«Самұрық-Энерго» АҚ-ның  Алматы энергокешені бойынша энергетикалық нысандары алдағы 2023-2024жж. күз-қыс жылыту маусымына жоспарлы түрде дайындық жүргізуде.

Бүгін «Алматы электр станциялары» АҚ-на (АлЭС) қарасты А.Жақұтов атындағы 2-ЖЭО станциясында Қазақстан Республикасы Ұлттық экономика министрлігінің Табиғи монополияларды реттеу комитетінің Алматы қаласы бойынша Департаменті жылыту маусымына дайындық бойынша жөндеу жұмыстарының барысымен танысты.  

 «АлЭС» АҚ орталықтандырылған жылумен жабдықтау аймағында Алматы қаласын электр энергиясымен 51,4% - ға, ал жылу энергиясымен 70% - ға қамтамасыз етеді. Нысандардың электр қуаты – 1 235,7 МВт, жылу қуаты – 4 049 Гкал. Өндірістік қуаттар жыл сайын 5 млрд.кВт*сағ астам, ал жылу энергиясын - 5,3 млн.Гкалл астам өндіруге мүмкіндік береді.

А.Жақұтов атындағы Алматы ЖЭО-2 станциясы – электр және жылу энергиясын біріктіре өндіру бойынша Қазақстандағы ең ірі жылу станциясы болып табылады. Оның белгіленген электр қуаты - 510 МВт, жылу қуаты – 1411 Гкал / сағ. Станция көптеген технологиялық құбырлар арқылы АлЭС компаниясының 1-ЖЭО, Батыс жылу кешені (БЖК) сынды өзге энергия нысандарымен тығыз байланысты. Үш энергия көздерінің – 2-ЖЭО, 1-ЖЭО және БЖК бірлескен күшімен Алматы қаласы тұтынушылары жылу энергиясымен сенімді қамтамасыз етілуде.

Іс-сапар барысында Департамент алдағы жылыту кезеңіне дайындықпен байланысты жұмыстармен, сондай-ақ реттелетін қызметтерге арналған инвестициялық бағдарламаның іске асырылу барысымен танысты. АлЭС мамандарының айтуынша, 2023-2024 жылдардағы жылыту маусымына дайындық аясында негізгі жабдықты жөндеу кестесі әзірленіп, бекітілді және «КЕGОС» АҚ жүйелік операторының ұлттық диспетчерлік орталығымен келісілді. Жөндеу науқаны барысында негізгі жабдықтың 70 бірлігін (қазандықтар, турбо - және гидроагрегаттар) және 2-ЖЭО мен БЖК арасындағы екі жылу магистралін жөндеу жоспарлануда, қазіргі уақытта 48 жабдық немесе жалпы санының 68% жөнделді.

Реттелетін қызметтерге бағытталған «Алматы электр станциялары» АҚ-ның инвестициялық бағдарламасының іске асырылу барысына ерекше назар аударылды. Түзетулері ескерілген 2022-2026 жылдарға арналған жылу энергиясын өндіру жөніндегі қызметтерге арналған инвестициялық бағдарлама шеңберіндегі міндеттемелер, Қазақстан Республикасы Ұлттық экономика министрлігі Табиғи монополияларды реттеу комитетінің Алматы қаласы, Алматы облысы және Қазақстан Республикасы Энергетика министрлігі бойынша департаменттерінің бірлескен бұйрығымен бекітілген, олар өндірістік объектілерді күрделі салуға/ күрделі жөндеуге/ диагностикалауға бағытталған.

«Самұрық-Энерго» АҚ қазақстандық ірі электр энергетикалық холдингінің кәсіпорындарында 16 мыңнан астам адам жұмыс істейді, оның 15 мыңнан астамы - өндірістік персонал. Сондықтан объектілерінде еңбек қауіпсіздігі және еңбекті қорғау жүйесін жетілдіру компанияның негізгі құндылықтарының қатарына кіреді және оның орнықты дамуының негізгі элементтерінің бірі болып табылады.

