақстан Республикасында электр энергиясының тапшылығын төмендету болып табылады. Энергия блогын қалпына келтіру кезеңінде 500-700 адамға арналған жаңа жұмыс орындары құрылды, пайдалану кезеңінде 54 адам тартылатын болады. Сондай-ақ, заманауи электр сүзгілерін орнату есебінен экологиялық нормативтердің орындалуы қамтамасыз етілетін болады. «№1 энергия блогын қалпына келтіру» жобасын белгіленген мерзімде аяқтау жоспарлануда.

Қазіргі уақытта станцияда №3 энергия блогына күрделі жөндеу жүргізілуде. Көмір жеткізуге ұзақ мерзімді шарттар жасалды. Жөндеу жұмыстары жоспарлы түрде жүргізілуде, олардың тәртібі «КЕGОС» АҚ жүйелік операторының ұлттық диспетчерлік орталығымен келісілді. 2023-2024 жж. КҚК-ге қарай қоймаларға жоспар бойынша көмір жинақталып жатыр.

«Самұрық-Қазына» АҚ Басқарма Төрағасының жұмыс сапары «Екібастұз МАЭС-2 станциясы» АҚ-ға барумен аяқталды.

Оның белгіленген электр қуаты 1000 МВт құрайды. Станция жыл сайын шамамен 6,0 млрд.кВтсағ электр энергиясын өндіреді, сондай-ақ жақын маңдағы Солнечный кентін жылу энергиясымен қамтамасыз етеді.  Ағымдағы жылдың 6 айында станция 3,0 млрд. кВтсағ электр энергиясын өндірді, бұл өткен жылдың сәйкес кезеңінен 5% - ға артық.

Станциядағы 2023 ж. жөндеу науқаны белгіленген мерзімде өткізіледі, № 2 энергия блогы 2 мамырдан 26 шілдеге дейінгі мерзімді қоса алғанда күрделі жөндеуде, ол аяқталғаннан кейін №1 энергия блогын ағымдағы жөндеуге шығару жоспарлануда. Станция қоймаларында қажетті отын қорлары (көмір, мазут) жинақталған, жеткізу уақтылы жүзеге асырылады.

МАЭС-2-ге бару барысында «Самұрық-Қазына» қорының басшысы станцияда №3 және №4 энергия блоктарын салу жобаларын іске асыру бойынша жұмыстармен танысты. №3 энергоблоктың қуаты 636 МВт құрайды деп болжануда, жоспарланып отырған өндіру - жылына 4,8 млрд.кВтсағ. Энергия блогын пайдалануға беру ҚР-дағы электр энергиясының тапшылығын ең төменгі деңгейге дейін төмендетуге мүмкіндік береді.

«Qazaq Green Power PLC» Жария компаниясы Директорлар кеңесінің шешімімен Долқын Исламов «Samruk-Green Energy» ЖШС Бас директоры болып тағайындалды.

Компания ұжымына жаңа басшыны «Samruk-Green Energy» ЖШС Директорлар кеңесінің төрағасы – «Самұрық-Энерго» АҚ Экономика және қаржы жөніндегі басқарушы директоры Айдар Рысқұлов таныстырды.

Исламов Долкын Усманович 1966 жылы 11 шілдеде Қазақстан Республикасының Жетісу облысында дүниеге келген.

Жоғары экономикалық және техникалық білімі бар.

Жалпы еңбек өтілі 32 жылды құрайды, оның ішінде энергетика саласында 14 жылдан асады.

«Самұрық-Энерго» АҚ компаниялар тобында 2009 жылдан бері жұмыс істейді, оның ішінде «Алатау Жарық Компаниясы» АҚ Техникалық аудит қызметін ұзақ уақыт басқарды, сондай-ақ компанияның Басқарма Төрағасының кеңесшісі болды.

«Самұрық-Энерго» АҚ Екібастұз Энергия кешенінің кәсіпорындары - Екібастұз ГРЭС-1 мен ГРЭС-2, сондай-ақ «Богатырь Көмір» ЖШС күзгі-қысқы жылыту кезеңіне дайындық бойынша жоспарлы жұмыс жүргізуде және республика энергетикасы үшін аса маңызды инвестициялық жобаларды іске асыруда. Нысандардың өндірістік алаңдарына жұмыс сапарымен «Самұрық-Энерго» АҚ Басқарма Төрағасы Қайрат Мақсұтов келді.

