«Самұрық-Энерго» АҚ-да «Ұйымда денсаулық пен еңбек қауіпсіздігін қамтамасыз етудегі басшының рөлі» тақырыбында ақпараттық сессия өтті. Компанияның Басқарма Төрағасы Қайрат Мақсұтовтың басшылығымен өткен іс-шараға барлық еншілес ұйымдардың бірінші басшылары мен еңбек қауіпсіздігі және еңбекті қорғау мәселелеріне жауапты мамандар қатысты.

Ақпараттық сессияда талқылаудың негізгі мәні кәсіпорындарда еңбекті қорғауды тиімді қамтамасыз ету және қауіпсіздік мәдениетін қалыптастыру ісіндегі компаниялардың бірінші басшыларының жауапкершілігі мәселелері болды. Сондай-ақ, өндірісте әр қызметкердің жеке бастамасының маңыздылығы, оның өмірі мен денсаулығы үшін ғана емес, әріптестерінің игілігі үшін де жауапкершіліктің қажет екенін саналы түрде түсінудің маңыздылығы атап өтілді.

Сессия қорытындысы бойынша «Самұрық-Энерго» АҚ Басқарма Төрағасы барлық қызметкерлер үшін қауіпсіз еңбек жағдайларын қамтамасыз ету компанияның өзі үшін де, оның еншілес ұйымдары үшін де басты міндеттердің бірі болып табылатынын атап өтті. Ол сондай-ақ бұл мәселеде бірінші басшылардың рөлін асыра бағалаудың мүмкін еместігін, өйткені олардың өндірістегі қауіпсіздікке қосқан үлесі маңызды болып табылатынын атап өтті.

Сессия барысында Қайрат Мақсұтов «Мүлдем жарақат алмау» тұжырымдамасының «7 алтын ережесін» орындау бойынша басшылықтың жеке міндеттемелеріне қол қойды, сондай-ақ «Самұрық-Энерго» АҚ еншілес ұйымдарының бірінші басшыларына осы міндеттемелерді қабылдап, оған қол қоюды тапсырды.

Бұл ақпараттық сессия ірі электр энергетикалық холдингтің барлық қызметкерлері үшін қауіпсіздік пен еңбекті қорғауды барынша қамтамасыз етуге ұмтылысын көрсетеді. Компания өз кәсіпорындарында мүлдем жарақат алмау және еңбек қауіпсіздігі мен еңбекті қорғау жүйесін жақсарту мақсатына жету үшін белсенді жұмыс істеуді жалғастыруда.

«Самұрық-Энерго» АҚ-ның 2022 жылғы Жылдық есебі беделді халықаралық MarCom Awards коекурсының платина (жоғары) наградасына ие болды.

Конкурсқа әлемнің түкпір-түкпірінен компаниялардың корпоративтік және маркетингтік коммуникациялары саласындағы 6 500-ден астам жоба қатысты.

MarCom Awards конкурсы - 2004 жылдан бері жыл сайын Маркетинг және коммуникация кәсіпқойлары қауымдастығы (Association of Marketing and Communication Professionals, AMCP) өткізетін ең көне, ең ірі және ең беделді конкурстардың бірі. MarCom Awards маркетинг және коммуникация саласындағы үздік жетістіктері, маркетинг және коммуникация материалдары мен бағдарламаларының тұжырымдамаларын, стратегияларын, дизайнын және өндірісін әзірлеуге қатысқаны үшін беріледі.

Компанияның 2022 жылғы Біріктірілген жылдық есебі Сreativity | Writing |Annual Report/CSR («Шығармашылық/Жазу/Жылдық есеп/КӘЖ») номинациясы бойынша аталды.

Бұл номинация корпоративтік әлеуметтік жауапкершілік саласындағы креативтілік пен ақпараттың мазмұны тұрғысынан ірі әлемдік компаниялар жариялайтын үздік жылдық есептерді анықтайды.

