12 қазан күні «Самұрық-Энерго» АҚ корпоративтік орталығында «Energy Solutions Center» ЖШС еншілес компаниясының 2022 жыл бойынша Корпоративтік басқаруды жетілдіру жоспарының аясында, «Самұрық Энерго» комплаенс қызметімен бірге ұйымдастырылған оқыту семинары өтті. Семинардың басты мақсаты – энергетикалық холдинг қызметкерлері мен еншілес компаниялардың жұмыскерлері арасында сыбайлас жемқорлыққа қарсы мәдениет деңгейін қалыптастыру және алдын алу шараларының әсерін күшейту.
Семинардың негізгі спикерлері ретінде арнайы шақырылған ҚР Сыбайлас жемқорлыққа қарсы іс-қимыл агенттігінің өкілі, ұйымның «Сыбайлас жемқорлыққа қарсы мәдениетті қалыптастыру, алдын алу қызметі» басқармасының басшысы Нұрдәулет Самет пен аталған басқарманың сарапшысы Асан Айдарханов «Сыбайлас жемқорлықтың алдын алу» тақырыбына баяндама оқыды.
ҚР Сыбайлас жемқорлыққа қарсы іс-қимыл туралы Заңына соңғы кездері бірқатар өзгертулер мен толықтырулар енгізілгені белгілі. Соның бірі – сыбайлас жемқорлықтың субъективтік құрамының кеңеюі.
Енді мемлекеттік бюджеттен және Ұлттық Фондпен қаржыландырылатын квазимемлекеттік компаниялардың сатып алу шараларына жауапты барлық қызметкерлері сыбайлас жемқорлықтың субъектілері қатарына жатады.
Яғни, аталған Заң шеңберіндегі жемқорлыққа қарсы барлық шектеулерді қабылдап, коррупциялық құқық бұзушылық фактілерінде жауапкершілікке тартылады. Бұрын мұндай талаптар квазимемлекеттік компаниялардың тек бірінші басшыларға ғана қатысты болған.
Сонымен қатар, ҚР салық және басқа да міндетті төлемдері жөніндегі Кодексіне сәйкес, 2023 жылдың 1 қаңтарынан бастап барлық квазимемлекеттік сектор қызметкерлері, соның ішінде шетелдік мамандар мен олардың жұбайлары салық органдарына активтері мен міндеттемелері туралы жыл сайын декларация жасауға міндетті болады.
Бұдан өзге, Н.Саметтің баяндамасында жемқорлыққа қарсы іс-қимылдар аясындағы жаңа заңнамалық толықтырулар туралы айтылды. Атап айтқанда, квазимемлекеттік ұйымдарда сый-сыяпат қабылдауға, жақын туыстарды жұмысқа алуға, шетелдік банктерде шот ашуға тыйым салынған.
Сыбайлас жемқорлыққа қарсы іс-қимыл агенттігі өкілінің айтуынша, компаниялар мен оның еншілес ұйымдарында, жыл сайын комплаенс офицерлерімен бірге ұйымдастырылған сыбайлас жемқорлық тәуекелдерін анықтау мақсатында ішкі талдау жұмыстары жүргізіліп отыруы тиіс.
Семинар соңында Жемқорлыққа қарсы агенттіктің өкілдері компания қызметкерлерінің сұрақтарына жауап беріп, ақпарат алмасты.
Ұйымдастырушылар мен қатысушылардың пікірінше, семинардың түпкі мақсаты орындалды. Өйткені шара барысында мемлекеттік тиісті органдар жүргізіп жатқан халық арасында жемқорлыққа қарсы мәдениетті күшейту және коррупцияның алдын алу жұмыстары туралы ақпарат берілді.
Жемқорлықтың әлеуметтік құбылыс ретінде мемлекетке саяси және экономикалық тұрғыда әкелер зиянының ауықымын түсіне білу қажет. Сонымен қатар Қоғамда оның орын алмауын қамтамасыз ететін шешуші шараларды қолданған жөн.
Дүниежүзі бойынша ірі көмір кесіктерінің бірі «Богатырь» кесігінде технологиялық процесстерді автоматтандыру шеңберінде «Диспетчерлік басқару жүйесін автоматтандыру» (ары қарай ДБЖА) жобасы сәтті іске асырылды.