Сапар «Болат Нұржанов атындағы Екібастұз ГРЭС-1» ЖШС электр станциясынан басталды. ЕГРЭС-1 белгіленген қуаты 4000 МВт және қолда бар қуаты 3500 МВт болатын қазақстандық энергетиканың флагманы болып табылады. Ағымдағы жылдың соңында №1 энергия блогын пайдалануға бергеннен кейін станцияның қолда бар қуаты 4000 МВт-ны құрайды. ЕГРЭС-1-дің электр энергиясын өндіру көлемі 2022 жылдың қорытындысы бойынша 23 млрд. кВтсағ құрады, бұл станция тарихындағы рекордтық көрсеткіш болып табылады. Ағымдағы жылдың 6 айында станция 11,2 млрд. кВтсағ өндірді, бұл өткен жылдың сәйкес кезеңімен салыстырғанда 3% - ға артық.

ЕГРЭС-1-дің ақпараты бойынша, 2023-2024 жж. жылыту маусымына дайындық шеңберінде негізгі жабдықты жөндеу кестесі әзірленіп, бекітілді. Жөндеу науқаны барысында барлық энергия блоктарын жөндеу жоспарлануда. Қазіргі уақытта №3 энергия блогына күрделі жөндеу жүргізілуде. Көмір жеткізуге ұзақ мерзімді шарттар жасалды. Жөндеу жұмыстары жоспарлы түрде жүргізілуде, олардың тәртібі «КЕGОС» АҚ жүйелік операторының ұлттық диспетчерлік орталығымен келісілді. 2023-2024 жж. КҚК-ге қарай қоймаларда көмірді жоспарлы жинақтау жүріп жатыр.

Қайрат Мақсұтов станцияның 2023-2024 жылдардағы күзгі-қысқы кезеңге дайындығының, оның ішінде жөндеу науқанын орындаудың және көмір қорын уақтылы жинақтаудың маңыздылығын атап өтті. «№1 энергия блогын қалпына келтіру» жобасын іске асыру туралы айта келе, «Самұрық-Энерго» АҚ басшысы оны белгіленген мерзімде аяқтау міндетін қойды.

Келесі нысан «Екібастұз ГРЭС-2 станциясы» АҚ электр станциясы болды. Оның белгіленген электр қуаты 1000 МВт-ны құрайды. Станция жыл сайын шамамен 6,0 млрд.кВтсағ электр энергиясын өндіреді, сондай-ақ Солнечный кентін жылу энергиясымен қамтамасыз етеді.  Ағымдағы жылдың 6 айында станция 3,0 млрд. кВтсағ өндірді, бұл өткен жылдың сәйкес кезеңінен 5% - ға артық.

Қайрат Мақсұтов 2023 жылғы жөндеу науқанының барысымен танысты. № 2 энергия блогы 2 мамырдан 26 шілдеге дейін күрделі жөндеуде, ол аяқталғаннан кейін №1 энергия блогын ағымдағы жөндеуге шығару жоспарлануда. Станция қоймаларында қажетті отын қорлары (көмір, мазут) жинақталған, жеткізу уақтылы жүзеге асырылады. Ағымдағы жылғы отын жеткізуге арналған шарттар бар.

 Сондай-ақ, электр станциясының басшылығы «Самұрық-Энерго» басшысын №3 және №4 энергия блоктарын салу жобаларының іске асырылу барысымен таныстырды.

Одан әрі Басқарма Төрағасы «Богатырь» кесігіне келіп, көмір берудің циклдық-ағындық технологиясын енгізу жөніндегі жобаның іске асырылу барысымен танысты. «Богатырь Көмір» ЖШС жыл сайын ҚР және РФ энергия өндіруші ұйымдары үшін шамамен 42 млн тонна энергетикалық көмір жеткізеді. ЦАТ жобасын аяқтау тұтынушыларға көмір жөнелтуді жылына 52 млн. тоннаға дейін арттыруға мүмкіндік береді. Нысанды пайдалануға беру ағымдағы жылдың тамыз айында жоспарлануда.

