Алдағы Астана Халықаралық Форумы аясында Қазақстанға TotalEnergies компаниясының өкілдері – жобаларды дамыту жөніндегі вице-президенті Делфин Мерль мен TotalEnergies Renouvelables France бас директоры Тьерри Мюллер келді.

Сапар барысында «Самұрық-Энерго» АҚ Басқарма Төрағасы Қайрат Мақсұтов француздық TotalEnergies энергетикалық компаниясы басшылығымен кездесу өткізді. Тараптар қуаты 1 ГВт болатын жел электр станциясын салу жобасын іске асыру мәселелерін талқылады.

Кездесу барысында Жамбыл облысында жүзеге асырылып жатқан «Мирный» жобасының іске асу барысы қаралып, 2025 жылы жоспарланған негізгі іс-шаралардың маңыздылығы атап өтілді. Атап айтқанда, биыл жобалық-сметалық құжаттамасын әзірлеу аяқталып, негізгі жабдықтарды жеткізушілермен және бас мердігермен келісімшарттар жасалмақ. Келіссөздер барысында жабдықты жергіліктендіру, өндірістік кооперация, сондай-ақ тұрақты пайдалану мен техникалық қызмет көрсету тетіктеріне ерекше назар аударылды.

Аталған жоба Қазақстан Республикасының 2060 жылға дейінгі көміртегі бейтараптығына қол жеткізу стратегиясы аясында және 2030 жылға қарай жаңартылатын энергия көздерінің үлесін 15%-ға дейін ұлғайту мақсатында жүзеге асырылуда. Жоба Қазақстан Республикасы мен Француз Республикасы арасындағы Үкіметаралық келісім аясында анықталған басым жобалар тізбесіне енгізілген.

Тараптар жобаны уақытылы әрі сапалы жүзеге асыруға өзара мүдделілік білдіріп, оның орнықты даму мен Қазақстан мен Франция арасындағы стратегиялық энергетикалық әріптестікті нығайтудағы ерекше маңызын атап өтті.

Энергия қуатын – тек электр желілерінен ғана емес, сахнададан да байқауға болады! «Самұрық-Энерго» компаниялар тобының қызметкерлері жарық пен жылу беріп қана қоймай, көтеріңкі көңіл-күй сыйлауға да шебер екенін дәлелдеді.

Әр команда өз өнерін ерекше көңіл-күймен ұсынды – әзіл-қалжың, шағын көріністер, музыкалық номерлер мен нағыз энергетикалық драйв көрермендерге шынайы қуаныш сыйлады. Бұл байқау күлкі мен креативке толы кешке айналып, қатысушылардың тапқырлығын, шығармашылығын және командалық рухын көрсетуге тамаша мүмкіндік болды.

Қазылар алқасы әр команданың сахнадағы шеберлігін, тапқырлығын және ерекше ойлау қабілетін жоғары бағалап, жылы лебіздерін білдірді.

Байқау қорытындысы бойынша бас жүлдені көпшілікті өзінің ерекше әзілдерімен және тартымдылығымен баурап алған Корпоративтік орталықтың «Астана» құрама командасы жеңіп алды. Бірінші орынды АЖК-ның «220» командасы, екінші орынды – «Ең биік мұнара» командасы («Екібастұз 2-МАЭС станциясы» АҚ), үшінші орынды – «Жылу» командасы («АлЭС» АҚ) иеленді. 

«Самұрық-Энерго» АҚ Басқарма төрағасының Кубогы – ерекше шабытпен өнер көрсеткен «14 регион» командасына (ТОО «Богатырь Комир») табысталды.
Ал көрермендердің ыстық ықыласы мен зор қошеметіне бөленіп, «Гидра» командасы (Өскемен және Шүлбі ГЭС құрамасы) Көрермендер көзайымы жүлдесіне ие болды.

Трансформаторлар мен электротехникалық жабдықтар шығаратын зауыт толықтай роботтандырылған және жасанды интеллектті қолдана отырып жұмыс істейді. ТВЕА басшылығы көрме залында өндірілетін өнім түрлерімен таныстырып, Алматы облысында зауыт салу жоспары туралы баяндады.