Астанада «Самұрық-Қазына» АҚ-ның ұйымдастыруымен «Қауіпсіз және салауатты еңбек болашағы» («Безопасное и здоровое будущее труда») тақырыбында өндірістік қауіпсіздік бойынша II жыл сайынғы форумы өтті. Форумға қатысушыларға арнаған құттықтау сөзінде «Самұрық-Қазына» АҚ Басқарма Төрағасы Нұрлан Жақыпов: «Форум Қор тобы қызметкерлерінің әрқайсысының қауіпсіздігін қамтамасыз ету үшін барлық портфельдік компаниялардың ортақ күш-жігерін біріктіру үшін ұйымдастырылды», - деп ерекше атап өтті. Өз кезегінде, «Самұрық-Қазына» АҚ Корпоративтік басқару, әлеуметтік-еңбек қатынастары және еңбекті қорғау жөніндегі басқарушы директоры Ғибрат Ауғанов өткен жылдың соңында Қор 3 бағыт бойынша 38 нақты іс-шарадан тұратын 2023 жылға арналған өндірістік қауіпсіздік жөніндегі іс-шаралар жоспары бекітілгенін хабарлады:

1. Адамдар және қауіпсіздік мәдениетінің деңгейін көтеру;

2. Технологиялық жабдықты пайдалану кезінде қауіпсіздікті қамтамасыз ету;

3. Төтенше жағдайлардың алдын алу.

«Портфельдік компаниялардағы өндірістік қауіпсіздікті басқару жүйесін жетілдіру және жарақаттану мен апаттардың алдын алуға бағытталған іс - шараларды іске асыру процесі Қордың тұрақты бақылауында», - деді Ғ.Ауғанов.

Форумның «Нөлдік жарақаттану» тұжырымдамасының 7 алтын ережесін енгізу» атты жеке панельдік сессиясына «Самұрық-Қазына» қорының портфельдік компанияларының бірінші басшылары қатысып, жұмыскерлердің өндірістік қауіпсіздігі мен денсаулығын қорғау мәселелерін шешуге қатысты ой-пікірлерін бөлісті.

Осы сессия аясында «Самұрық-Энерго» АҚ Басқарма Төрағасы Қайрат Мақсұтов «Біліктілікті арттыру – кәсіби дағдыларды дамыту» - тұжырымдамасының маңызды ережелерінің біріне егжей-тегжейлі тоқталды.

Қ.Мақсұтовтың айтуынша, біліктілікті арттыру және дағдыларды жетілдіру мақсатында «Самұрық-Энерго» АҚ-да кең ауқымды іс-шаралар өткізіледі. Мысалы, компанияның және оның еншілес ұйымдарының жоғары басшылығын еңбек қауіпсіздігі және еңбекті қорғау мәселелеріне тарту мақсатымен жыл сайын халықаралық сертификатталған жаттықтырушыларды шақыра отырып, инфосессиялар (оқыту) өткізіледі. Бекітілген жоспарлар шеңберінде компанияда NEBOSH (Еңбекті қорғау және қауіпсіздік техникасы жөніндегі халықаралық сертификаттау) (Ұлыбритания) халықаралық курстары бойынша еншілес компаниялардағы еңбек қауіпсіздігі және еңбекті қорғау мәселелеріне жетекшілік ететін бірінші басшылар мен басшылар үнемі оқу курстарынан өтеді. Қазіргі уақытта 8 басшы осындай оқытудан өтті, биыл тағы 15 жоғары буын қызметкерлерін және еңбекті қорғау қызметінің қызметкерлерін оқыту жоспарланған. Сонымен қатар, тоқсан сайын «Қауіпсіздік мәдениетінің негіздері мен рөлі» тақырыбы бойынша компанияның кәсіпорындарында ішкі жаттықтырушылар оқыту курстарынан өтеді. Бүгінгі таңда Қайрат Мақсұтов атап өткендей, бұл бағдарлама бойынша 10 мыңнан астам инженерлік-техникалық қызметкерлер мен жұмысшы мамандықтарының қызметкерлері оқытылды.

«Самұрық-Қазына» АҚ «Қауіпсіздік және еңбектің салауатты болашағы» («Безопасное и здоровое будущее труда») өндірістік қауіпсіздік жөніндегі II жыл сайынғы форумының жұмысына халықаралық ұйымдар мен компаниялардың өкілдері қатысып, еңбекті қорғау саласындағы әлемдік жетістіктер туралы мәліметтермен бөлісті.

«Vision Zero» немесе «Нөлдік жарақаттану» тұжырымдамасы – өндірістің барлық деңгейлеріндегі қауіпсіздік, еңбек гигиенасы және жұмысшылардың әл – ауқаты секілді үш бағытты біріктіретін профилактиканы ұйымдастырудың сапалы жаңа тәсілі.

«Самұрық-Энерго» АҚ Директорлар кеңесінің шешімімен Ернар Жанәділ «Qazaq Green Power PLC» жария компаниясының Бас директоры болып тағайындалды.

Компания ұжымына жаңа басшыны «Самұрық-Энерго» АҚ Басқарма Төрағасы Қайрат Мақсұтов таныстырды.

Жанәділ Ернар Бейсенұлы 1984 жылы 15 желтоқсанда туған.