Өндірісте ДБЖА жүйесін енгізу көмірді сыртқа шығарудың автокөлік-конвейерлік технологиясына өту бағдарламасы аясындағы бірқатар талаптарды орындайды. Олардың негізгілері: арнайы техникалар (карьерлік автосамосвалдар, бульдозер, экскаваторлар) жағдайының толық анализін жасау, тау массасын тасымалдауды автоматты түрде бақылау және «Богатырь Көмір» ЖШС-нің басшылығы мен қызметкерлеріне есеп беру.
Аталған жобаны іске асыруға 2,5 жылдай уақыт кетті. 2019 жылдың қазанында жұмысөлшеуіш құрылғылары мен бірқатар санақ құралдарын арнайы техникаға орнату жұмыстары басталған еді. Бұл шаралар 2021 жылдың шілдесінде аяқталып, көрсеткіштердің мониторингі басталған.
Бір жылдық ДБЖА сараптамалық қорытындысы бойынша, бір автосамосвалдың жүк айналымы 8,93%-ға өскені байқалады. Бұл көрсеткіш осындай үш автосамосвалдың жұмысымен тең. (анықтама үшін: бір автосамосвал құны ~ 2 млн $). Сондай-ақ, аталған техниканың жанармай шығыны 2,5%-ға азайған.
Осылайша, ДБЖА жобасын енгізу – жүйелендірілген цифрлық өндірістің құрылуына жасалған алғашқы қадам болып табылады.
Төменде берілген диаграммада жүк айналымының өсуі мен жанармай шығынының төмендеуі көрсетілген.
«Самұрық-Энерго» электр энергетикалық холдингіне кіретін энергия өндіруші кәсіпорындар 2022-2023 жж. күзгі-қысқы кезеңде жұмысқа толық дайын. Бұл туралы бүгін компания өкілдері холдингтің Алматы және Екібастұз энергия кешендеріндегі энергетикалық объектілерге барған кезде мәлімдеді. Осы уақытқа дейін «Самұрық-Энерго» АҚ-ның энергия көздері белгіленген тәртіппен Дайындық паспорттарын алуда. Электр станциялары электр және жылу жүктемелерінің берілген кестелерінің орындалуын қамтамасыз етеді.
«Екібастұз ГРЭС-1» ЖШС. Қазіргі уақытта 7 энергия блогынан тұратын станцияда 5 энергия блогы жұмыс істеп тұр, станцияның ағымдағы жүктемесі - 2 100 МВт. Көмір қоры нормативі 382 мың тонна жағдайында 420 мың тоннаны құрайды.
«Екібастұз ГРЭС-2 станциясы» АҚ. Екі энергия блогы да жұмыс істейді, станцияның ағымдағы жүктемесі - 895 МВт. Қажетті көмір қоры бар (328 мың тонна, норматив бойынша 118 мың тонна.)
«Мойнақ СЭС» АҚ. Мойнақ СЭС-і 2012 жылы пайдалануға берілді, Алматы облысындағы Шарын өзенінде орналасқан. Станция жасалған шарттарға және бекітілген тәуліктік кестелерге сәйкес тұтынушыларға электр энергиясын босатады, сондай-ақ Жүйелік оператордың командалары бойынша 80-нен 300 МВт-ға дейінгі қуатты реттеу режимін қамтамасыз етеді. Қазіргі уақытта станция жоспарлы жөндеу жұмыстарын жүргізу үшін тоқтатылды.
«Шардара СЭС» АҚ. Станция Түркістан облысында Сырдария өзенінде орналасқан, 1967 жылы пайдалануға берілген. Шардара СЭС-те 2020 жылы қызмет ету мерзімін екі өтеген жабдықты жаңарту бойынша ауқымды жоба аяқталды. Жобаның мердігері австрия-германдық Andtitz Hidro GmbX компаниясы болды. Жаңғырту аясында барлық 4 гидроагрегат ауыстырылды. Станция белгіленген қуатты 100 МВт-дан 126 МВт-ға дейін арттырды.
