Fitch Ratings агенттігі Самұрық-Энергоның шетелдік және отандық валютадағы ұзақ мерзімді кредиттік рейтингін «BB» деңгейінде растады, сондай-ақ Самұрық-Энергоның кредитті өз бетінше төлеу қабілетін «B» -ден «B+» -ке дейін және қамтамасыз етілмеген кредиттер бойынша рейтингін  «BB-» -тен «BB» -ге дейін жоғарылатты. Болжам «Тұрақты».

Қаржыны анағұрлым тиімді пайдалана отырып, кредиттік көрсеткіштерді жақсартудың және Компанияның валюталық тәуекелдерін азайтудың арқасында кредитті өз бетінше төлеу қабілеті артты.

Мойнақ СЭС-інің АҚШ долларындағы несиесін Компанияның холдинг деңгейінде жергілікті валютада қайта қаржыландырып, АҚШ долларындағы несиені жергілікті валютаға конвертациялағаннан кейін, валюта бағамының құбылмалылығына ұшырау анағұрлым қысқарды. Бұл рейтингтердің расталуына ықпал етті. 2016 жылғы 60%-пен салыстырғанда, 2019 жылдың соңына қарай шетел валютасындағы қарыз небәрі 2%-ті құрады. Сол арқылы, Агенттіктің атап өтуінше, Компаниялар тобы қаржылық икемділігін және валюталық қатерлерге төтеп беру қабілеттілігін арттырды.

Расталған рейтингке қоса, Шардара СЭС-інің, Мойнақ СЭС-інің және Алматы электр станциясының жаңа энергия блоктары үшін Компаниялар тобының 2024-2028 жылдарға қуатқа жекелеген тарифтер алуы туралы Агенттіктің пікірі де берілген.

Агенттік, тұтас алғанда Компанияның табысы өсуімен қатар, қарызының едәуір азайғанын және соның арқасында қаржылық көрсеткіштерінің жақсарғанын атап өтті. Одан тыс, Компанияның кредиттік портфелінің құрамында халықаралық қаржылық институттардың үлесі 30%-тен 42%-ке ұлғайғаны атап өтілді, бұл қарыздар портфелінің сапасы жоғары екенін білдіреді және Компаниялар тобының қаржылық көрсеткіштерін бағалауға айтарлықтай әсер етеді. Компания бұл орайда халықаралық кредиторлармен әрі қарай тығыз ынтымақтасуды жоспарлап отыр.

Компания 100 процент мемлекет меншігіне қарасты. Елімізде 2019 жылы генерацияланған электр энергиясының шамамен 30%-і және жалпы өндірілген көмірдің шамамен 40%-і Самұрық-Энергоның үлесінде. Самұрық-Энерго дефолтқа ұшырай қалса, оның әлеуметтік-экономикалық салдарын Агенттік орташа деп бағалап, аналық компания өз міндеттемелерін орындай алмаған жағдайда, еншілес құрылымдардың операциялық қызметінің басым бөлігі жалғаса береді деп пікір білдірді.

Сонымен бірге, Самұрық-Энерго жеткілікті деңгейдегі өтімділікке және өзінің қысқа мерзімді міндеттемелерін толық өтеу үшін қаражатқа ие, деп атап өтті Агенттік.

Анықтама:

«Самұрық-Энерго» АҚ – Қазақстандағы аса ірі электр энергетикалық холдинг, акцияларының 100%-ы «Самұрық-Қазына» ҰӘҚ» АҚ-ға тиесілі.  2007 жылы құрылған. Жұмысының негізгі бағыттары: электр және жылу энергиясын өндіру; электр энергиясын жеткізу, бөліп-тарату және сату; энергетикалық көмір өндіру. Холдингтің құрамына энергия және көмір өндіру кәсіпорындары, соның ішінде: «Екібастұз ГРЭС-1» ЖШС, «Екібастұз ГРЭС-2 станциясы» АҚ, «Богатырь Көмір» ЖШС, «Алматы электр станциялары» АҚ, «О.Д. Қантаев атындағы Мойнақ су электрстанциясы» АҚ, «Шардара СЭС» АҚ және т.б. кіреді.   

____________________________________________________________

«Самұрық-Энерго» АҚ Үкіметпен байланыс және коммуникациялар офисі 

Тел: (7172) 55-30-62; Бұл электронды пошта мекен-жайы спам-боттардан қорғалған, оны қарау үшін Сізде Javascript қосылған. 

Біріктірілген жоспарлау жүйесі шығындардың негізгі ауыспалы баптарын оңтайландыру арқылы энергохолдинг кәсіпорындарын дамытудың тиімді сценарийін әзірлеуге мүмкіндік береді.

Цифрлық трансформация бағдарламасын іске асыру барысында "Самұрық-Энерго" АҚ "Біріктірілген жоспарлау жүйесі"  (БЖЖ) жобасын табысты енгізді. Ол шығындардың негізгі ауыспалы баптарын оңтайландыру арқылы электр станцияларын дамытудың тиімді сценарийлерін әзірлеуге мүмкіндік береді.