Манчестер Университетінде (Ұлыбритания), Манчестер бизнес мектебінде оқыған.

Басқарушы бухгалтерлер институтының (АҚШ); Халықаралық жобаларды басқару қауымдастығының (Швейцария); Артықшылықты бухгалтерлер қауымдастығының (Ұлыбритания) халықаралық кәсіби сертификаттары бар.

Бірқатар қазақстандық және шетелдік компанияларда, сондай-ақ «Самұрық-Қазына»АҚ-да түрлі позицияларда жұмыс істеді. «Qazaq Green Power PLC» ЖК-ге тағайындалғанға дейін «Самұрық-Қазына» АҚ Дамыту және жекешелендіру жөніндегі басқарушы директоры қызметін атқарды.

Қазақстандағы ең ірі көпсалалы энергетикалық холдинг ретінде «Самұрық-Энерго» АҚ дәстүрлі көмір отынымен жұмыс істейтін базалық генерациялау объектілерінен бөлек жаңартылатын энергия көздерінің бірқатар энергия өндіруші кәсіпорындарын қамтиды. Компанияның жел электр станциялары, күн станциялары мен СЭС-тері негізінен республиканың оңтүстік өңірлерінде, атап айтқанда Алматы облысында орналасқан. Өңірдегі ЖЭК объектілеріне жұмыс сапарымен «Самұрық-Энерго» АҚ Басқарма Төрағасы Қайрат Мақсұтов келді. Сондай-ақ, сапар аясында холдинг басшысы Алматы энергия кешені кәсіпорындарының басшылығымен жұмыс кеңестерін өткізді. Бұл іс – шаралардың мақсаты – компаниялардың ағымдағы қызметімен танысу, сондай-ақ алдағы жылыту кезеңіне дайындық бойынша жоспарлы жұмыстарды және ел энергетикасы үшін аса маңызды инвестициялық жобалардың іске асырылу барысын тексеру.

Объектілерді аралау шеңберінде Қайрат Мақсұтов Еңбекшіқазақ ауданы Нұрлы кентінде орналасқан «Samruk-Green Energy» ЖШС - жел электр станциясының (ЖЭС 5 МВт) жұмысымен танысты.  

Келесі аралау объектісі – 2022 жылдың жазында іске асырылған «Шелек дәлізінде қуаты 60 МВт жел электр станциясын салу» жобасы. Станцияға әрқайсысы номинал қуаты 2,5 МВт болатын 24 жел электр станциясы кіреді. «Самұрық-Энерго» АҚ мен «Power China» компаниясының бірлескен жұмысы энергетика саласындағы халықаралық ынтымақтастықтың табысты үлгісі болды. ЖЭС ойдағыдай жұмыс істеуде және 2023 жылдың соңына дейін шамамен 223 млн.кВт*сағ электр энергиясын өндіруді жоспарлап отыр.

2023 жылдың мамыр айында ҚР Президенті Қасым-Жомарт Тоқаевтың ҚХР-ға ресми сапары аясында «Самұрық-Қазына» АҚ мен «Power China» арасында Шелек дәлізіндегі ЖЭК жобасын 810 МВт-ға дейін кеңейту бойынша Өзара түсіністік туралы меморандумға қол қойылды. Тараптар Алматы облысында қуаты 310 МВт болатын ЖЭС, СЭС гибридті станциясын салуға және өңірде қуаты 500 МВт болатын жел электр станциясын салуға байланысты жобаларды іске асыру арқылы жобаның бірінші кезеңін 810 МВт-ға дейін кеңейту мүмкіндігін толық зерделеуге ниет білдірді.

Жаңа ЖЭС қуатын кеңейту және ұлғайту жөніндегі осы жоба шеңберінде «Самұрық-Энерго» АҚ басшысы су электр станциясын салу жоспарланып отырған Шелек өзенінде болды.

Өңірге жасаған сапары соңында Қайрат Мақсұтов «АлматыЭнергоСбыт» ЖШС басшылығымен кездесіп, онда Компанияның Бірыңғай сатып алушының 2023 ж. 1 шілдеден бастап жұмыс жағдайындағы ағымдағы қызметін талқылады. Сондай-ақ «АлЭС» АҚ басшылығымен және мамандарымен кеңес өткізді. Компания құрамына Алматы қаласын электр энергиясымен, сумен және жылумен қамтамасыз ететін бірқатар негізгі өндірістік бөлімшелер кіреді. Олардың қатарында қалалық ЖЭО-1, ЖЭО-2, ЖЭО-3, Қапшағай ГЭС, Каскад ГЭС, Батыс жылу кешені бар. Талқылаудың негізгі тақырыптары - 2023-2024 жылдардағы күзгі-қысқы жылыту кезеңіне сапалы дайындық жасау және 2-ЖЭО мен 3-ЖЭО нысандарын газға көшіруді іске асыру бойынша іс-шаралар кешені болды.