Қол жеткізген марапат «Самұрық-Энерго» АҚ-ның орнықты даму, өз қызметінің ашықтығын арттыру, қызметінің барлық аспектілерін ашу, корпоративтік басқару деңгейін арттыру, мүдделі тараптармен өзара тиімді іс-қимылды дамыту арқылы сапасы жоғары есеп мазмұнын қамтамасыз ету саласындағы күш-жігерін тағы да бір мойындау болды.

«Самұрық-Энерго» АҚ Біріктірілген жылдық есебімен мына сілтеме бойынша танысуға болады: https://www.samruk-energy.kz/ru/shareholders-and-investors/annual-reports-on-the-results-of-the-company-s-activities

Fitch Ratings агенттігі Самұрық-Энергоның ұзақ мерзімді кредиттік рейтингін шетел және ұлттық валютамен «BB+» деңгейінде, «Тұрақты» болжаммен растады, сондай-ақ компанияның мемлекеттік қолдау көрсету бағасын «күшті» деңгейден «өте күшті» деңгейіне дейін қайта қарады.

Рейтингтерді растау және мемлекеттік қолдау көрсету бағасын арттыру Алматы энергия торабын газға көшіру жобаларын қаржыландыру үшін Самұрық-Энерго борышы бойынша кепілдік берумен, сондай-ақ халықаралық және жергілікті қаржы институттары атынан кредиторлардың талаптарына негізделген осы жобаларды қаржыландыру үшін акционерлік капиталға құюмен байланысты.

Расталған рейтинг сондай-ақ Агенттіктің тарифтердің ұлғаюына, Топтың Шардара СЭС, Мойнақ СЭС және ішінара Алматы электр станциялары үшін қуатқа бекітілген жеке тарифтерінің болуына байланысты қызметтің болжамды оң операциялық көрсеткіштері туралы пікірін қамтиды.

Бұдан басқа, Компанияның кредиттік портфелі құрылымындағы халықаралық және жергілікті қаржы институттары үлесінің ұлғайғаны байқалды, бұл борыштық портфельдің сапасының жоғары екенін көрсетеді және Топтың қаржылық көрсеткіштерін бағалауға айтарлықтай әсер етеді. Бұл ретте Компания алдағы уақытта халықаралық кредиторлармен тығыз ынтымақтастықты жоспарлап отыр.

Сонымен қатар, Агенттік Самұрық-Энергоның өзінің қысқа мерзімді міндеттемелерін толық жабуы үшін өтімділік пен ақшалай қаражатының жеткілікті екенін атап өтті.

Компания мөлшерлемесі құбылмалы берешекті, сондай-ақ валюталық міндеттемелерді мерзімінен бұрын өтеу бойынша жұмыс жүргізді, осылайша 2021 жылдың соңынан бастап баланстық қарызды 13% - ға төмендетіп, валюталық тәуекелді нивелирлеп, қарыздар бойынша пайыздық шығыстарды азайтты. Бұл ретте 2023 жылғы 9 айдағы жағдай бойынша инфляцияның құбылмалылығы тәуекеліне ұшыраған қарыз соңғы 12 айда уақтылы қайта қаржыландыру, кэш-пулинг құралын қолдану және 2021 жылы «жасыл» облигациялар шығару арқылы Компанияның жалпы қарызының 28% - дан 6% - ына дейін төмендеді. Осылайша, Компания несиелік портфельді оңтайландыру және қаржылық шығындарды азайту саясатын жүргізуді жалғастыруда.

Компания 100 пайыз мемлекет меншігінде. Самұрық-Энергоның үлесіне  2023 жылы елдегі электр энергиясын өндірудің көлемінің шамамен 30% - ы және ң жалпы көмір өндірісінің шамамен 40% -. тиесілі.