Жоба периметріне бірінші кезеңде холдингтің екі еншілес ұйымы кірді: "Екібастұз ГРЭС-1" ЖШС және "Мойнақ СЭС"АҚ. Қоғам басшылығы жаңа жобаны әзірлеу және енгізу жөніндегі команда мүшелерін қол жеткізген алғашқы нәтижелерімен құттықтады. "Самұрық-Энерго" АҚ-ның Бизнесті трансформациялау жөніндегі басқарушы директоры Еділ Көпенов қызметкерлердің - электр станцияларының жұмыс топтары мен Корпоративтік орталықтың 9 құрылымдық бөлімше мамандарының жобаны дамытуға қосқан үлесін атап өтті.

"Самұрық-Энерго" АҚ-ның БЖЖ жобасы 2017 жылдан бастап бизнесті трансформациялау бағдарламасы аясында іске асырылуда. 3 жыл бойы демеуші рөлін Өндіріс және активтерді басқару жөніндегі басқарушы директор Серік Түйтебаев атқарып келді.

"Барлық әріптестерімді жобаның алғашқы толқынының сәтті аяқталуымен құттықтаймын. Менің өзіме БЖЖ-ның табысты болатындығы айқын еді, өйткені бұл жүйе компания қызметін сценарийлік жоспарлауды айтарлықтай жеңілдетпек, ал әзірленетін графикалық модельдер қателіктерді мейлінше азайта отырып, іс-әрекеттердің ең тиімді деген жолдарын көрсететін болады. Осының барлығы Компания шығындарын айтарлықтай оңтайландыруға, сонымен қатар қосымша пайда алуға мүмкіндік береді", - деп атап өтті Серік Түйтебаев

Жобаны енгізу барысында жүйеге түзету енгізіліп, қаржылық көрсеткіштердің бір бөлігі алынып тасталды. Мамандардың айтуынша, БЖЖ - компания үшін тиімді жұмыс құралы. 2019 жылы бекітілген жылдық жоспарда - 977 млн. теңге мөлшерінде көрсетілген қаржылық пайда 1 365 млн теңгені құрады. Бұл көрсеткіш станция энергия блоктарының БЖЖ-да есептелген оңтайлы режиміндегі жұмысы нәтижесінде мүмкін болды.

Кеңесте "Біріктірілген жоспарлау жүйесі" жобасының жетекшісі Руслан Құсайынов жобаның екінші толқыны Екібастұз ГРЭС-2-де басталғанын атап өтті. Станциядағы жаңа құралдың көмегімен 2024 жылға дейін  шамамен 1 млрд теңге көлеміндегі шығынды оңтайландыру жоспарланып отыр.

"Самұрық-Қазына" АҚ Цифрлық трансформация офисінің Жобалар портфелін басқару жөніндегі директоры Индира Қыйлыбаева  БЖЖ енгізілген Қордың барлық портфелдік компанияларының арасында "Самұрық-Энерго" АҚ жоғары қаржылық пайданы көрсетіп отырғанын атап өтті. 

Жаңа құралды сәтті енгізгені үшін Жоба демеушісі мен командасы, электр станцияларының және Корпоративтік орталықтың қызметкерлері грамоталармен марапатталды.

Елімізде төтенше жағдайды енгізу Республиканың жылу-электр станцияларындағы  жылумен қамтамасыз ету науқанының аяқталуымен және жөндеу жұмыстарының басталуымен тұспа-тұс келді. Энергетиктердің жоғары кәсіби шеберлігі, қажыр-қайраты мен өзара көмекке қабілеті арқасында қалалар мен  елді мекендердегі халықтың тіршілігін қамтамасыз етудің стратегиялық  нысандарында апатты жағдайлар мен тоқтап қалудың бірден-бір оқиғасына жол берілмеді. Бүгінгі фильм осы жылғы көктемнің елеусіз батырлары – энергетиктерге арналады.

«Самұрық-Энерго» АҚ – Қазақстандағы аса ірі электр энергетикалық холдинг, акцияларының 100%-ы «Самұрық-Қазына» ҰӘҚ» АҚ-ға тиесілі.  2007 жылы құрылған. Жұмысының негізгі бағыттары: электр және жылу энергиясын өндіру; электр энергиясын жеткізу, бөліп-тарату және сату; энергетикалық көмір өндіру. Холдингтің құрамына энергия және көмір өндіру кәсіпорындары, соның ішінде: «Екібастұз ГРЭС-1» ЖШС, «Екібастұз ГРЭС-2 станциясы» АҚ, «Богатырь Көмір» ЖШС, «Алматы электр станциялары» АҚ, «О.Д. Қантаев атындағы Мойнақ су электрстанциясы» АҚ, «Шардара СЭС» АҚ және т.б. кіреді.   