 «Самұрық-Энерго» АҚ-да компанияға қарасты кәсіпорындардағы еңбек қауіпсіздігі мен еңбекті қорғау мәселелері талқыланып, 2023 жылдың бірінші жартыжылдығында осы бағытта атқарылған жұмыстардың қорытындысы шығарылды.

«Самұрық-Энерго» АҚ-ның барлық еншілес ұйымдарының және компанияның мүдделі құрылымдық бөлімшелерінің бірінші басшылары қатысқан кеңес электр энергетикалық холдингінің Басқарма Төрағасы Қайрат Мақсұтовтың басшылығымен өтті.

«Самұрық-Энерго» АҚ компаниялары қызметкерлерінің өндірістік қауіпсіздігі мен денсаулығын қорғауды қамтамасыз ету саласындағы есепті кезеңдегі қызметі туралы негізгі баяндаманы «Еңбекті қорғау» департаментінің директоры Төлеген Максилов жасады. Бөлімше басшысы жарақаттанудың алдын алу, оқиғаларды тіркеудің цифрлық әдістерін қолдану, қауіпсіздік техникасының бұзылуына жүргізілген мониторингтің сапасы бойынша жүргізіліп жатқан іс-шаралар туралы айтып берді. Кеңес барысында негізгі мақсатқа – жарақат деңгейін нөлге жеткізу жолында шешілуі қажет басқа да өзекті мәселелер талқыланды.

«Богатырь Көмір» ЖШС, Екібастұз МАЭС-1 және МАЭС-2, «АлЭС» АҚ, «АЖК» АҚ және холдингтің басқа да компанияларының басшылары еңбек қауіпсіздігі және еңбекті қорғау мәселелерінің қалай шешілетіні туралы айтып берді. Өндірістік қауіпсіздікті арттырудың кейбір аспектілері бойынша талқылауға қатысқан «Самұрық-Энерго» жергілікті кәсіподағының төрағасы Оразбек Бекбас та өз ұстанымын білдірді.

Кеңесті қорытындылай келе, «Самұрық-Энерго» АҚ Басқарма Төрағасы Қайрат Мақсұтов компанияның еңбек қауіпсіздігі және еңбекті қорғау жүйесін жетілдіру бойынша үздіксіз жұмыс істеп жатқанын атап өтті. «Өндірістегі қауіпсіздік, әрбір қызметкер үшін лайықты еңбек жағдайларын қамтамасыз ету – бұл мүлтіксіз орындауды талап ететін негізгі сегмент», - деді компания басшысы.

Қайрат Мақсұтов кәсіпорындарда еңбекті қорғау және еңбек қауіпсіздігі шараларын күшейтуге байланысты бірқатар маңызды тапсырмалар берді. «Самұрық-Энерго» басшысы тәуекел аймағында жұмыс істейтін жүрек-қан тамырлары аурулары бар қызметкерлер бойынша уақтылы медициналық бақылауға, жазатайым оқиғалардың алдын алу бойынша қабылданып жатқан шараларды жетілдіруге, компаниялардың бірінші басшыларының қызметкерлердің өндірістегі қауіпсіздік техникасы қағидаларын сақтауы үшін дербес жауапкершілігін күшейтуге ерекше назар аударды.

«Самұрық-Қазына» қорының Басқарма Төрағасы Нұрлан Жақыпов жұмыс сапарымен «Самұрық-Энерго» АҚ Екібастұз энергетикалық кешенінің кәсіпорындарын аралады. Қор басшысына «Самұрық-Энерго» АҚ Басқарма Төрағасы Қайрат Мақсұтов алдағы күзгі-қысқы жылыту маусымына дайындық бойынша объектілердегі жоспарлы жұмыстардың, сондай-ақ еліміздің энергетикасы үшін аса маңызды инвестициялық жобалардың іске асырылу барысын таныстырды.

«Самұрық-Энерго» АҚ электр энергетикалық холдингінің құрылымына Екібастұздағы «Богатырь Көмір» ЖШС көмір кесігі, сондай-ақ Екібастұз МАЭС-1 және МАЭС-2 кіреді. Қайрат Мақсұтовтың айтуынша, жөндеу жұмыстары жоспар бойынша жүріп жатыр, олардың тәртібі «КЕGОС» АҚ жүйелік операторының ұлттық диспетчерлік орталығымен келісілген, қоймаларда 2023-2024 жж. КҚК-ге арналған көмір қорын жинақтау жоспар бойынша жүріп жатыр.