«Самұрық-Энерго» АҚ - Қазақстандағы аса ірі электр энергетикалық холдинг, оның 100% акциясы «Самұрық-Қазына» ҰӘҚ» АҚ-ға тиесілі. 2007 жылы құрылған. Қызметінің негізгі бағыттары: электр және жылу энергиясын өндіру; электр энергиясын беру, бөлу және өткізу; энергетикалық көмір өндіру. Холдингтің құрамына энергетикалық және көмір кәсіпорындары, оның ішінде «Екібастұз МАЭС-1» ЖШС, «Екібастұз МАЭС-2 станциясы» АҚ, «Богатырь Көмір» ЖШС, «Алматы электр станциялары» АҚ, «Мойнақ ГЭС» АҚ, «Шардара ГЭС» АҚ және т. б. кіреді.

Қытай Халық Республикасына сапары аясында «Самұрық-Энерго» АҚ делегациясы Қазақстанның жаңартылатын энергетика қауымдастығының өкілдерімен бірлесіп «China Wind Рower 2023» халықаралық көрмесіне барды.

«China Wind Power» - Бейжіңнің Ұлттық көрме орталығында өтетін ауқымды дәстүрлі іс-шара. Оның тақырыбы энергетикаға, оның ішінде баламалы энергия көздеріне арналған.  Биылғы жылы көрмеге 30 елден 1000-нан астам экспонент қатысты. «Сhina Wind Рower 2023» көрмесіне келушілері 100 000-нан асты.

Осы іс-шара барысында компанияның Басқарма Төрағасы Қайрат Мақсұтов бастаған «Самұрық-Энерго» АҚ өкілдері Қытайдың SANY компаниясының басшылығымен кездесу өткізді, ол мемлекетаралық байланыс аясында Қазақстанда жел генераторларын шығаратын зауыт ашуды жоспарлап отыр. Сондай-ақ, қазақстандық энергетиктер Қытайдың TBEA электр техникалық компаниясының стендін аралады. Осы кездесу барысында энергияны жинақтау жүйелеріне қатысты мәселелер қаралды.

Энергияны жинақтау жүйелерінің технологияларын игеру, сондай-ақ энергетика саласында жасанды интеллектіні қолдану саласындағы ынтымақтастық перспективалары «Самұрық-Қазына» АҚ басшылығының қатысуымен Huawei телекоммуникация саласындағы ірі әлемдік компаниялардың бірімен кездесу барысында талқылау тақырыбына айналды.

Сонымен қатар, «Самұрық-Энерго» АҚ өкілдері Қытайдың Power China корпорациясына кіретін компаниялардың серіктестерімен кездесулер өткізді. Бұл - энергетикалық және көлік нысандарын, соның ішінде су электр станцияларын, жылу, жел және күн электр станцияларын, электр желілері мен қосалқы станцияларды жобалауға және салуға маманданған Қытайдағы ең ірі өнеркәсіптік ұйымдардың бірі.

Осы кездесу барысында Алматы облысындағы жел электр станциясының қуатын 60-тан 810 МВт-ға дейін кеңейту жөніндегі жобаны іске асыру мәселелері егжей-тегжейлі талқыланды, ол туралы келісімге Қазақстан Республикасының Президенті Қасым-Жомарт Тоқаевтың ҚХР-ға сапары қарсаңында қол қойылған.

«Самұрық-Қазына» АҚ өткізетін жыл сайынғы «Үздік маман» конкурсы шеңберінде «Үздік жоба» аталымы бойынша «Самұрық – Энерго» АҚ Екібастұз МАЭС-2 станциясы Бас схемасы тобының шебері Мәди Сағымбаев жеңімпаз атанды!

Бүгін «Самұрық-Қазына» қорында «Үздік маман» корпоративтік конкурсының қорытындысы шығарылып, жеңімпаздарды салтанатты марапаттау рәсімі өтті.  

Байқауға Мәди Сағымбаев «ІҚМ-2 типті блок реле негізінде қашықтан қорғауды тексеру үшін «TestUniverse Omicron» бағдарламасы үшін әзірленген сынақ жоспарларын пайдалану» бойынша өз жобасын ұсынып, нәтижесінде ол үздік болып танылды.