_____________________________________________________________

«Самұрық-Энерго» АҚ Үкіметпен байланыс және коммуникациялар офисі 

Тел: (7172) 55-30-62; Бұл электронды пошта мекен-жайы спам-боттардан қорғалған, оны қарау үшін Сізде Javascript қосылған. 

ҚР Премьер-Министрі Асқар Маминнің төрағалығымен өткен Экономиканы жаңғырту жөніндегі мемлекеттік комиссияның отырысында «Самұрық-Қазына» ҰӘҚ» АҚ активтерін жекешелендіру мәселелері қаралды.

Жекешелендірудің 2016-2020 жылдарға арналған кешенді жоспарына «Самұрық-Қазына» ҰӘҚ» АҚ-ның 167 активі енгізілген, олардың ішінде қазіргі уақытта 138 актив бойынша тармақтар орындалды. 21 компанияда өткізу және тарату/қайта ұйымдастыру жұмыстары жүргізіліп жатыр.

Халықаралық капитал нарықтарындағы жоғары құбылмалылыққа, энергия тасығыштарға бағалардың төмендеуіне және әлемдік экономиканың өсу қарқынының бәсеңдеуіне байланысты «ҚазМұнайГаз», «Air Astana», «Тау-Кен Самұрық», «Qazaq Air», «Самұрық-Энерго», «Қазақстан темір жолы» және т. б. бірқатар стратегиялық активтерді бәсекелі ортаға беру мерзімін 2021-2023 жылдарға ауыстыру туралы шешім қабылданды.

Мақаланың түпнұсқасы: Pm.kz

«Самұрық-Энерго» АҚ 2020 жылы өзінің шығыстарын 18,5 млрд. теңгеге қысқартады.  Бұл жерде сөз ағымдағы шығыстарды да, күрделі сипаттағы шығыстарды да оңтайландыру туралы болып отыр. Қысқарту жөніндегі іc-шаралар «Самұрық-Қазына» ҰӘҚ» АҚ-ның Басқарма Төрағасы Ахметжан Есімовтің «Самұрық-Қазына» АҚ-ның жедел штабы отырысында берген тапсырмаларын орындау аясында іске асырылуда.

Ағымдағы жылғы наурызда Қордың топ-менеджменті мен портфельдік компаниялардың басшылары қалыптасқан  күрделі халықаралық жағдайды ескере отырып, іске асырылған және болуы ықтимал тәуекелдерді назарға алу механизмдерін талқылағаны белгілі. Отырыс қорытындысы бойынша «Самұрық-Қазынаның» құрамына кіретін компаниялардың алдына кең ауқымды міндеттер қойылып, нақты тапсырмалар берілген болатын, солардың қатарында – өздерінің өндірістік қызметіне тікелей әсер етпейтін шығыстарды қысқарту.

Операциялық шығыстармен қатар, компания күрделі сипаттағы шығыстарын да қайта қарады, бұлар бойынша оңтайландыру 15,8 млрд. теңгені, немесе жалпы инвестициялық шығыстардың 13%-ін құрайды.  Мыналар оңтайландырылды:

- Инвестициялық жобалар, сомасы 9,3 млрд. теңге;

- Өндірістік активтерді жұмыс бабында ұстауға кететін шығыстар – 2,3 млрд. теңге, әкімшілік активтерді ұстауға кететін шығыстар – 36 млн. теңге;

- Өзге де күрделі шығыстар 4,2 млрд. теңге мөлшерінде.

Бүгінгі күні Корпоративтік орталықтың 30% қызметкерлері қашықтан жұмыс істеуге көшірілген.

Тұтас алғанда, «Самұрық-Энерго» АҚ-ның электр энергетикасы және көмір өндіру салаларындағы жұмысы қазіргі кезде штаттық режимде іске асырылуда.

«Самұрық-Энерго» АҚ – Қазақстандағы аса ірі электр энергетикалық холдинг, акцияларының 100%-ы «Самұрық-Қазына» ҰӘҚ» АҚ-ға тиесілі.  2007 жылы құрылған. Жұмысының негізгі бағыттары: электр және жылу энергиясын өндіру; электр энергиясын жеткізу, бөліп-тарату және сату; энергетикалық көмір өндіру. Холдингтің құрамына энергия және көмір өндіру кәсіпорындары, соның ішінде: «Екібастұз ГРЭС-1» ЖШС, «Екібастұз ГРЭС-2 станциясы» АҚ, «Богатырь Көмір» ЖШС, «Алматы электр станциялары» АҚ, «О.Д. Қантаев атындағы Мойнақ су электрстанциясы» АҚ, «Шардара СЭС» АҚ және т.б. кіреді.   

_____________________________________________________________

«Самұрық-Энерго» АҚ Үкіметпен байланыс және коммуникациялар офисі 

Тел: (7172) 55-30-62; Бұл электронды пошта мекен-жайы спам-боттардан қорғалған, оны қарау үшін Сізде Javascript қосылған. 