Сапар Қазақстандағы ашық тәсілмен көмір өндіретін ірі компания - Богатырь Көмір ЖШС-ның «Богатырь» көмір кесігінен басталды. Кәсіпорында 6 550 адам жұмыс істейді. «Богатырь Көмір» ЖШС-ның өндірістік қуаты жылына 42 млн.тонна көмірді құрайды, оның ішінде «Богатырь» кесігі бойынша - 32 миллион тонна, «Северный» кесігі бойынша - 10 миллион тонна. «Богатырь Көмір» ЖШС – ның үлесі - 2022 жылдың қорытындысы бойынша, Қазақстанда өндірілетін барлық көмір көлемінің шамамен 40%-ы (42,5 млн.тонна). Жыл сайын энергетикалық көмір ҚР мен РФ-ның энергия өндіруші ұйымдарына жөнелтіледі.

«Богатырь» кесігінде Нұрлан Жақыпов көмір берудің циклдық-ағындық технологиясын енгізу жөніндегі жобаның іске асырылу барысымен танысты. ЦАТ жобасы өзінің жобалық қуатына кезең-кезеңімен шыға отырып, ағымдағы жылдың тамыз айында толық аяқталады. Бұл жоба тұтынушыларға отын жеткізуді арттыруға мүмкіндік береді.

Келесі аралау нысаны «Болат Нұржанов атындағы Екібастұз МАЭС-1» ЖШС электр станциясы болды. Белгіленген қуаты 4000 МВт және қолда бар қуаты 3500 МВт ЕМАЭС-1 Қазақстан энергетикасының флагманы болып табылады. ЕМАЭС-1-дің электр энергиясын өндіру көлемі 2022 жылдың қорытындысы бойынша 23 млрд. кВтсағ құрады, бұл станция тарихындағы рекордтық көрсеткіш болып табылады. Ағымдағы жылдың 6 айында станция 11,2 млрд. кВтсағ өндірді, бұл өткен жылдың сәйкес кезеңімен салыстырғанда 3% - ға артық.

Қор басшысы № 1 энергия блогының блоктық басқару қалқанын қарап, оны қалпына келтіру жұмыстарының барысымен танысты. Ағымдағы жылдың соңында №1 энергия блогы пайдалануға берілгеннен кейін станцияның белгіленген қуаты 4000 МВт құрайды. Жобаның мақсаты станцияның қолда бар қуатын жобалық қуатқа дейін ұлғайту, сұранысты қанағаттандыру және Қазақстан Республикасында электр энергиясының тапшылығын төмендету болып табылады. Энергия блогын қалпына келтіру кезеңінде 500-700 адамға арналған жаңа жұмыс орындары құрылды, пайдалану кезеңінде 54 адам тартылатын болады. Сондай-ақ, заманауи электр сүзгілерін орнату есебінен экологиялық нормативтердің орындалуы қамтамасыз етілетін болады. «№1 энергия блогын қалпына келтіру» жобасын белгіленген мерзімде аяқтау жоспарлануда.

Қазіргі уақытта станцияда №3 энергия блогына күрделі жөндеу жүргізілуде. Көмір жеткізуге ұзақ мерзімді шарттар жасалды. Жөндеу жұмыстары жоспарлы түрде жүргізілуде, олардың тәртібі «КЕGОС» АҚ жүйелік операторының ұлттық диспетчерлік орталығымен келісілді. 2023-2024 жж. КҚК-ге қарай қоймаларға жоспар бойынша көмір жинақталып жатыр.

«Самұрық-Қазына» АҚ Басқарма Төрағасының жұмыс сапары «Екібастұз МАЭС-2 станциясы» АҚ-ға барумен аяқталды.

Оның белгіленген электр қуаты 1000 МВт құрайды. Станция жыл сайын шамамен 6,0 млрд.кВтсағ электр энергиясын өндіреді, сондай-ақ жақын маңдағы Солнечный кентін жылу энергиясымен қамтамасыз етеді.  Ағымдағы жылдың 6 айында станция 3,0 млрд. кВтсағ электр энергиясын өндірді, бұл өткен жылдың сәйкес кезеңінен 5% - ға артық.

Станциядағы 2023 ж. жөндеу науқаны белгіленген мерзімде өткізіледі, № 2 энергия блогы 2 мамырдан 26 шілдеге дейінгі мерзімді қоса алғанда күрделі жөндеуде, ол аяқталғаннан кейін №1 энергия блогын ағымдағы жөндеуге шығару жоспарлануда. Станция қоймаларында қажетті отын қорлары (көмір, мазут) жинақталған, жеткізу уақтылы жүзеге асырылады.