«Богатырь Көмір» ЖШС. Қазақстанның ең ірі көмір өндіруші компаниясы, «РУСАЛ» АҚ-мен бірлесіп басқарылады. Кәсіпорын 2022-2023 жж. жылыту маусымына дайындық аясында тапсырыс берушілердің барлық өтінімдерін асыра орындады. Көмір кесігіндегі қатты отынның шамамен 90 пайызы электр энергиясы мен жылу өндіру үшін республиканың өндіруші объектілеріне және 10% - ы Ресей Федерациясына экспортқа жіберілді. Қазақстандағы негізгі тұтынушылардың қатарында: «Екібастұз ГРЭС-1» ЖШС, «Екібастұз ГРЭС-2 станциясы» АҚ, Алматы және Степногор ЖЭО-лары, «Қарағанды Энергоорталық» ЖШС (ЖЭО-1, ЖЭО-3), «СевКазЭнерго» АҚ, «Астана-Энергия» АҚ (ЖЭО-1, ЖЭО-2), «Көкшетаужылу» МКК, «Павлодарэнерго» АҚ, «Bassel Group LLS» ЖШС (Теміртау қ.) бар.
Бүгінгі таңда (экспортты ескергенде – 7,8 млн.тонна) компания 32,7 млн. тонна көмір жөнелтті, бұл жоспардың 103% -. құрайды. 0,14 млн. тонна коммуналдық-тұрмыстық көмір тиелді.
Кәсіпорын көмір тиеудің циклдік-ағындық технологиясына көшу жөніндегі ірі инвестициялық жобаны аяқтайды, бұл көмір өндіру жөніндегі «Богатырь» кесігінің қуатын жылына 32 млн.тоннадан 40 млн. тоннаға дейін арттыруға, еңбек өнімділігін 25% - ға арттыруға, вагондар айналымының орташа уақытын 14,3-тен 5,4 сағатқа дейін төмендетуге мүмкіндік береді.
Пайдалануға берудің жоспарланған уақыты – 2023 жылғы 3 тоқсан.
Алматы қаласы мен Алматы облысында «Самұрық-Энерго» АҚ Алматы энергия кешенінің кәсіпорындары электр және жылу энергиясын үздіксіз жеткізуді қамтамасыз етеді:
«Алматы электр станциялары» АҚ. Ұйым Алматы және Алматы облыстарында жылу және электр энергиясын өндіреді. Оның құрамында 8 өндірістік бөлімше бар, оның ішінде ЖЭО-1, ЖЭО - 2, ЖЭО-3, Қапшағай СЭС, Каскад СЭС, Батыс жылу кешені, ОҚТО, ӨЖК бар. Электр станциясының ағымдағы жүктемесі 457 МВт (жоспар 451 МВт) құрайды.
Ағымдағы жылдың жөндеу науқанына «АлЭС» АҚ бойынша 71 бірлік негізгі жабдықты (қазандықтар, турбиналық және гидроагрегаттар) жөндеу жоспарланған. Бүгінгі таңда «АлЭС» АҚ КҚД-ға дайындық паспортын алды. Станцияларда қажетті көмір қоры қалыптастырылды (- 254 мың тонна, норматив бойынша - 225 мың тонна). Мазут қорлары толықтырылды (норматив 17,8 мың тонна болған жағдайда 20,6 мың тоннаны құрайды). Қапшағай СЭС БАБИ бекіткен су режиміне сәйкес жұмыс істейді, бұл 80 МВт жүктемеге сәйкес келеді.
«Алатау Жарық Компаниясы» АҚ «Самұрық-Энерго» АҚ-ның Алматы қаласы мен Алматы облысының тұтынушыларын электр энергиясымен қамтамасыз ететін еншілес компаниясы болып табылады. Электр беру желілерінің жалпы ұзындығы - 29 531 км;
2022 жылы «АЖК» АҚ-да негізгі және қосалқы жабдықтар мен электр желілеріне жөндеу жүргізу үшін ҚҚС-ны есептемегенде 3 086 568 мың теңге мөлшерінде қаражат көзделген.
«АЖК» АҚ-ның 2022 жылға арналған негізгі жабдықтарды жөндеудің бекітілген кестесіне сәйкес жоспарланған жөндеу жұмыстары толық көлемде орындалды.
«АЖК» АҚ-ның жөндеу бригадалары автокөлікпен, арнайы техникамен көліктермен және арнайы тетіктермен жарақтандырылды, арнайы киіммен және жеке қорғаныс құралдарымен жабдықталды. Авариялық қор бекітілген тізбеге сәйкес толық көлемде жинақталды.