Жеңімпаз ең мықты және қызықты жобасы үшін лайықты марапаты мен ақшалай сертификатын «Самұрық-Қазына» АҚ Басқарма Төрағасы Нұрлан Жақыповтың қолынан алды.

Сағымбаевты «Самұрық-Энерго» АҚ Басқарма Төрағасы Қайрат Мақсұтов та құттықтады. Электр энергетикалық холдингінің басшысы Екібастұз МАЭС-2 қызметкеріне еңбек жолына табыс және одан әрі де жеңістерге жете беруіне тілектестік білдірді.

Мәди Сағымбаев, электр инженері, энергетикада 18 жыл жұмыс өтілі бар, оның ішінде 7 жыл Бас схема тобының электр монтері және 11 жыл Екібастұз МАЭС-2-де Бас схема тобының шебері болып жұмыс істеген. Станция жабдықтарын жаңғырту саласында өнертапқыштық қызмет пен инновациялық ұсыныстар бойынша мол тәжірибесі бар.

«Үздік маман» - дәстүрге айналған кәсіби шеберлік байқауы.  Ол жыл сайын «Самұрық-Қазына» қоры тобы компаниялары қызметкерлерінің арасында өткізіледі. Конкурстың финалистерін портфельдік компаниялар анықтайды, ал жеңімпаздар онлайн дауыс беру арқылы таңдалады.

Кеше Қазақстан Республикасының Президенті Қасым-Жомарт Тоқаевтың ҚХР-ға ресми сапары барысында жалпы сомасы 16,54 млрд доллар болатын 30 коммерциялық құжатқа қол қойылды.

Қол қойылған құжаттардың қатарында – «Самұрық-Энерго» АҚ мен Рower China Resources Ltd арасындағы жобаны бірлесіп әзірлеу туралы келісім бар.

Жобаны бірлесіп әзірлеу туралы келісім өткен жылы салынған Алматы облысының Шелек дәлізіндегі жел электр станциясының қуатын 810 МВт-ға дейін арттыруды көздейді.

 «Шелек дәлізінде келешекте кеңейту арқылы қуаты 60 МВт жел электр станциясын салу» жобасын 2022 жылы «Самұрық-Энерго» АҚ қазақстандық электр энергетикалық холдингі «Power China» қытай корпорациясымен серіктестікте іске асырған болатын. Жоба қазақстан және қытай компанияларының энергетика саласындағы халықаралық ынтымақтастығының ойдағыдай жүзеге асқан үлгісі болғанын естеріңізге сала кетейік.

ҚХР-да қол қойылған жаңа құжат жобаны практикалық тұрғыдан іске асыру шеңберінде жел мониторингі мен қажетті жобалық құжаттаманы әзірлеуді қоса алғанда, кең ауқымдағы жұмыстарды жүргізуді көздейді.

Сондай-ақ, «Самұрық-Энерго» АҚ делегациясы «Бір белдеу, бір жол» халықаралық ынтымақтастық форумы аясында өткен жоғары деңгейдегі басшылар конференциясының жұмысына қатысты. Бұл іс-шарада 300-ден астам делегация құрамындағы қатысушылар сутегі энергетикасын, жаңартылатын энергия көздерін, көлік-логистикалық бағдарларды және жасанды интеллектіні дамытуға қатысты көптеген мәселелерді талқылады.

«KEGOC» АҚ акциялары барлық қазақстандықтардың сатып алуына қолжетімді болды! 2023 жылдың 16 қазанында компанияның акцияларын орналастырудың екінші кезеңі (SPO) басталды. Компанияның акцияларын сатып алуға өтінімдер 2 қарашаға дейін қабылданады.

Бүгін «KEGOC» АҚ SPO бойынша, сондай-ақ ұйымдастырылған бағалы қағаздар нарығына инвестициялау мәселелері бойынша жүргізіліп жатқан ақпараттық-түсіндіру науқаны аясында «Самұрық-Энерго» АҚ-да «Самұрық-Қазына» қоры мен «KEGOC» АҚ өкілдерінің қатысуымен Road Show өтті.