МАЭС-2-ге бару барысында «Самұрық-Қазына» қорының басшысы станцияда №3 және №4 энергия блоктарын салу жобаларын іске асыру бойынша жұмыстармен танысты. №3 энергоблоктың қуаты 636 МВт құрайды деп болжануда, жоспарланып отырған өндіру - жылына 4,8 млрд.кВтсағ. Энергия блогын пайдалануға беру ҚР-дағы электр энергиясының тапшылығын ең төменгі деңгейге дейін төмендетуге мүмкіндік береді.

«Qazaq Green Power PLC» Жария компаниясы Директорлар кеңесінің шешімімен Долқын Исламов «Samruk-Green Energy» ЖШС Бас директоры болып тағайындалды.

Компания ұжымына жаңа басшыны «Samruk-Green Energy» ЖШС Директорлар кеңесінің төрағасы – «Самұрық-Энерго» АҚ Экономика және қаржы жөніндегі басқарушы директоры Айдар Рысқұлов таныстырды.

Исламов Долкын Усманович 1966 жылы 11 шілдеде Қазақстан Республикасының Жетісу облысында дүниеге келген.

Жоғары экономикалық және техникалық білімі бар.

Жалпы еңбек өтілі 32 жылды құрайды, оның ішінде энергетика саласында 14 жылдан асады.

«Самұрық-Энерго» АҚ компаниялар тобында 2009 жылдан бері жұмыс істейді, оның ішінде «Алатау Жарық Компаниясы» АҚ Техникалық аудит қызметін ұзақ уақыт басқарды, сондай-ақ компанияның Басқарма Төрағасының кеңесшісі болды.

«Самұрық-Энерго» АҚ Екібастұз Энергия кешенінің кәсіпорындары - Екібастұз ГРЭС-1 мен ГРЭС-2, сондай-ақ «Богатырь Көмір» ЖШС күзгі-қысқы жылыту кезеңіне дайындық бойынша жоспарлы жұмыс жүргізуде және республика энергетикасы үшін аса маңызды инвестициялық жобаларды іске асыруда. Нысандардың өндірістік алаңдарына жұмыс сапарымен «Самұрық-Энерго» АҚ Басқарма Төрағасы Қайрат Мақсұтов келді.

Сапар «Болат Нұржанов атындағы Екібастұз ГРЭС-1» ЖШС электр станциясынан басталды. ЕГРЭС-1 белгіленген қуаты 4000 МВт және қолда бар қуаты 3500 МВт болатын қазақстандық энергетиканың флагманы болып табылады. Ағымдағы жылдың соңында №1 энергия блогын пайдалануға бергеннен кейін станцияның қолда бар қуаты 4000 МВт-ны құрайды. ЕГРЭС-1-дің электр энергиясын өндіру көлемі 2022 жылдың қорытындысы бойынша 23 млрд. кВтсағ құрады, бұл станция тарихындағы рекордтық көрсеткіш болып табылады. Ағымдағы жылдың 6 айында станция 11,2 млрд. кВтсағ өндірді, бұл өткен жылдың сәйкес кезеңімен салыстырғанда 3% - ға артық.

ЕГРЭС-1-дің ақпараты бойынша, 2023-2024 жж. жылыту маусымына дайындық шеңберінде негізгі жабдықты жөндеу кестесі әзірленіп, бекітілді. Жөндеу науқаны барысында барлық энергия блоктарын жөндеу жоспарлануда. Қазіргі уақытта №3 энергия блогына күрделі жөндеу жүргізілуде. Көмір жеткізуге ұзақ мерзімді шарттар жасалды. Жөндеу жұмыстары жоспарлы түрде жүргізілуде, олардың тәртібі «КЕGОС» АҚ жүйелік операторының ұлттық диспетчерлік орталығымен келісілді. 2023-2024 жж. КҚК-ге қарай қоймаларда көмірді жоспарлы жинақтау жүріп жатыр.

Қайрат Мақсұтов станцияның 2023-2024 жылдардағы күзгі-қысқы кезеңге дайындығының, оның ішінде жөндеу науқанын орындаудың және көмір қорын уақтылы жинақтаудың маңыздылығын атап өтті. «№1 энергия блогын қалпына келтіру» жобасын іске асыру туралы айта келе, «Самұрық-Энерго» АҚ басшысы оны белгіленген мерзімде аяқтау міндетін қойды.