«АлматыЭнергоСбыт» ЖШС. «Самұрық-Энерго» АҚ-ның Алматы қаласы мен Алматы облысының өңірін электрмен үздіксіз жабдықтауды қамтамасыз ететін еншілес компаниясы, Тұтынушылар саны – 916 мың. «Алматыэнергосбыт» ЖШС 2022 жылға энергия өндіруші және энергия беруші ұйымдармен электр энергиясын сатып алу және жеткізу туралы шарттарды уақтылы жасады. Қазіргі уақытта 2023 жылға электр энергиясын сатып алуға және беруге шарттар жасасу рәсімі басталуда.
Анықтама: «Самұрық-Энерго» АҚ - акциялары «Самұрық-Қазына» ҰӘҚ» АҚ-ға 100% тиесілі Қазақстандағы ірі электр энергетикалық холдинг. 2007 жылы құрылған. Қызметінің негізгі бағыттары: электр және жылу энергиясын өндіру; электр энергиясын жеткізу, тарату және сату; энергетикалық көмір өндіру. Холдингтің құрамына энергетикалық және көмір кәсіпорындары кіреді, оның ішінде «Екібастұз ГРЭС-1» ЖШС, «Екібастұз ГРЭС-2 станциясы» АҚ, «Богатырь Көмір» ЖШС, «Алматы электр станциялары» АҚ, «О.Д.Қантаев атындағы Мойнақ су электр станциясы» АҚ, «Шардара СЭС» АҚ және басқалары бар.
_________________________________________________
«Самұрық-Энерго» АҚ Баспасөз қызметі.
Тел: 8(7172) 55-30-62;
Бұл электронды пошта мекен-жайы спам-боттардан қорғалған, оны қарау үшін Сізде Javascript қосылған.
Бүгін, 06.10.2022 г. күні «Самұрық-Қазына» ҰӘҚ» АҚ Басқармасының шешімімен Серік Түйтебаев «Самұрық-Энерго» АҚ Басқарма төрағасы болып тағайындалды.
«Самұрық-Энерго» АҚ жаңа басшысын ұжымға «Самұрық-Қазына» АҚ Басқарма төрағасы Алмасадам Сатқалиев таныстырды.
Түйтебаев Серік Сүйінбекұлы 1958 жылы Алма-Ата қаласында дүниеге келген.
Алма-Ата энергетикалық институтында «Жылу электр станциялары», Алматы энергетика және байланыс институтында «ЖЭК кәсіпорындарындағы экономика және менеджмент» мамандықтары бойынша білім алған.
Еңбек жолын 1981 жылы ОртаАзЭнергоМонтаж компаниясында іске қосу және ретке келтіру басқармасы шеберінің көмекшісі қызметінен бастаған.
Содан кейін Алматы Энергетикалық университетінің еңбек және қоршаған ортаны қорғау кафедрасының инженері болып қызмет істеген.
АЖЭО-2 турбиналық цехінің турбиналық жабдығы бойынша аралап өтуші машинистінен бас инженер, одан әрі басқарушы директоры лауазымына дейін еңбек жолын өткерген.
Сонымен қатар, «Алматы электр станциялары» АҚ-ның басқарушы директоры орынбасары, Алматы қаласы Энергетика және коммуналдық шаруашылық басқармасының басшысы, «СЕВКАЗЭНЕРГО» АҚ Басқарма Төрағасының өндіріс жөніндегі орынбасары қызметін атқарған.
2014 жылдың қаңтар айынан бастап – «Самұрық-Энерго» АҚ «Генерация» дивизионының басқарушысы, одан әрі Қоғамның Өндіріс және активтерді басқару жөніндегі басқарушы директоры.
2022 жылдың маусымынан бастап «Самұрық-Энерго» АҚ Басқарма Төрағасының міндетін атқарушы қызметін атқарды.
Қазақстан Республикасының еңбек сіңірген энергетигі.