Previous Next

 «Самұрық-Энерго» АҚ өндірістегі жазатайым оқиғаларды азайтуға тырысады. Компанияның «Өндірістік қауіпсіздікті басқарудың жаңа моделін ендіру» цифрлық трансформациялау бағдарламасының жобасы кәсіпорындарда еңбек қауіпсіздігін жақсартуға бағытталған. «АлЭС» АҚ, «Алатау Жарық Компаниясы» АҚ және «Samruk Green Energy» ЖШС-да болатын өзгерістер туралы жоба демеушісі – «Самұрық-Энерго» АҚ Басқарма төрағасы Бақытжан Жоламанов хабарлады.

          Қоғамның еншілес және тәуелді ұйымдарының басшыларымен өткен бейнеконференция барысында Бақытжан Жоламанов өндірісте еңбек қауіпсіздігі мәдениетін арттыру бойынша алда тұрған іс-шаралар туралы хабарлады.

          «Жоба еңбек қауіпсіздігі мәдениетін арттыруға, жарақат алуды азайтуға және жалпы алғанда, өндірісте қызметкерлердің өмірі мен денсаулығын сақтауға бағытталған. Ол қызметкерлердің сана-сезімінің деңгейін арттыруға және ескірген тәсілдерді өзгертуге көмектесетін жаңа стандарттарды, практикалық құралдарды енгізуді қамтиды», - деп атап өтті демеуші.

«Самұрық-Энерго» АҚ-ның ірі еншілес компаниялары мен 6 мыңнан астам жұмысшыларын қамтитын жоба көлемінің ауқымдылығын ескере отырып, Бақытжан Жоламанов Бизнесті трансформациялау жөніндегі басқарушы директор Еділ Көпеновті жобаның тең демеушісі етіп тағайындады. Оған инновацияларды ендіру процесін басқару үшін барлық өкілеттіктер берілген.

Электр станциялары басшыларының алдында сөйлеген сөзінде, тең демеуші топ-менеджердің жеке басының мысалы мен еңбек қауіпсіздігі мәселелеріндегі өзінің жеке жауапкершілігі кәсіпорындарда жобаны сәтті жүзеге асыруға ықпал ете алатынын атап өтті.

«Өндірістік қауіпсіздікті басқарудың жаңа моделін енгізу» жобасының басшысы Төлеген Максилов қауіпсіздік мәселелеріне көп көңіл бөлінетін кәсіпорындардың бірінен мынадай мысал келтірді: «Бұл кәсіпорында кіріспе нұсқаманы бірінші басшы өткізді. Алдын ала бейнежазба түсіріліп, ол келушілерге, қызметкерлерге және т.б. көрсетілді. Осы фактінің өзі оның еңбекті қорғау жүйесіне көзқарасының қаншалықты маңызды екенін көрсетеді. Осыған қарап, оның қол астындағы адамдар да ережені бұзбауға тырысады».

«Самұрық-Энерго» АҚ Өндіріс және активтерді басқару жөніндегі басқарушы директоры Серік Түйтебаев жекелеген процестердің қауіпсіздік және еңбекті қорғау жүйесіне тигізетін әсерін атап өтті.

        «Конкурс рәсімдерін уақытылы өткізу және тиісті қаржы бөлу үшін еңбек қауіпсіздігі және оны қорғау мәселелеріне бюджетті жоспарлауға, тауарлар мен қызметтерді сатып алуды ұйымдастыруға және тендерлер өткізуге жауапты адамдарды тарту қажет», - деді Серік Түйтебаев.

Бейнеконференция барысында бюджеттеуді уақытылы жасамау немесе арнайы киімдерді уақытылы сатып алмау сияқты қатерлердің болуы өндірісте жазатайым оқиғалардың орын алуына себеп болуы мүмкін екендігі айтылды.

Кездесу соңында Бақытжан Жоламанов еншілес және тәуелді ұйымдардың басшыларына жобаны өз жауапкершілігіне алып, жоба тобына жан-жақты қолдау көрсетуді тапсырды.

Тең демеуші Еділ Көпенов Хаттамада жоба тобын жұмылдыру, қажетті құжаттарды дайындау және Жобаны бастау туралы бұйрық мерзімдерін белгілеуді ұсынды.

«АлЭС» АҚ, «Алатау Жарық Компаниясы» АҚ және «Samruk Green Energy» ЖШС кәсіпорындарында «Өндірістік қауіпсіздікті басқарудың жаңа моделін ендіру» жобасын іске қосу ағымдағы жылдың 15 маусымына дейін жоспарланып отыр.

Коронавирус індеті қазақстандық энергетиктердің кәсіби шеберлігін және қолда бар жабдықтың тозығы жеткеніне қарамастан, саланың жоғары ұйымшылдық мүмкіндігін көрсетті.