 «Самұрық-Энерго» АҚ – 2007 жылы құрылған Қазақстандағы ірі электр энергетикалық холдинг. Қызметінің негізгі бағыттары: электр және жылу энергиясын өндіру; электр энергиясын жеткізу, тарату және сату; энергетикалық көмір өндіру. Холдингтің құрамына энергетикалық және көмір кәсіпорындары кіреді, оның ішінде «Екібастұз ГРЭС-1» ЖШС, «Екібастұз ГРЭС-2 станциясы» АҚ, «Богатырь Көмір» ЖШС, «Алматы электр станциялары» АҚ, «Мойнақ СЭС» АҚ, «Шардара СЭС» АҚ және басқалары бар.

«Самұрық-Энерго» АҚ Директорлар кеңесінің шешімімен Асан Наурзғалиев «Болат Нұржанов атындағы 1-МАЭС»  ЖШС Бас директоры болып тағайындалды.

«Самұрық-Энерго» АҚ Басқарма Төрағасы Қайрат Мақсұтов станция ұжымына жаңа басшыны таныстырды.

Наурзгалиев Асан Акимгалиевич 1978 жылдың 30 сәуірінде дүниеге келді. 

Алматы энергетика және байланыс университетін 2000 жылы «Жылу энергетикасы, Жылу электр станциялары» мамандығы бойынша аяқтайды. Еңбек қызметін 2000 жылы «Қазақмыс, МАЭС» ЖШС бу турбиналарының машинисі болып бастады, содан кейін 2003 жылы турбина бөлімшесінің аға машинисі болып тағайындалды. 2004 жылы ӨТБ бастығының орынбасары болып жұмыс істейді.  2007 жылдың наурыз айынан бастап кезеңде «Екібастұз 1-МАЭС» ЖШС жылу энергетигі-инженері лауазымына кіріседі, 2009 жылы даму және қайта құру тобы бастығының орынбасары, 2010 жылдан бастап электр сүзгілерін монтаждау және жөндеу жөніндегі цехтың бастығы болды. 2011 жылдан бастап 2014 жылға дейін жөндеулерді дайындау және жүргізу бөлімінің бастығы, 2015 жылдан бастап 2018 жылға дейін күрделі құрылыс жөніндегі директор лауазымдарын атқарды. 

2019 жылдың бастап 2023 жылға дейінгі кезеңде «ERG Capital Projects» ЖШС компаниялар тобында, ССКӨБ АҚ ЖЭО басқарушылық жобалары - бу қазандықтары мен турбиналарды ауыстыру бойынша жұмыс істеді.

«Самұрық-Энерго» АҚ Басқарма Төрағасы Қайрат Мақсұтов Компанияның Алматы энергетикалық кешеніні кәсіпорындарына жұмыс сапарымен барды. Сапар барысында электр энергетикалық холдингінің басшысы алдағы жылыту кезеңіне дайындықпен байланысты жұмыстарды тексеріп, Алматы қаласы мен өңірдің энергетикасындағы инвестициялық жобалардың іске асырылу барысымен танысты.   

 «Алатау Жарық Компаниясы» (АЖК)  орталық диспетчерлік пункті Қайрат Мақсұтов тоқталған алғашқы нысандардың бірі болды. «АЖК» АҚ– республиканың оңтүстігіндегі халыққа электр энергиясын жеткізетін және тарататын ірі өңірлік электр желілік компаниялардың бірі. Ол Алматы аймағының 4 миллионға жуық халқын электр энергиясымен қамтамасыз етеді. Бүгінде АЖК энергетиктері жөндеу жұмыстарының бекітілген кестесіне сәйкес ұзындығы 2 мың шақырымнан асатын әуе және кабель желілерінде жұмыс жүргізуде.  Алматы облысы мен қала бойынша 869 тарату және трансформаторлық қосалқы станцияларда, 600-ден астам күштік трансформаторларда  жоспарлы жөндеу жұмыстары іске асып жатыр.

Қайрат Мақсұтовтың келесі аралаған нысаны «Алматы электр станциялары» АҚ (АлЭС) және оның бірқатар негізгі энергия өндіруші объектілері болды.