«Самұрық-Энерго» АҚ - акциялары «Самұрық-Қазына» ҰӘҚ» АҚ-ға 100% тиесілі Қазақстандағы ірі электр энергетикалық холдинг. 2007 жылы құрылған. Қызметінің негізгі бағыттары: электр және жылу энергиясын өндіру; электр энергиясын жеткізу, тарату және сату; энергетикалық көмір өндіру. Холдингтің құрамына энергетикалық және көмір кәсіпорындары кіреді, оның ішінде «Екібастұз ГРЭС-1» ЖШС, «Екібастұз ГРЭС-2 Станциясы» АҚ, «Богатырь Көмір» ЖШС, «Алматы электр станциялары» АҚ, «Мойнақ ГЭС» АҚ, «Шардара СЭС» АҚ және басқалары бар.
«Самұрық-Энерго» АҚ корпоративтік орталығында «Самұрық-Қазын» АҚ портфельдік компанияларының жекешелендіру және IPO мәселелері бойынша ақпараттық-түсіндіру жұмыстарын жүргізу шеңберінде компания қызметкерлерімен кездесу өтті. Қордың, «ҚазМұнайГаз «ҰК» АҚ, «Қазпошта» АҚ, қазақстандық AIX және KASE қор биржаларының және брокерлік-дилерлік ұйымдардың өкілдері спикерлер ретінде сөз сөйледі.
Сарапшылар бағалы қағаздарды сатып алу тетіктері, олардың кірістілігі, акциялар саудасына байланысты ықтимал тәуекелдер, процеске қатысатын компаниялар туралы мәліметтерді қоса алғанда, IPO бағдарламасын іске асырудың ерекшеліктерін егжей-тегжейлі баяндап берді. Кездесудің соңғы бөлігінде іс-шараға қатысушылар бағалы қағаздарға инвестиция салуға қатысты өздерін қызықтыратын сұрақтардың барлығын қоюға мүмкіндік алды.
«Биржаның қатысуымен, инвестициялық банктердің, брокерлердің қатысуымен өтетін мұндай кездесулер біздің қызметкерлеріміздің қаржылық сауаттылығын дамыту үшін өте пайдалы, қызметкерлеріміздің Қорды дамытуға, елдің дамытуға, оның ішінде өзінің де әл-ауқатын жақсартуға қатысуын арттырады. Сондықтан, біз Самұрық-Энергоның қаржы блогы ретінде корпоративтік орталық қызметкерлерінің де, еншілес ұйымдар қызметкерлерінің де қатысуын қолдаймыз» - деп атап өтті кездесуге қатысушы «Самұрық-Энерго» АҚ «Қазынашылық және корпоративтік қаржы» департаментінің бас сарапшысы Сұлтан Мұқаев.
Ағымдағы жылдың жазында «Самұрық-Қазына» АҚ Басқарма Төрағасы Алмасадам Сәтқалиевтің «ҚазМұнайГаз» ҰК» АҚ-ны 2022 жылдың соңына дейін IPO-ға шығаратынын хабарлағанын естеріңізге сала кетейік. Қор елдің жетекші мұнай-газ ұлттық компаниясының IPO-сын Қазақстанның барлық тұрғындары үшін қолжетімді етуді, сондай-ақ бөлшек және институционалдық инвесторларды барынша көп қамтуды жоспарлап отыр.
24-25 қыркүйекте «Самұрық-Қазына» АҚ қызметкерлерінің арасында VII Спартакиада Суперфиналының қорытынды ойындары өтті. Қазақстанның түкпір-түкпірінен ең мықты спортшылар жиналған спорт аренасындағы құштарлықтың қызуы жанкүйерлерді соңғы секундқа дейін ширықтыра ұстап тұрды.
«Самұрық-Энерго» АҚ энергетиктері туының астында жеті құрама команда өнер көрсетті, олар: «Самұрық-Энерго» орталық офисінің, Екібастұз ГРЭС-1, ГРЭС-2, «Богатырь-Көмір» ЖШС, «АлЭС» АҚ, «Мойнақ ГЭС» АҚ және «Алатау Жарық Компаниясы» АҚ қызметкерлері.