ТЖ режимі кезінде "Самұрық-Энерго" АҚ-ның Екібастұз энергия кешеніндегі кәсіпорындарда КВИ-дің 11 расталған жағдайы тіркелді. Бүгінгі таңда 2 жұмыскер сауығып шықты, 272 адам үй жағдайындағы карантинде. Бұл жерде сөз "Богатырь Көмір" ЖШС, "Б.Нұржанов атындағы Екібастұз ГРЭС-1" ЖШС және "Екібастұз ГРЭС-2 станциясы" АҚ туралы болып отыр.

Бүгінгі таңда электр энергетикалық холдинг - "Самұрық-Энерго" АҚ-ның өндіруші, жіберуші және бөліп-таратушы компаниялары штаттық режимде жұмыс істеп, тұтынушыларға электр энергиясын жеткізіп беру және көмір жөнелту жөніндегі өздерінің міндеттемелерін толығымен орындауда. Төтенше жағдай режимі кезінде, 2020 жылғы наурыз - 11 мамыр аралығында "Самұрық-Энерго" АҚ- ның электр станциялары өндірген электр энергиясының көлемі 4 984 109 мың кВтсағатты, сол кезеңде сатылған көмірдің көлемі 9 462 590 тоннаны құрады. ГРЭС-1, ГРЭС-2 және АлЭС тұтынушыларға 1 млн. Гкал. астам көлемде жылу жіберілуін қамтамасыз етті.

Аяқталған төтенше жағдай режимі кезінде де, бүгіндері жалғасып жатқан карантин жағдайында да энергетикалық кәсіпорындарда коронавирус инфекциясы тарқалуына жол бермеу үшін мүмкін болған шаралардың бәрі қолға алынды. Бұл орайда энергетиктер тұтынушыларды электр энергиясымен, жылумен және жылы сумен қамтамасыз ету жөніндегі өздерінің міндетін толығымен орындау үшін станциялардың штаттық режимде жұмыс істеуін қамтамасыз етті. Енді энергетиктер карантиннен абыроймен өтті деп айтуға болады.

Көмір өндіруші аса ірі кәсіпорын "Богатырь Көмірде" 6500-ден астам адам жұмыс істейді. ТЖ режимі кезінде 251 жұмыскер үй жағдайындағы карантинде болды. Кеншілердің тиянақты жұмыс істеуі арқасында көмірдің өндірілуі мен жөнелтілуі штаттық режимде өтті. Үйде орындай алатын қызметкерлер қашықтан жұмыс істеуге жіберілді. Жұмыс орнына қауіпсіз жеткізу үшін қосымша 16 автобус жұмылдырылды.

Екібастұз ГРЭС-2-де жұмыс процесінің үзілмеүін қамтамасыз ету мақсатында, қатерлі топқа жататын жұмыскерлердің 12,4%- ін үйде оқшаулау үшін оларға демалыс күндері берілді; персонал жетіспегендіктен және уақытша ауыстыратын адам болмағандықтан, станцияның ауысым бастықтары, сондай-ақ электр цехы мен химия цехы жұмыскерлерінің бір бөлігі үш ауысымды жұмысқа (демалыссыз) көшірілді; персонал үнемі қызмет көрсетуге тиіс осал учаскелер мен жабдықтар айқындалды; жедел жөндеуді жоспарлау жиналыстары қашықтық режиміне көшірілді.

Екібастұз ГРЭС-1-де жұмыскерлердің өмірі мен денсаулығын қорғау бағытындағы іс-шаралар әзірленіп, жүзеге асырылуда, "Санитарлық-эпидемияға қарсы кешенді іс-шаралар жоспары" қолданысқа енгізілді. Бүгіндері 90 жұмыскер карантинде жүр. Персоналдың жетіспеушілігі станция жұмысының қуаттылығы мен жұмыс кестесіне әсер етпеді. Бұл жағдай

технологиялық процеске де әсерін тигізген жоқ. Өндіру көлемі "КЕГОК" АҚ ЖО ҰДО-ның кестелеріне сай қамтамасыз етілуде.

"Самұрық-Энерго" АҚ-ның өндіруші компаниясы - "Алматы электр станциялары" АҚ-да (АлЭС) жұмыскерлердің бір бөлігі қаланың сыртында тұрады. Олардың біразы бір күннің ішінде қашықтан жұмыс істеу режиміне көшірілді. Тікелей өндіріспен байланысты және жөндеу жұмыстарымен айналысатын, бірақ қаланың сыртында тұратын жұмыскерлер қалада орналастырылды. Компания олардың үй жалдау шығыстарын өтеді. Карантин мерзімінде, жұмыскерлердің өтініші бойынша, компанияның кәсіподағы барлығы болып 200-ден астам жалға берушімен шарт жасасып, қаржы аударды.