«Самұрық-Энерго» АҚ ұжымымен кездесу барысында «Самұрық-Қазына» АҚ Дамыту және жекешелендіру жөніндегі басқарушы директоры Салтанат Сәтжан «KEGOC» АҚ акцияларын сатып алу үшін қажетті негізгі себептерді, оның ішінде электрмен жабдықтау нарығындағы негізгі жағдайды, компанияның маңызды активтері, кірістердің тұрақты өсуі, инвесторларға дивидендтер төлеудің ешбір мінсіз орындалып келе жатқанын және делдалдардың KEGOC акцияларының құнына берген бағалары туралы айтты.

 «Өтінімдерді делдалдар, банктер мен Tabys қосымшалары, сондай – ақ «Қазпошта» АҚ бөлімшелері арқылы - онлайн және офлайн беруге болады. Сонымен қатар, SPO – ның бірінші кезеңі - KEGOC-тың 17 және одан да көп акцияларына иелік ететін ағымдағы акционерлер үшін акцияларды басымдықпен сатып алу құқығын іске асыру кезеңі жалғасуда. SPO 28 қыркүйекте басталды және 27 қазанды қоса алғанда, 30 күнге созылады. Ағымдағы акционерлер брокерлер арқылы немесе тікелей KEGOC мекенжайына өтініш бере алады»,-деп атап өтті «Самұрық-Қазына» АҚ өкілі.

 Кездесу барысында спикерлер қатысушылардың сұрақтарына жауап беріп, компанияның одан әрі даму жоспарларын айтты.

«KEGOC» АҚ - Қазақстанның жүйелік операторы және магистральдық электр желілерінің операторы функцияларын атқаратын компания. SPO KEGOC Қазақстан Республикасының Үкіметі бекіткен 2021-2025 жылдарға арналған жекешелендіру жоспары шеңберінде және Мемлекет басшысының тапсырмасы бойынша экономиканы одан әрі мемлекеттің иелігінен алу, оның ішінде қосымша эмиссия арқылы мемлекеттік активтерді жекешелендіру есебінен өткізіледі.

Алматы облысындағы Мойнақ СЭС – су қоймасының деңгейі мен гидроагрегаттардың орналасуы арасында 500 метр биіктік айырмашылығы бар деривациялық үлгідегі Қазақстандағы бірінші және жалғыз жоғары қысымды ірі су электр станциясы. Ол Шарын өзенінің көркем табиғи аймағында орналасқан. Станция өзінің технологиялық ерекшеліктері мен шешілетін міндеттері бойынша бірегей болып табылады және «Самұрық-Энерго» энергетикалық холдингінің генерациялаушы қуаттарынан ғана емес, сонымен бірге республиканың жұмыс істеп тұрған барлық электр станцияларынан да ерекшеленеді.

«Мойнақ СЭС»-ке жұмыс сапарымен «Самұрық-Энерго» АҚ Басқарма Төрағасы Қайрат Мақсұтов келді. Электр энергетикалық холдингінің басшысы СЭС жұмысымен, оның жабдықтарының техникалық жай-күйімен, сондай-ақ күзгі-қысқы кезеңге дайындық жөніндегі іс-шаралармен және перспективті жоспарлармен танысты. Нысанды Қайрат Мақсұтовқа «Самұрық-Энерго» АҚ Өндіріс жөніндегі басқарушы директоры Руслан Тұрғамбаев пен «О.Д.Қантаев атындағы Мойнақ СЭС» АҚ Басқарма Төрағасы Ғалымжан Айдарбеков еріп жүріп, аралап көрсетті.