Жарыс қорытындылары бойынша мыналар жүлделі орындарға ие болды:
Кристина Гринченко, 65 кг дейінгі салмақта армрестлингтен әйелдер арасында 3-орын. («Екібастұз ГРЭС-2 станциясы» АҚ)
Евгения Ваганова, 80 кг дейінгі салмақта армрестлингтен әйелдер арасында 3-орын. («Богатырь Көмір» ЖШС)
Магинур Латыпова, тоғызқұмалақтан әйелдер арасында 1-орын («Богатырь Көмір» ЖШС)
Динара Көбегенова, шахматтан әйелдер арасында 3-орын (АО «Алатау Жарық Компаниясы»)
Индира Байжанова, 65 кг артық салмақта армрестлингтен әйелдер арасында 1-орын. («Алатау Жарық Компаниясы» АҚ)
Сонымен қатар, «АЖК» АҚ қоржынына волейболдан бір қола, Арқан тартудан 1 күміс түсті.
Спартакиаданың бас жүлдесі – Суперкубокты «ҚазМұнайГаз» ҰК құрама командасы жеңіп алды.
Спортшылар жарысты дайындап, өткізуге қолдау және жан-жақты көмек көрсеткені үшін «Самұрық-Қазына» қорынан жарысты ұйымдастырушыларға, «Самұрық-Энерго» АҚ мен оның еншілес ұйымдарының басшылығына, «Самұрық-Энерго» жергілікті кәсіподағына алғыс білдіреді.
«Самұрық-Энерго» АҚ-да халықаралық қаржылық даму институттарының өкілдерімен кездесу өтті. Ортаға салынған тақырып – Самұрық-Энерго компаниялар тобында көміртекті бейтараптылыққа қол жеткізу және осы бағытта жобаларды қаржыландырып, іске асыру болды.
Дүниежүзілік банк өкілдерімен кездесуде «Самұрық-Энерго» АҚ Председателі қызметін атқарушы Серік Түйтебаев энергетика саласында «жасыл» энергия бағытында жобаларды іске асыру аясындағы экономикалық мәселелер туралы айтты.
Делегация басшысы – Дүниежүзілік банктің энергетика саласы бойынша жетекші маманы Мануэль Берленджиеро ұйымның «жасыл» энергияға көшу бағдарламасын жүзеге асыруға ат салысып, жобаларды қаржыландыру мәселелерін ҚР Үкіметімен талқылап, барынша қолдауға дайын екендігін жеткізді.
Одан өзге, кездесуде Дүниежүзілік банк және Қазақстанның Қаржы министрлігі мен Энергетика министрлігі өкілдерімен бірге жүргізілетін іс-шаралар да талқыланды.
Сонымен қатар, өз кезегінде Дүниежүзілік банк «АлЭС» АҚ-на қарасты Каскад ГЭС-ін қайта құру және жаңғырту бойынша техникалық-экономикалық негіздемесін жасауды қаржыландыруға грант бөлуге дайын екендігін мәлімдеді.
Еуропалық қайта құру және даму банкінің Вице-президенті Алан Пию ұйымның 2022 жыл бойынша Қазақстандағы қызметі мен инвестициялық жоспарлары туралы ақпарат берді.
Жиында халықаралық қаржы мекемесі мен «Самұрық-Энерго» АҚ арасындағы келешекке жоспарланатын ынтымақтастық бағыттары туралы да сөз қозғалды. Атап айтсақ, Алматы ЖЭО-2-ні жаңғырту жобасы бойынша, станцияны газға көшіруді қаржыландыру аясындағы маңызды іс-шаралар туралы айтылды.
«Самұрық-Энерго» АҚ-ның өкілдері компанияның Алматы қаласы және облысының экологиялық жағдайын жақсарту мақсатында жасалып жатқан жұмыстарымен таныстырды.
Компанияның аталған бағыттағы сәтті жұмыстарына дәлел ретінде Алматы облысындағы Шелек дәлізінде құрылған 60 МВт жел электр станциясының іске қосылуы мен оның қуатын арттыру жобасының шеңберіндегі жасалған келісім туралы айтылды.
ЕҚДБ Вице-президенті қазақстандық энергетикалық холдингтің көміртекті бейтараптылық жолындағы жұмыстарына жоғары баға беріп, «Самұрық-Энерго» АҚ-ның Алматы ЖЭО нысандарын жаңғырту жұмыстарымен ғана шектелмейтін, «жасыл» энергияны дамытудағы жүйелі әрекеттеріне қолдау көрсетуге ниет білдірді.