 «Самұрық-Энерго» АҚ – Қазақстандағы аса ірі электр энергетикалық холдинг, акцияларының 100%-ы «Самұрық-Қазына» ҰӘҚ» АҚ-ға тиесілі.  2007 жылы құрылған. Жұмысының негізгі бағыттары: электр және жылу энергиясын өндіру; электр энергиясын жеткізу, бөліп-тарату және сату; энергетикалық көмір өндіру. Холдингтің құрамына энергия және көмір өндіру кәсіпорындары, соның ішінде: «Екібастұз ГРЭС-1» ЖШС, «Екібастұз ГРЭС-2 станциясы» АҚ, «Богатырь Көмір» ЖШС, «Алматы электр станциялары» АҚ, «О.Д. Қантаев атындағы Мойнақ су электрстанциясы» АҚ, «Шардара СЭС» АҚ және т.б. кіреді.   

______________________________________________________________

«Самұрық-Энерго» АҚ Үкіметпен байланыс және коммуникациялар офисі 

Тел: (7172) 55-30-62; Бұл электронды пошта мекен-жайы спам-боттардан қорғалған, оны қарау үшін Сізде Javascript қосылған. 

«Болат Нұржанов атындағы Екібастұз ГРЭС-1» ЖШС 5,7 млрд кВтсағ. электр энергиясын өндіріп, 2020 жылғы 1-тоқсанды аяқтады. Бұл орайда, ақпан айында еліміздің аса ірі жылу электр станциясындағы 7 энергия блогінің жұмысы үшін рекордтық жүктеме – 3481 МВт тіркелді. Мұндай көрсеткіш соңғы рет 1986 жылғы ақпанда байқалған болатын. Ең жоғарғы нүкте ол кезде 3095 МВт-қа жетті, алайда 8 энергия блогі жұмыс істеп тұрған еді. «Болат Нұржанов атындағы Екібастұз ГРЭС-1» ЖШС 5,7 млрд кВтсағ. электр энергиясын өндіріп, 2020 жылғы 1-тоқсанды аяқтады.

Бұл орайда, ақпан айында еліміздің аса ірі жылу электр станциясындағы 7 энергия блогінің жұмысы үшін рекордтық жүктеме – 3481 МВт тіркелді. Мұндай көрсеткіш соңғы рет 1986 жылғы ақпанда байқалған болатын. Ең жоғарғы нүкте ол кезде 3095 МВт-қа жетті, алайда 8 энергия блогі жұмыс істеп тұрған еді. ЕГРЭС-1 өндірген электр энергиясының Қазақстан нарығындағы үлесі 19,4%-ті құрады. 2019 жылғы 1-тоқсанмен салыстырғанда электр энергиясының үлесі 5,1%-ке артты. 

Электр энергиясын Қазақстан нарығына сату 2019 жылғы 1-тоқсанмен салыстырғанда 31,3%-ке артып, 5,5 млрд кВтсағатты құрады. Өзбекстан Республикасының нарығына 455 млн кВтсағат электр энергиясы сатылды.
Қазақстандағы аса ірі электр энергетикалық холдинг «Самұрық-Энерго» АҚ-ның құрылымындағы Екібастұз ГРЭС-1 республика энергетикасының көшбасшысы болып табылады. Мәселен, өткен жылдың өзінде ғана электр станциясы 18,3 млрд кВтсағ.электр энергиясын өндірді, бұл еліміз бойынша өндірілген электр энергиясының жалпы үлесінің 17,3%-ін құрайды. 

Орташа блоктік жүктемесі 455 мегаватты құрайтын жеті энергия блогі жұмыс істеп тұрған кезде, станция күзгі-қысқы маусымға толық дайын екенін көрсетті. Өзінің тұтынушыларын электрмен үзіліссіз қамтамасыз ету мақсатында станцияда кешенді іс-шаралар атқарылды. Атап айтқанда, 2019 жылы 3 энергия блогында ағымдағы және кеңейтілген жөндеу жұмыстары, ал екі энергия блогында (№3 және №5) күрделі жөндеу жұмыстары жүргізілді. Бүгінде бірінші энергия блогын қалпына келтіру жұмыстары жүргізілуде, басқа блоктар секілді ол да жаңа үлгідегі, тиімділігі жоғары, күл ұстап қалу деңгейі 99,6 процент болатын электрсүзгілермен жабдықталады. 

Кәсіпорынның жұмыс қуаттылығын арттыру Қазақстан Республикасы үшін қажет, өйткені ол елімізде электр энергиясының тапшылығы туындау қаупін төмендетеді және ҚР ұлттық экономикасының өсуіне септігін тигізеді. Естеріңізге сала кетейік, осы жылдың сәуірінде Екібастұз ГРЭС-1 өзінің мерейтойын атап өтті. Станцияға 40 жыл толды. Бүгінгі таңда станция 1400-ден астам адамды жұмыспен қамтамасыз етіп отыр.