Келесі нысан «Екібастұз ГРЭС-2 станциясы» АҚ электр станциясы болды. Оның белгіленген электр қуаты 1000 МВт-ны құрайды. Станция жыл сайын шамамен 6,0 млрд.кВтсағ электр энергиясын өндіреді, сондай-ақ Солнечный кентін жылу энергиясымен қамтамасыз етеді.  Ағымдағы жылдың 6 айында станция 3,0 млрд. кВтсағ өндірді, бұл өткен жылдың сәйкес кезеңінен 5% - ға артық.

Қайрат Мақсұтов 2023 жылғы жөндеу науқанының барысымен танысты. № 2 энергия блогы 2 мамырдан 26 шілдеге дейін күрделі жөндеуде, ол аяқталғаннан кейін №1 энергия блогын ағымдағы жөндеуге шығару жоспарлануда. Станция қоймаларында қажетті отын қорлары (көмір, мазут) жинақталған, жеткізу уақтылы жүзеге асырылады. Ағымдағы жылғы отын жеткізуге арналған шарттар бар.

 Сондай-ақ, электр станциясының басшылығы «Самұрық-Энерго» басшысын №3 және №4 энергия блоктарын салу жобаларының іске асырылу барысымен таныстырды.

Одан әрі Басқарма Төрағасы «Богатырь» кесігіне келіп, көмір берудің циклдық-ағындық технологиясын енгізу жөніндегі жобаның іске асырылу барысымен танысты. «Богатырь Көмір» ЖШС жыл сайын ҚР және РФ энергия өндіруші ұйымдары үшін шамамен 42 млн тонна энергетикалық көмір жеткізеді. ЦАТ жобасын аяқтау тұтынушыларға көмір жөнелтуді жылына 52 млн. тоннаға дейін арттыруға мүмкіндік береді. Нысанды пайдалануға беру ағымдағы жылдың тамыз айында жоспарлануда.

 «Самұрық-Энерго» АҚ – 2007 жылы құрылған Қазақстандағы ірі электр энергетикалық холдинг. Қызметінің негізгі бағыттары: электр және жылу энергиясын өндіру; электр энергиясын жеткізу, тарату және сату; энергетикалық көмір өндіру. Холдингтің құрамына энергетикалық және көмір кәсіпорындары кіреді, оның ішінде «Екібастұз ГРЭС-1» ЖШС, «Екібастұз ГРЭС-2 станциясы» АҚ, «Богатырь Көмір» ЖШС, «Алматы электр станциялары» АҚ, «Мойнақ СЭС» АҚ, «Шардара СЭС» АҚ және басқалары бар.

«Самұрық-Энерго» АҚ Директорлар кеңесінің шешімімен Асан Наурзғалиев «Болат Нұржанов атындағы 1-МАЭС»  ЖШС Бас директоры болып тағайындалды.

«Самұрық-Энерго» АҚ Басқарма Төрағасы Қайрат Мақсұтов станция ұжымына жаңа басшыны таныстырды.

Наурзгалиев Асан Акимгалиевич 1978 жылдың 30 сәуірінде дүниеге келді. 

Алматы энергетика және байланыс университетін 2000 жылы «Жылу энергетикасы, Жылу электр станциялары» мамандығы бойынша аяқтайды. Еңбек қызметін 2000 жылы «Қазақмыс, МАЭС» ЖШС бу турбиналарының машинисі болып бастады, содан кейін 2003 жылы турбина бөлімшесінің аға машинисі болып тағайындалды. 2004 жылы ӨТБ бастығының орынбасары болып жұмыс істейді.  2007 жылдың наурыз айынан бастап кезеңде «Екібастұз 1-МАЭС» ЖШС жылу энергетигі-инженері лауазымына кіріседі, 2009 жылы даму және қайта құру тобы бастығының орынбасары, 2010 жылдан бастап электр сүзгілерін монтаждау және жөндеу жөніндегі цехтың бастығы болды. 2011 жылдан бастап 2014 жылға дейін жөндеулерді дайындау және жүргізу бөлімінің бастығы, 2015 жылдан бастап 2018 жылға дейін күрделі құрылыс жөніндегі директор лауазымдарын атқарды. 

2019 жылдың бастап 2023 жылға дейінгі кезеңде «ERG Capital Projects» ЖШС компаниялар тобында, ССКӨБ АҚ ЖЭО басқарушылық жобалары - бу қазандықтары мен турбиналарды ауыстыру бойынша жұмыс істеді.