Қазақстанда қуаты 60 МВт-ны құрайтын жаңа жел электр станциясы (ЖЭС) пайдалануға берілді. Жобаны «Самұрық-Энерго» АҚ қазақстандық электр энергетикалық холдингі «Power China» қытай корпорациясымен серіктестікте іске асырды.
Жобаның жалпы құны - 37,4 млрд теңге. Жаңа станция әрбір номинал қуаты 2,5 МВт болатын 24 жел энергетикалық қондырғысынан тұрады. Бұдан бөлек, оған қосалқы станция, соған сәйкес инфрақұрылым салынып, сондай-ақ әуе электр жеткізу желілері тартылды. Станция әлемдік жел турбиналарын өндіруші жетекші компаниялардың бірі – «GoldWind» компаниясының жабдығын пайдалана отырып салынды.
Жаңа ЖЭС жылына 225,7 млн. кВтс электр энергиясын өндіретін болады. Өндірістік сипаттамаларынан бөлек, жоба өзінің экологиялық құрылымы тұрғысынан өңір үшін маңызды. Электр станциясын салу және оны іске қосу парниктік газдар шығарындыларын 206 мың тоннаға дейін азайтуға мүмкіндік береді, сондай-ақ жылына шамамен 89 мың тонна дәстүрлі отынның орнына жүретін болады.
Қазақстанда қуаты 60 МВт-ны құрайтын жаңа жел электр станциясы (ЖЭС) пайдалануға берілді. Жобаны «Самұрық-Энерго» АҚ қазақстандық электр энергетикалық холдингі «Power China» қытай корпорациясымен серіктестікте іске асырды.
Жобаның жалпы құны - 37,4 млрд теңге. Жаңа станция әрбір номинал қуаты 2,5 МВт болатын 24 жел энергетикалық қондырғысынан тұрады. Бұдан бөлек, оған қосалқы станция, соған сәйкес инфрақұрылым салынып, сондай-ақ әуе электр жеткізу желілері тартылды. Станция әлемдік жел турбиналарын өндіруші жетекші компаниялардың бірі – «GoldWind» компаниясының жабдығын пайдалана отырып салынды.
Жаңа ЖЭС жылына 225,7 млн. кВтс электр энергиясын өндіретін болады. Өндірістік сипаттамаларынан бөлек, жоба өзінің экологиялық құрылымы тұрғысынан өңір үшін маңызды. Электр станциясын салу және оны іске қосу парниктік газдар шығарындыларын 206 мың тоннаға дейін азайтуға мүмкіндік береді, сондай-ақ жылына шамамен 89 мың тонна дәстүрлі отынның орнына жүретін болады.
Қуаты 60 МВт құрайтын жаңа жел электр станциясы (ЖЭС) Алматы облысы Еңбекшіқазақ ауданы Шелек дәлізінде салынып, пайдалануға берілді.
Жаңа станция әрбір номинал қуаты 2,5 МВт болатын 24 жел энергетикалық қондырғысынан тұрады. Бұдан бөлек, оған қосалқы станция, соған сәйкес инфрақұрылым салынып, сондай-ақ әуе электр жеткізу желілері тартылды. Станцияның құрылысына әлемдік жел турбиналарын өндіруші жетекші компаниялардың бірі – «GoldWind» компаниясының жабдығы пайдаланылған.
Жаңа ЖЭС жылына 225,7 млн. кВтс электр энергиясын өндіретін болады. Өндірістік сипаттамаларынан бөлек, жоба өзінің экологиялық құрылымы тұрғысынан өңір үшін маңызды. Электр станциясын салу және оны іске қосу парниктік газдар шығарындыларын 206 мың тоннаға дейін азайтуға мүмкіндік береді, сондай-ақ жылына шамамен 89 мың тонна дәстүрлі отынның орнына жүретін болады.
Жаңа жел электр станциясын іске қосу рәсімі ҚР Энергетика министрі, Алматы облысы әкімі, "Самұрық-Қазына" қорының басшысы, ҚР-дағы ҚХР Бас консулдығы, "Power China" корпорациясы, "Самұрық-Энерго" АҚ, "Энергия Семиречья" ЖШС өкілдерінің қатысуымен өтті. Шараға ҚР Энергетика министрі Болат Ақшолақов пен "Самұрық-Қазына" АҚ Басқарма Төрағасы Алмасадам Сәтқалиев телекөпір арқылы on-line форматында қосылды.