Өндіріс қуаттылығын арттырумен қатар, ЕГРЭС-1 Екібастұз қаласының әлеуметтік жобаларына демеушілік көмек көрсетіп, қоғамдық қайырымдылық қорларына, мәдени-бұқаралық іс-шараларға қолдау білдіріп, өңірдің әлеуметтік тыныс-тіршілігіне белсене қатысады.  «Болат Нұржанов атындағы Екібастұз ГРЭС-1» ЖШС – белгіленген қуаттылығы 4000 МВт және қолдағы бар қуаттылығы 3500 Мвт болатын, электр энергиясын өндірумен және таратумен айналысатын, конденсациялық типтегі жылу электр станциясы. ЕГРЭС-1 станциясының жалғз акционері – «Самұрық-Энерго» АҚ. Станцияда өндірілген электр энергиясының басым бөлігі Қазақстанның энергетика нарығында таратылады. «Самұрық-Энерго» АҚ – Қазақстандағы аса ірі электр энергетикалық холдинг, акцияларының 100%-ы «Самұрық-Қазына» ҰӘҚ» АҚ-ға тиесілі.  2007 жылы құрылған.

Жұмысының негізгі бағыттары: электр және жылу энергиясын өндіру; электр энергиясын жеткізу, бөліп-тарату және сату; энергетикалық көмір өндіру. Холдингтің құрамына энергия және көмір өндіру кәсіпорындары, соның ішінде: «Екібастұз ГРЭС-1» ЖШС, «Екібастұз ГРЭС-2 станциясы» АҚ, «Богатырь Көмір» ЖШС, «Алматы электр станциялары» АҚ, «О.Д. Қантаев атындағы Мойнақ су электрстанциясы» АҚ, «Шардара СЭС» АҚ және т.б. кіреді.   

______________________________________________________________

«Самұрық-Энерго» АҚ Үкіметпен байланыс және коммуникациялар офисі  

Тел: (7172) 55-30-62; Бұл электронды пошта мекен-жайы спам-боттардан қорғалған, оны қарау үшін Сізде Javascript қосылған.

Бүгін, 28 сәуірде – Дүниежүзілік еңбек қорғау күні, Халықаралық еңбек ұйымының (ХЕҰ) бастамасымен 2003 жылдан бері атап өтілетін мереке. Бұл күн сондай-ақ Дүниежүзілік жұмыс орнындағы қауіпсіздік пен денсаулық күні ретінде мәлім. Бүгін, 28 сәуірде – Дүниежүзілік еңбек қорғау күні, Халықаралық еңбек ұйымының (ХЕҰ) бастамасымен 2003 жылдан бері атап өтілетін мереке. Бұл күн сондай-ақ Дүниежүзілік жұмыс орнындағы қауіпсіздік пен денсаулық күні ретінде мәлім. 

«Самұрық-Энерго» АҚ еңбек қауіпсіздігі мен еңбекті қорғау жүйесін жетілдіру жолында үнемі жұмыс жүргізуде. Әрбір жұмыскер үшін қауіпсіз еңбек жағдайын қамтамасыз ету – компанияның және бүкіл электр энергетикалық холдингтің басты мақсаттарының бірі. Өндірістегі қауіпсіздік – бұлжытпай сақтауды талап ететін басты қағидат. Корпоративтік орталық пен еншілес ұйымдардың еңбек қауіпсіздігі және еңбекті қорғау саласындағы мамандары оның сақталуын жіті қадағалап отырады.Бұл бағытта атқарылған жұмыстар да баршылық. Есептілік берудің ашықтығы қағидаттары кезең-кезеңімен іске асырылуда: мәселен, қауіпті факторларды тіркеудің электрондық  журналдары енгізілді, жазатайым оқиғаларды жасыру фактілері анықталған жағдайда жұмыскерлердің жауапкершілігі күшейтілді, орын алған оқиғалар үшін жауапты адамдарды тәртіптік жауапкершілікке тартуға мораторий енгізілді, қауіпті жағдайлардың бәрі дерлік тіркеліп, олар бойынша тергеу жүргізіледі және басқа да іс-шаралар атқарылуда.  LOTО ажырату жүйесі және қауіпсіздікті бақылаудың өзге де жүйелері секілді заманауи жабдықтар сатып алынуда. Жоғарыда аталған іс-шаралардың мақсаты – ауыр салдарға соқтыратын оқиғаларға (апаттарға, көп адамдардың қатысуымен болған және адам өлімімен байланысты жазатайым оқиғаларға) жол бермеу. Еңбек қауіпсіздігі мен еңбекті қорғау саласындағы біліктілікті арттырудың да маңызы артып келеді. Бұл мәселелермен айналысатын бөлімшелердің басшылары қауіпсіздік техникасы бойынша  NEBOSH халықаралық курстарында оқыған, «Самұрық-Энерго» АҚ кәсіпорындарының бірінші басшылары білімдерін үнемі жетілдіріп отырады. 