Сонымен қатар, Қазақстанда инвестициялық жобаларды жүзеге асыру аясындағы ынтымақтастықтың әлеуетті мүмкіндіктерін талқылау бойынша кеңес өтті.

Кездесу қорытындысы бойынша тараптар Астана қаласында техникалық командалардың қатысуымен кеңейтілген кеңес өткізуге келісті. Онда көмір мен аршыма тау жыныстарын тасымалдауға арналған конвейерлік желілерді салу, көмір станцияларына газ тазарту жүйелерін орнату, қосалқы станцияларды жаңғырту, сондай-ақ жасанды интеллектті пайдалану бойынша инвестициялық жобалар талқыланатын болады.

Кездесуде «Самұрық-Энерго» инвестициялық жобалары үшін негізгі және қосалқы жабдықтарды жеткізу бойынша ынтымақтастықты одан әрі дамыту мәселелері қаралды. Қайрат Мақсұтов жабдықты таңдауда жоғары тиімділік, технологиялық жаңашылдық және қоршаған ортаға шығарылатын зиянды заттардың мейлінше аз шығарылуы негізгі критерийлер болып табылатынын атап өтті.

Өз кезегінде Harbin Electric заманауи техникалық шешімдерді ұсынуға дайын екенін білдіріп, бұл шешімдер жұмыс істеп тұрған электр станцияларын жаңғыртуға және олардың экологиялық әсерін азайтуға мүмкіндік беретінін жеткізді.

Кеңес қорытындысы бойынша тараптар аталған бағыттар бойынша жұмысты жалғастыруға және келесі кездесуді Астана қаласында өткізуге келісті.

China Energy Engineering Corporation кеңсесінде «Самрук-Энерго» АҚ Басқарма төрағасы Қайрат Мақсұтов пен China Energy International Group Басқарма төрағасы Люй Цзэсянның кездесуі өтті.

Кездесу барысында күн және жел электр станцияларын салу бойынша бірлескен инвестициялық жобаларды ілгерілету мәселелері талқыланды. Атап айтқанда, тараптар Түркістан облысында қуаты 300 МВт күн электр станциясын салу жұмыстарын биыл бастау және Қарағанды облысында қуаты 500 МВт жел электр станциясын 2026 жылы іске асыру жобаларын жеделдету жөнінде уағдаласты.

Сонымен қатар, 2025 жылдың маусым айында Астана қаласында Мемлекет басшыларының қатысуымен өтетін Қытай – Орталық Азия саммитіне дайындық мәселелері талқыланды. Бұл саммит аясында тараптар жобалық келісімдерге қол қоюды жоспарлап отыр.

Кәсіпорын басшылары сондай-ақ Қазақстан Республикасы аумағында энергетикалық нысандарды салу және жаңғырту бағытындағы әрі қарайғы ынтымақтастық бойынша нақты іс-шараларды белгіледі.

Басқарма Төрағасы Қайрат Мақсұтов бастаған Самұрық-Энерго делегациясы Бейжіңге жұмыс сапары аясында Sepco 1 және Power China International басшылығымен кездесу өткізді. Кеңесте «Қоршаған ортаға әсерді барынша азайта отырып, Алматы ЖЭО-2 жаңғырту» жобасын ілгерілету мәселелері, сондай-ақ ынтымақтастықтағы басқа да әлеуетті бағыттар талқыланды. 

Кездесу қорытындысы бойынша тараптар белгіленген жоспар бойынша жұмыс қарқынын күшейтуге және келесі кеңесті Алматы ЖЭО-2 алаңында өткізуге келісті.

Бейжің қаласына жұмыс сапары аясында қытайлық China Machinery Engineering Corporation (CMEC) компаниясымен кездесу өтті. Келіссөз барысында тараптар газ тазарту жүйелерін салу және ластаушы зат шығарындыларын азайту үшін жаңа технологияларды қолдана отырып, энергетикалық нысандарды жаңғырту жөніндегі ынтымақтастық перспективаларын талқылады. 

CMEC газ генерациясы және ЖЭК объектілерін салу жөніндегі жобаларға қатысуға, сондай-ақ энергетикалық объектілердің қоршаған ортаға әсерін төмендету үшін технологияларды трансферттеуге дайын екендігін растады. 

Кездесу қорытындысы бойынша компания басшылары жақын арада әлеуетті ынтымақтастықты талқылау үшін жұмыс тобын құруға келісті.