ЖЭС-ті іске қосуға арналған іс-шара аясында «Самұрық-Қазына» АҚ мен Power Construction Corporation of China Ltd арасында Ынтымақтастық туралы меморандумға қол қойылды. Құжат станцияны кеңейту және оның қуатын 300 МВт-қа дейін арттыру арқылы жобаның екінші кезеңін іске асыруды көздейді.
Жаңа энергетикалық нысанды салу кезінде 300 адам жұмыспен қамтылды. Станцияны одан әрі пайдалану үшін 14 маман даярланып, жұмысқа орналастырылды.
Самұрық-Энерго сарапшыларының айтуынша, Алматы қаласы мен Алматы облысында бүгінгі күні жұмыс істеп тұрған энергетикалық қуаттар - Алматы ЖЭО, Қапшағай және Алматы ГЭС Каскады, Жамбыл ГРЭС, сондай - ақ Есік, Мойнақ, Қаратал, Талдықорған ГЭС-теріне қарамастан, бұл өңірде энергия тапшылығы бар әрі өзінің отын ресурстары жеткілікті деңгейде емес. Өндіруші қуаттардың жетіспеушілігінен облыстың электр энергиясына деген мұқтаждығын облыстың энергия көздері тек 50%-ға өтейді. Тапшылық сыртқы энергия өндірушілер (республиканың солтүстік облыстарынан, Жамбыл ГРЭС-і және Қырғызстаннан) есебінен жабылады.
«Самұрық-Энерго» АҚ Басқарма төрағасының міндетін атқарушы Серік Түйтебаевтың айтуынша, Компания жаңартылатын энергетиканы дамытуға ерекше көңіл бөледі. Энергетикалық холдингте бүгінде 5 ЖЭК нысаны жұмыс істейді – күн, жел электр станциялары, шағын СЭС-тер. Осы ЖЭК нысандарының электр энергиясын өндіруі 2022 жылғы қаңтар-шілдеде 206,6 млн.кВтс құрады, бұл 2021 жылғы ұқсас кезеңмен салыстырғанда 8,9% - ға жоғары.
«Алматы облысында «жасыл» электр энергиясын өндіру үшін көптеген табиғи мүмкіндіктер бар. Күн мен желдің әлеуетінен басқа, Самұрық-Энерго гидроэнергетиканы дамытуға ерекше көңіл бөледі, бұған Мойнақ ГЭС-ін салу және Шардара ГЭС-ін жаңғырту жөніндегі аяқталған жобалар дәлел бола алады. Компанияның портфелінде жаңа су электр станцияларын салу бойынша бірқатар жобалар бар. Атап айтқанда, Іле өзенінде Қапшағай ГЭС-інің апта сайынғы біркелкі емес тәуліктік су жіберулерін теңестіруге және станцияны барлық қолда бар қуатты пайдалана отырып, ең жоғары жүктемелерді жабу режиміне ауыстыруға мүмкіндік беретін қуаты 40 МВт Кербұлақ СЭС-ін контрреттегішін салу.
Сондай-ақ, Компания Алматы облысының тапшы энергия жүйесіне жеткізу үшін электр энергиясының көзін құру мақсатында Шелек өзенінде ГЭС-29-ды салу бойынша жобалау алдындағы жұмыстарды жүргізуде. Ұзақ мерзімді перспективада Алматы облысындағы АлЭС ГЭС каскадын қайта құру және жаңғырту жөніндегі жобаны іске асыру жоспарланып отыр. Жоба қайта құрылатын ГЭС-1 және ГЭС-2 - де электр энергиясын өндіруді арттыру арқылы Үлкен Алматы өзенінің гидротехникалық ресурстарын тиімді пайдалануға мүмкіндік береді»,-деп атап өтті «Самұрық-Энерго» АҚ басшысы.
ҚР Энергетика министрлігінің деректері бойынша, Қазақстанда 2022 жылғы шілдедегі жағдай бойынша барлығы 142 ЖЭК нысан жұмыс істейді. Жыл басынан бері Қазақстанда жалпы қуаты 322 МВт болатын 8 нысан пайдалануға берілді. 2022 жылдың соңына дейін жалпы қуаты 153 МВт болатын 13 нысанды іске қосу жоспарлануда.