АлЭС мамандарының айтуынша, 2023-2024 жж. жылыту маусымына дайындық аясында негізгі жабдықты жөндеу кестесі әзірленіп, бекітілді. Жөндеу науқаны барысында 70 негізгі жабдықты (қазандықтар, турбиналық - және гидроагрегаттар) жөндеу, оның ішінде 12 күрделі және 58 ағымдағы жөндеу жүргізу жоспарлануда. Көмір мен газды жеткізуге ұзақ мерзімді шарттар жасалды. Жөндеу жұмыстарының тәртібі «КЕGОС» АҚ жүйелік операторының ұлттық диспетчерлік орталығымен келісілді.

«Самұрық-Энерго» АҚ басшысы Алматы ЖЭО-ны жаңғырту жұмыстарының барысына ерекше назар аударды. ЖЭО-2-ні газға көшіру жобасының басты мақсаттарының бірі – станцияның қала атмосферасына зиянды шығарындыларын азайту. Бүгінгі таңда жоба практикалық іске асыру сатысына шықты, мердігермен EPC-келісімшартына қол қойылды. Бұл –  жабдықты жобалау мен жеткізуден бастап іске қосу-жөндеу жұмыстарына дейін және пайдалануға беруге дейінгі жұмыстардың толық циклін орындауды білдіреді.

Алматы ЖЭО-3-ті қайта жаңарту – ҚР оңтүстік аймағындағы маневрлік қуаттарды жабу және қоршаған ортаға шығарындыларды азайту үшін қуаты кемінде 450 МВт бу-газ қондырғысын салуды көздейді. Бұл жобаларды іске асыруды аяқтау 2026 жылдың соңына  жоспарланған.

«Самұрық-Энерго» АҚ-ның Алматы энергокешені нысандарын аралаудың қорытынды жиналысында компания Басқарма Төрағасы Қайрат Мақсұтов бірқатар тапсырмалар берді:

«АЖК» АҚ-на – коммерциялық шығындарды азайту жұмыстарын жалғастыруды, тәулік сайынғы дисбаланстың орын алмауын және Алматы энергоорталығының тұрақты әрі тиімді жұмысын қамтамасыз ету.

«АлЭС» АҚ-на алдағы жылыту маусымына дайындық бойынша жоспарланған жұмыстарды толық аяқтау және Алматы ЖЭО-2, ЖЭО-3 нысандарын газға көшіру бойынша инвестициялық жобаларды бекітілген мерзімде іске асыру тапсырылды. 

«Самұрық-Энерго» АҚ – 2007 жылы құрылған Қазақстандағы ірі электр энергетикалық холдинг. Қызметінің негізгі бағыттары: электр және жылу энергиясын өндіру; электр энергиясын жеткізу, тарату және сату; энергетикалық көмір өндіру. Холдингтің құрамына энергетикалық және көмір кәсіпорындары кіреді, оның ішінде «Екібастұз МАЭС-1» ЖШС, «Екібастұз МАЭС-2 станциясы» АҚ, «Богатырь Көмір» ЖШС, «Алматы электр станциялары» АҚ, «Мойнақ СЭС» АҚ, «Шардара СЭС» АҚ және басқалары. Компанияның акциялары «Самұрық-Қазына» ҰӘҚ» АҚ-ға 100% тиесілі.

Астанада биылғы жылдың 6 шілдесі күні дәстүрлі түрде Ironman Kazakhstan 2023 өтті. Бұл – дүниежүзі бойынша барлық спорт сүйер қауымның назарында болатын ерекше триатлон жарысы. 

Жарыс 3,8 км қашықтыққа жүзуден басталып, 180 километрге велосипед тебумен ұласты. Спортсмендердің қордағы бар күшін салуды талап ететін шешуші дисциплина – марафон жүгірісі — 42,2 км қашықтыққа көзделген.

Ironman Kazakhstan жарысына қатысу – физикалық қана емес, сонымен қатар ментальді дайындық пен төзімділікті қажет етеді. Спортшылар алға қойған мақсаттарына жету үшін жарысқа айлап, жылдап дайындалады.