Қазіргі уақытта станцияда негізгі және қосалқы жабдықтарға жыл сайынғы жоспарлы ағымдағы жөндеу жұмыстары жүргізілуде.  Жөндеу жұмыстары барысында гидротурбиналарға, жабдықты автоматты басқару және өрт сөндіру жүйелеріне тексеру, қысымды деривацияның жай-күйіне бағалау жүргізілетін болады. Станция тоқтаған кезеңде Бестөбе су қоймасының су қорлары шамамен 60-70 млн м3-ке толықтырылады, бұл станцияға жыл соңына дейін жоспарланған электр энергиясының 858 млн кВтсағ көлемін өндіруге мүмкіндік береді.

Сапар аясында «Самұрық-Энерго» АҚ басшылары Мойнақ СЭС негізгі нысандарын: контрреттегіш бөгетін, теңестіру резервуарын, №2 кіреберіс штольняны және Бестөбе су қоймасының нысандарын аралап көрді.

Бүгін Алматы облысында өңір экономикасын дамыту үшін аса маңызды энергетикалық объект – «Көкөзек» қосалқы станциясының (ҚС-110/10-10кВ) құрылысы аяқталып, өндіріске енгізілді. «Алатау Жарық Компаниясы» АҚ («АЖК» АҚ) іске асырған жоба Қарасай ауданында бос қуат тапшылығы бар индустриялық аймақты электр энергиясымен қамтамасыз етеді. Сонымен қатар, жаңа қосалқы станция шағын және орта бизнес субъектілерін сенімді және тұрақты түрде электрмен жабдықтауға мүмкіндік береді және өңірде қажетті әлеуметтік-мәдени маңызы бар объектілерді салу мүмкіндігін кеңейтеді.

110/10 кВ «Көкөзек» қосалқы станциясын салу қажеттілігі бірқатар факторлардан туындады. Қосымша қуаттарды берудің шектеулі мүмкіндігі мәселесі өңірдің өнеркәсіптік әлеуетінің дамуын тежеді.  Өңірдегі қосалқы станциялардың жоғары, максималды жүктемесі электр жабдықтарының жиі апатты істен шығуына және тұтынушыларды, соның ішінде білім беру және денсаулық сақтау нысандарын электр қуатымен жабдықтаудағы үзілістерге алып келді. Мәселенің маңыздылығын түсіне отырып, Алматы облысының басшылығы, Қарасай ауданының әкімдігі және «АЖК» АҚ жаңа қосалқы станция салу туралы шешім қабылдады.

Нысанда әлемдік жетекші өндірушілердің жоғары вольтты жабдықтары орнатылған. Салынған энергетикалық нысан стратегиялық және экологиялық қауіпсіздіктің барлық заманауи талаптарына жауап береді.

«Көкөзек» қосалқы станциясының құрылысы «АЖК» АҚ, «Самұрық-Энерго» АҚ электр энергетикалық холдингінің құрылымындағы компанияның қаражаты есебінен жүзеге асырылды. Жобаның құны - 2,73 млрд теңге.

«Көкөзек» қосалқы станциясын пайдалануға беру жөніндегі іс-шара «Самұрық-Қазына» қоры, Алматы облысының әкімдігі, «Самұрық-Энерго» АҚ, «Алатау Жарық компаниясы» АҚ басшыларының қатысуымен өтті.

«Самұрық-Энерго» АҚ Басқарма Төрағасы Қайрат Мақсұтовтың айтуынша, жаңа қосалқы станцияның құрылысы 2021 жылы басталып, жұмыс жүргізу кестесіне сәйкес жүргізілді. Енді өңір үшін өте маңызды энергетикалық нысан 346 шағын және орта бизнес субъектілерін, сондай-ақ аудандағы тұрғын үй секторының 1362 тұтынушыларын сенімді және тұрақты түрде электрмен жабдықтауды қамтамасыз етеді. «Қосалқы станция қосымша тұтынушыларды қосу мүмкіндігін қамтамасыз етуге мүмкіндік береді, осылайша өндіріс пен бизнесті дамыту үшін ғана емес, тұрғындар үшін қажетті әлеуметтік нысандарды салу үшін де қолайлы жағдай жасайды. Мысалы, бүгінде Көкөзек және Елтай ауылдарында 1500 баладан тұратын екі жайлы мектепті қосуға техникалық жағдай жасалды»,-деп атап өтті «Самұрық-Энерго» АҚ басшысы.