«Самұрық-Энерго» АҚ Басқарма Төрағасы Қайрат Мақсұтов Компанияның Алматы энергетикалық кешеніні кәсіпорындарына жұмыс сапарымен барды. Сапар барысында электр энергетикалық холдингінің басшысы алдағы жылыту кезеңіне дайындықпен байланысты жұмыстарды тексеріп, Алматы қаласы мен өңірдің энергетикасындағы инвестициялық жобалардың іске асырылу барысымен танысты.   

 «Алатау Жарық Компаниясы» (АЖК)  орталық диспетчерлік пункті Қайрат Мақсұтов тоқталған алғашқы нысандардың бірі болды. «АЖК» АҚ– республиканың оңтүстігіндегі халыққа электр энергиясын жеткізетін және тарататын ірі өңірлік электр желілік компаниялардың бірі. Ол Алматы аймағының 4 миллионға жуық халқын электр энергиясымен қамтамасыз етеді. Бүгінде АЖК энергетиктері жөндеу жұмыстарының бекітілген кестесіне сәйкес ұзындығы 2 мың шақырымнан асатын әуе және кабель желілерінде жұмыс жүргізуде.  Алматы облысы мен қала бойынша 869 тарату және трансформаторлық қосалқы станцияларда, 600-ден астам күштік трансформаторларда  жоспарлы жөндеу жұмыстары іске асып жатыр.

Қайрат Мақсұтовтың келесі аралаған нысаны «Алматы электр станциялары» АҚ (АлЭС) және оның бірқатар негізгі энергия өндіруші объектілері болды.

АлЭС мамандарының айтуынша, 2023-2024 жж. жылыту маусымына дайындық аясында негізгі жабдықты жөндеу кестесі әзірленіп, бекітілді. Жөндеу науқаны барысында 70 негізгі жабдықты (қазандықтар, турбиналық - және гидроагрегаттар) жөндеу, оның ішінде 12 күрделі және 58 ағымдағы жөндеу жүргізу жоспарлануда. Көмір мен газды жеткізуге ұзақ мерзімді шарттар жасалды. Жөндеу жұмыстарының тәртібі «КЕGОС» АҚ жүйелік операторының ұлттық диспетчерлік орталығымен келісілді.

«Самұрық-Энерго» АҚ басшысы Алматы ЖЭО-ны жаңғырту жұмыстарының барысына ерекше назар аударды. ЖЭО-2-ні газға көшіру жобасының басты мақсаттарының бірі – станцияның қала атмосферасына зиянды шығарындыларын азайту. Бүгінгі таңда жоба практикалық іске асыру сатысына шықты, мердігермен EPC-келісімшартына қол қойылды. Бұл –  жабдықты жобалау мен жеткізуден бастап іске қосу-жөндеу жұмыстарына дейін және пайдалануға беруге дейінгі жұмыстардың толық циклін орындауды білдіреді.

Алматы ЖЭО-3-ті қайта жаңарту – ҚР оңтүстік аймағындағы маневрлік қуаттарды жабу және қоршаған ортаға шығарындыларды азайту үшін қуаты кемінде 450 МВт бу-газ қондырғысын салуды көздейді. Бұл жобаларды іске асыруды аяқтау 2026 жылдың соңына  жоспарланған.

«Самұрық-Энерго» АҚ-ның Алматы энергокешені нысандарын аралаудың қорытынды жиналысында компания Басқарма Төрағасы Қайрат Мақсұтов бірқатар тапсырмалар берді:

«АЖК» АҚ-на – коммерциялық шығындарды азайту жұмыстарын жалғастыруды, тәулік сайынғы дисбаланстың орын алмауын және Алматы энергоорталығының тұрақты әрі тиімді жұмысын қамтамасыз ету.

«АлЭС» АҚ-на алдағы жылыту маусымына дайындық бойынша жоспарланған жұмыстарды толық аяқтау және Алматы ЖЭО-2, ЖЭО-3 нысандарын газға көшіру бойынша инвестициялық жобаларды бекітілген мерзімде іске асыру тапсырылды. 

«Самұрық-Энерго» АҚ – 2007 жылы құрылған Қазақстандағы ірі электр энергетикалық холдинг. Қызметінің негізгі бағыттары: электр және жылу энергиясын өндіру; электр энергиясын жеткізу, тарату және сату; энергетикалық көмір өндіру. Холдингтің құрамына энергетикалық және көмір кәсіпорындары кіреді, оның ішінде «Екібастұз МАЭС-1» ЖШС, «Екібастұз МАЭС-2 станциясы» АҚ, «Богатырь Көмір» ЖШС, «Алматы электр станциялары» АҚ, «Мойнақ СЭС» АҚ, «Шардара СЭС» АҚ және басқалары. Компанияның акциялары «Самұрық-Қазына» ҰӘҚ» АҚ-ға 100% тиесілі.