Биыл Самұрық-Энерго қызметкерлерінің бірқатары аталған жарыстың қатысушысы болды. Экономика және қаржы жөніндегі басқарушы директор Рысқұлов Айдар Қайратұлы Half Ironman (жартылай марафон) жарысында мәреге төмендегідей көрсеткішпен келді:

жүзуден - 50 минут 16 секунд;

велосипед - 2 сағат 57 минут 16 секунд;

жүгіруден  - 2 сағат 9 минут 52 секунд. 

Ал Самұрық-Энерго АҚ «ЖЭК және тарату» департаментінің бас маманы Мырзаханов Даурен Садуақасұлы да Half Ironman-да:

жүзуден – 1 сағат 0 минут 11 секунд;

велосипедпен – 3 сағат 49 минут 24 секунд;

жүгіруден – 2 сағат 39 минут 1 секундпен мәреге жетті.

Ironman эстафетасы – триатлонның үш дисциплинасын команда болып өтетін жарыс түрі. Егер жеке қатысушы жүгіруден, велосипед тебуден және жүзуден берілген қашықтықты толығымен өзі еңсерсе, мұнда әр қатысушы бір ғана қашықтықты жүріп өте алады.

Осындай командалық Ironman эстафетасына қатысқан «Бірінші жел электр станциясы» ЖШС бас директоры Рашид Есхожин мен  «Екібастұз ГРЭС-2 станциясы» АҚ Басқарма төрағасының құқықтық мәселелер және тәуекелдерді басқару жөніндегі орынбасары Акенев Еркен Болатұлының көрсеткіштері 6 сағат 4 минут 49 секунд болды.

Сонымен қатар толық марафонды еңсерген Самұрық-Энергоның «Нарықты дамыту мен Сату» департаментінің бас сарапшы маманы Бақтияр Ерлан Құсайынұлы да тамаша көрсеткіштермен:

жүзуден - 1 сағат 28 минут 40 секунд;

велосипедпен - 5 сағат 49 минут 13 секунд.

жүгіруден - 5 сағат 7 минут 38 секундта мәреге жетті.

«Жарыс өте жоғарғы деңгейде өтті! Тамаша спорт мерекесі Ironman-нің ұйымдастырушыларына  алғыс білдіремін. Бұл жарыстың толық дистанциясын өту – өте ауыр әрі үлкен сынақ. Қашықтықтың әрбір кезеңінде маған қолдау білдіріп, демеу көрсеткен жандарға үлкен рахмет айтамын. Мен әрқашан айронменшілерді құрметтеп,   тамсана қарайтынмын. Нағыз айронмен атануды өз тәжірибемнен өткіздім. Енді оларды бұрынғыдан артық сыйлаймын! – деп ағынан жарылды Ерлан Құсайынұлы.

Ironman Kazakhstan — спорттық жарыс қана емес, белсенді өмір салты мен бәсекелестік рухының мерекесі.

«Самұрық-Энерго» АҚ Басқармасының шешімімен Маширов Ерік Қанышбекұлы «АлЭС»АҚ Басқарма Төрағасы болып тағайындалды.

2023 жылдың 3 шілдесінде «АлЭС» АҚ жаңа басшысын ұжымға «Самұрық-Энерго» АҚ Басқарма Төрағасы Қайрат Мақсұтов таныстырды.

Ерік Маширов әр жылдары квазимемлекеттік секторда еңбек еткен.

2017 жылдан 2018 жылға дейін «АлЭС» АҚ Басқарма Төрағасының қамтамасыз ету жөніндегі орынбасары лауазымын атқарған.

«Самұрық-Қазына» ҰӘҚ» АҚ Басқармасының шешімімен Қайрат Мақсұтов «Самұрық-Энерго» АҚ Басқарма Төрағасы болып тағайындалды.

Компанияның жаңа басшысын ұжымға «Самұрық-Қазына» АҚ Басқарма Төрағасы Нұрлан Жақыпов таныстырды.

Мақсұтов Қайрат Берікұлының екі жоғары білімі бар – экономикалық және бейіндік энергетикалық. Әр жылдары банк құрылымдарында, квазимемлекеттік секторда жұмыс істеді.

2009 жылдан 2018 жылға дейін «Самұрық-Энерго» АҚ Басқарма төрағасының орынбасары болып қызмет атқарды.

