Бүгін “Таза Қазақстан” республикалық экологиялық акциясының аясында Астанада жалпықалалық сенбілік өтті. Оның басты мақсаты - қоғамда экологиялық мәдениетті қалыптастырудың маңыздылығын дәріптеу.
Іс-шараға “Самұрық-Энерго” АҚ-ның ұжымы қатысты. Қызметкерлер «Самұрық-Қазына» Қорының 15 жылдығына орай компания отырғызған «Энергетиктер аллеясын» қоқыстан тазартты.