Бүгінгі таңда компания қауіпсіздікті кешенді басқарудың жаңа моделін енгізуде. Бұл жоба «Самұрық-Қазына» АҚ-ны трансформациялау аясында жүзеге асырылуда және кәсіби тәуекелдерді бағалау негізінде еңбек қорғауды басқару моделіне көшуді көздейді. Жоба бойынша атқарылған жұмыстың нәтижесінде өндірістегі жазатайым оқиғалардың саны 2025 жылға дейінгі кезең ішінде 30%-ке азаймақ және ӨҚЕҚҚО-ны (өндірістік қауіпсіздік, еңбекті қорғау және қоршаған орта) басқару жүйесін жетілдіру арқасында қауіпсіздік мәдениетінің деңгейін 20%-ке артпақ. 

Алайда, қазіргі кезде «Самұрық-Энерго» АҚ-ның  «Еңбекті және қоршаған ортаны қорғау» Департаменті атқарып отырған жұмыстың басты бағыттарының бірі – коронавирус инфекциясының (КВИ) алдын алу және таралуына жол бермеу. Басты мақсат – қазақстандық аса ірі электр энергетикалық холдингтің энергия өндіретін және көмір қазып шығаратын стратегиялық ұйымдарының штаттық режимде жұмыс істеуін және тұтынушыларға электр энергиясы мен энергетикалық көмір жеткізіп беру жөніндегі міндеттемелерін толық орындауын қамтамасыз етуге көмектесу. 

Жұмыскерлер арасында ауру тарқалуын болдырмау мақсатында «Самұрық-Энерго» АҚ-да және оның құрылымындағы электр энергетикалық компанияларда жедел әрекет ету штабтары жасақталып,  КВИ-дің алдын алу және таралуына жол бермеу жөніндегі іс-шаралар жоспары бойынша жұмыс жүргізуде. 

Бұл іс-шаралар аясында станцияларда кешенді жұмыстар атқарылуда, солардың қатарында – персоналды тасуға арналған транспорт құралдарын, сондай-ақ жұмыс орындары мен үй-жайларды санитарлық тазалау, спорттық және мәдени-бұқаралық іс-шаралардың бәріне тыйым салу, жұмыскерлерді  күшейтілген медициналық тексеру, медициналық бетперделер, қашықтан дене қызуын өлшейтін құралдар және т.б. сатып алу. Кәсіпорындардың барлық цехтары мен бөлімшелеріндегі ақпараттық тақтайшаларда коронавирустың алдын-алу туралы ақпарат орналастырылған.

 2020 жылғы 27 сәуірдегі жағдай бойынша компанияның еншілес ұйымдарының жұмыскерлері арасында індет жұқтырудың 5 оқиғасы расталды («Богатырь Көмір» ЖШС мен «ЕГРЭС-2 станциясы» АҚ-та 1 адамнан, «ЕГРЭС-1» ЖШС-да 3 жұмыскер. Науқастану жағдайлары бойынша байланыста болған адамдардың барлығы бүгінде анықталып, КВИ жұқтыру деректері расталған кәсіпорындардың бәрі Екібастұз қаласының санитарлық-эпидемиологиялық станциясымен және қалалық ауруханамен тығыз байланыста жұмыс істеуде,  жұмыс орындары мен персоналды тасуға арналған автобустарда күшейтілген санитарлық тазарту жасалды. Жедел әрекет ету штабтары КВИ-дің алдын алуға және таралуына жол бермеуге қажетті іс-шараларды атқаруда. 

Анықтама: Дүниежүзілік еңбек қорғау күні – жыл сайын 28 сәуірде атап өтілетін мереке. Бұл сондай-ақ жұмыс орнында мерт болған немесе жарақаттанған жұмысшыларды еске алудың халықаралық күні. Дүниежүзілік еңбек қорғау күнін атап өту идеясы алғаш рет америкалық және канадалық жұмысшылар             1989 жылы атап өткен, жұмыс орнында мерт болған жұмыскерлерді еске алу күнінен   бастау алады.

 «Самұрық-Энерго» АҚ – Қазақстандағы аса ірі электр энергетикалық холдинг, акцияларының 100%-ы «Самұрық-Қазына» ҰӘҚ» АҚ-ға тиесілі.  2007 жылы құрылған. Жұмысының негізгі бағыттары: электр және жылу энергиясын өндіру; электр энергиясын жеткізу, бөліп-тарату және сату; энергетикалық көмір өндіру. Холдингтің құрамына энергия және көмір өндіру кәсіпорындары, соның ішінде: «Екібастұз ГРЭС-1» ЖШС, «Екібастұз ГРЭС-2 станциясы» АҚ, «Богатырь Көмір» ЖШС, «Алматы электр станциялары» АҚ, «О.Д. Қантаев атындағы Мойнақ су электрстанциясы» АҚ, «Шардара СЭС» АҚ және т.б. кіреді. 

 _____________________________________________________________

«Самұрық-Энерго» АҚ Үкіметпен байланыс және коммуникациялар офисі  

Тел: (7172) 55-30-62;

Бұл электронды пошта мекен-жайы спам-боттардан қорғалған, оны қарау үшін Сізде Javascript қосылған.