Компания сарапшыларының айтуынша, Алматы энергожүйесін дамыту белгіленген қарқынмен жүріп жатыр. Инвестициялық бағдарламаға сәйкес қолданыстағы электр желілерін жаңғырту және жаңа электр желілерін салу, сондай-ақ ескірген жабдықты ауыстыра отырып, қолда бар трансформаторлық қосалқы станцияларды реконструкциялау жөніндегі жұмыстар жүзеге асырылады. Осы жобаларды іске асыру желілердің өткізу қабілетін арттыруға, электр энергиясын беру кезіндегі техникалық шығындарды азайтуға, сондай-ақ жаңа тұтынушылардың қосылуын қамтамасыз етуге және желідегі кернеу сапасын арттыруға мүмкіндік береді.

2023 жылғы 29 қыркүйекте Екібастұз қаласындағы Б.Нұржанов атындағы «МАЭС-1» ЖШС станциясында «Самұрық-Қазына» АҚ компаниялар тобы Омбудсмендер кеңесінің отырысы өтті. Кездесуге «Қазақтелеком» АҚ, «Самұрық-Энерго» АҚ, «КЕGОС» АҚ, «ҚазМұнайГаз» ҰК АҚ, «Ембімұнайгаз» АҚ, сондай-ақ «Богатырь-Көмір» ЖШС омбудсмендері шақырылды.

«Самұрық-Қазына» АҚ-ның төрағалық еткен омбудсмені Серікбай Тұрымов өзінің құттықтау сөзінде ағымдағы жылдың бірінші тоқсанында атқарылған жұмыстар туралы айтып, Қоғамдық кеңестің қатысуы мен қосқан үлесін ерекше атап өтті.

Бұдан әрі күн тәртібінде «Самұрық-Энерго» АҚ-ның электр энергиясын өндіру процесінің толық циклімен танысу көзделді, оның шеңберінде компания омбудсмені Нариман Ақылов «Богатырь-Көмір» ЖШС алаңына баруды ұйымдастырды. Мұнда омбудсмендер көмір өндірудің және оны МАЭС пен ЖЭО-ға жеткізудің өндірістік циклімен танысты.

Бұдан соң Б. Нұржанов атындағы «МАЭС-1» ЖШС Бас директоры Асан Наурызғалиев таныстыру кездесуін өткізіп, электр энергиясын өндіру процесінің толық циклін көрсетті.

Сондай-ақ, Ерейментау қаласындағы «Бірінші жел электр станциясы» ЖШС алаңына барып, қатысушылар жел энергиясын пайдалана отырып, электр энергиясын алу процесімен танысты.

Отырыстың қорытынды бөлімінде «ЦСВК» ЖМ Әлеуметтік тұрақтылық мониторингі орталығы басшысының м.а. Айнұр Өмірзақова «Самұрық-Қазына» қорында келісу және бекіту кезеңінен өтіп жатқан «Нысана»КО-ның ағымдағы жағдайы және жаңа бағыты туралы ақпаратты бөлісті. Сондай-ақ, 2023 жылдың III тоқсанындағы КО қызметі туралы есеп тыңдалды.

Отырыс барысында «Омбудсмендер, медиаторлар және кәсіподақ көшбасшылары форумы» шеңберінде ағымдағы жылдың желтоқсан айында Омбудсмендердің келесі кеңесін өткізу туралы шешім қабылданды. Омбудсмендер кеңесінің отырысы «Самұрық-Қазына» АҚ компаниялар тобы шеңберінде тәжірибе алмасу мен ынтымақтастықтың маңыздылығын атап көрсеткен «Самұрық-Энерго» АҚ қызметіндегі тағы бір маңызды кезең болды.