Ұлттық статистика бюросының мәліметінше, Қазақстанның көмір саласы сенімді өсім көрсетіп отыр. 2025 жылғы қаңтар-наурызда елімізде 28,5 млн тонна тас көмір өндірілді, бұл - өткен жылдың сәйкес кезеңімен салыстырғанда 5,6% - ға артық.

«Богатырь Көмір» ЖШС осы оң динамикаға елеулі үлес қосып келеді. 2025 жылдың бірінші тоқсанында компания өндіру көлемін 12,4 млн тоннаға дейін ұлғайтты, бұл 2024 жылғы көрсеткіштен 6,8% - ға артық.

Көмірді сату да өсуде: үш айда 12,4 млн тонна көмір жөнелтілді, бұл - өткен жылдың I тоқсанымен салыстырғанда 2,8% - ға артық. Осы көлемнің 9,9 млн тоннасы ішкі нарыққа, тағы 2,5 млн тоннасы экспортқа бағытталды.

Көмірді өндіру мен өткізу көлемінің өсуі компанияның тұрақты дамуын және оның елдің энергетикалық қауіпсіздігін қамтамасыз етудегі шешуші рөлін растайды.

2025 жылдың 1-тоқсанының қорытындысы бойынша «Самұрық-Энерго» АҚ өткен жылдың сәйкес кезеңімен салыстырғанда үлесін 33,8% - дан 34,2%-ға дейін ұлғайта отырып, Қазақстанның электр энергиясы нарығында көшбасшылық орнын тұрақты түрде иеленіп отыр. 

2025 жылдың қаңтар-наурыз айларында электр энергиясын өндіру көлемі 11 444,7 млн кВт∙сағатты құрады, бұл 2024 жылдың бірінші тоқсанындағы көрсеткіштерден 4,4%-ға артық.

Жеңіс күні қарсаңында Самұрық-Энерго қызметкерлері өз ардагерлеріне ерекше ризашылықпен және алғыс сезімімен құрмет көрсетті. 

Б.Оразбаев атындағы 1-ЖЭО-да Ұлы Жеңістің 80 жылдығына арналған салтанатты іс-шара өтті. Дәстүр бойынша станция қызметкерлері станция аумағындағы Жеңіс ескерткішіне гүл шоқтарын қойды. ЖЭО жастар активі кәсіподақ өкілдерімен бірге тыл ардагерлері Прасковья Аксенова мен Алексей Коробкинге барды.

Алматы 3-ЖЭО қызметкерлері тыл еңбеккерлерін құттықтады. Олардың ішінде 94 жасқа толған Валентина Семеновна Максименко бар. 

«Богатырь Көмір» ЖШС қызметкерлері ардагерлер мен тыл еңбеккерлеріне де барды. Олар батырларға бейбіт өмір үшін терең ризашылықтарын білдіріп, мерейтойлық медальдарды табыс етті.

Жеңіс күні қарсаңында ардагерлер мен тыл еңбеккерлеріне «Алатау Жарық Компаниясы» АҚ ұжымы да алғыс білдірді. Олардың арасында соғыс жылдарында Калинин, Балтық және Беларусь майдандарында атқыштар полкінің құрамында болған ардагер Сәрсенов Қамбар Әмірұлы бар. Батылдығы мен ерлігі үшін ол Қызыл Жұлдыз орденімен, III және II дәрежелі Даңқ ордендерімен және басқа да медальдармен марапатталған.

Жеңіс күніне орай Өскемен және Шүлбі ГЭС қызметкерлері ҰОС ардагерлерін, концлагерьлердің бұрынғы жас тұтқындарын және қоршауда болған Ленинград тұрғындарын қолдау мақсатында дәстүрлі еріктілер акциясын өткізді. Екі станцияның қызметкерлерінен жиналған ерікті қаражатқа Шығыс Қазақстан және Абай облыстарында тұратын осы санаттардың барлық өкілдері үшін шамамен 500 кВт*сағ электр энергиясы төленді. 30 отбасына материалдық қолдау көрсетілді.

Ардагерлер «Самұрық-Энерго» АҚ қызметкерлерінің ықыласы және қамқорлығы үшін алғыстарын білдірді.