2018 жылдан қазіргі кезге дейін энергетика саласындағы холдингтік компанияларға басшылық жасады.

А.Жақұтов атындағы 2-ЖЭО-да күл-қож қалдықтарын қайта өңдеу жөнінде конкурс жеңімпазы марапатталды. Іс-шара Алматы қаласы әкімдігі мен Алматы қаласы бойынша экология департаменті, БАҚ, «Arka Development» ЖШС, «Алматы электр станциялары» АҚ өкілдерінің қатысуымен өтті.

Естеріңізге сала кетейік, 2023 жылдың 1 маусымында «АлЭС» АҚ Алматы ЖЭО гидркүл-қож қалдықтарын қайта өңдеу және (немесе) кәдеге жарату жөніндегі ғылыми-техникалық жобаларды іздестіру конкурсын қорытындылады. Конкурстық комиссия егжей-тегжейлі зерделеген әлеуетті қатысушылардан жеті өтінім түсті. Оның құрамына әкімдіктің, Алматы қаласы бойынша экология департаментінің өкілдері, ғылыми институттардың техникалық мамандары және «АлЭС» АҚ кірді. Ұсыныстарды қарау нәтижелері бойынша байқау жеңімпазы бірауыздан «Arka Development» ЖШС болып таңдалды.

Ұсынылған жоба Алматы 2-ЖЭО жанында жылдық өнімділігі 300 мың тонна күл-қож қалдықтарын қайта өңдеу кешенін салуға мүмкіндік береді. Күл-қож қалдықтарын қайта өңдеу нәтижесінде өнімнің төрт түрі алынатын болады:

• көмір жағу (қазандықтарға арналған брикеттелген өнім),
• магнетит (металлургия өнеркәсібіне арналған шикізат ауыр бетон толтырғышы);
• микросфера (пластмассадан, гипстен, керамикадан, жеңіл цементтерден жасалған бұйымдар өндірісіндегі толтырғыштар);
• алюминий силикат өнімі (құрылыс материалдарына арналған шикізат).

Қазақстан Республикасының қолданыстағы экологиялық заңнамасының талаптарына сәйкес 2030 жылға қарай қалдықтарды қайта өңдеу үлесі 40% – ға, 2050 жылға қарай 50% - ға дейін жеткізілуі тиіс.

Бұл жоба Алматы ЖЭО-да пайда болатын күл-қож қалдықтарынан өңдей отыра, олардан  99% - ға дейін пайдалы элементтер алу, күл-қож алаңдарын қысқарту, содан кейін оларды толық қалпына келтіру жөніндегі міндеттерді шешуге мүмкіндік береді.

  Іс-шара барысында «АлЭС» АҚ-ның «Arka Development» ЖШС-мен одан әрі ынтымақтастығы туралы Меморандумға қол қойылды. «АлЭС» АҚ күл-қож қалдықтарын қайта өңдеу бойынша үздік ұсыныс үшін конкурс жеңімпазына 1 000 000 теңгеге сертификат табыс етті.

Бұл туралы ұлттық компанияның басшысы Нұрлан Жақыпов Twitter-дегі парақшасында жазды.

"Самұрық-Қазына" компаниялар тобы Абай облысындағы өрттен зардап шеккендерге көмек ретінде 200 млн теңге жолдады. "Самұрық-Қазына" компаниялар тобы эвакуацияланған елдімекендердің тұрғындары мен өртті сөндіруге тартылған мамандарға гуманитарлық көмек ретінде 200 млн теңге жіберу туралы шешім қабылдады. Бүкіл Қазақстан орман өрттері өршіп тұрған Абай облысындағы отандастары үшін алаңдаулы. Мемлекет басшысы азаматтарға жан-жақты көмек көрсетуді тапсырды. Біз ұлттық әл-ауқат қоры ретінде де бұл қайғыға бей-жай қарай алмаймыз", - деді "Самұрық-Қазына" ұлттық әл-ауқат қоры" АҚ Басқарма Төрағасы.

Қаражат Samruk-Kazyna Trust корпоративтік қайырымдылық қоры арқылы ұлттық еріктілер желісіне аударылады.