«Самұрық-Қазына» АҚ компаниялар тобы қызметкерлерінің арасында «SK Әзіл Fest» қайырымдылық кеші өтті. Көңілді тапқырлар клубы сайысына «Самұрық-Энерго» АҚ атынан АлЭС-тың  «Токи в шоке» командасы қатысты. Олар көрермендерді ерекше әзілдерімен қуантып, әртістік шеберлігін көрсетті.

Қордың портфельдік компаниялары құрама командаларының өнер көрсету қорытындысы бойынша АлЭС электр монтері Әсет Губашев «SK Әзіл Fest серісі» аталымы бойынша марапатталды.

Бұл кеш көрермендерге керемет көңіл-күй сыйлап қана қоймай, қайырымдылыққа да өз үлесін қосты. Барлық жиналған қаражат мектептерде инклюзивті кабинеттер ашуға жұмсалатын болады.

«Самұрық-Энерго» АҚ Мәскеу биржасының XXVII жыл сайынғы «Жария емес компанияның үздік жылдық есебі» жылдық есептер конкурсы «Гран-при» аталымының күміс жүлдегері атанды.

Оған экономиканың түрлі салаларынан 100-ден астам ірі компания қатысты. Сараптамалық топ пен нарықтың кәсіби қатысушыларының, мемлекеттік органдардың және тәуелсіз сарапшылардың өкілдерінен құралған жоғары білікті қазылар алқасы есептерді мынадай критерийлер бойынша бағалады: стратегия және басқару, компанияның жетістіктері мен мүдделі тараптармен өзара іс-қимыл.

«Самұрық-Энерго» АҚ-ның жылдық есебі ақпараттың ашылу сапасы мен толықтығы, деректерді ұсынудың инновациялық тәсілдерімен жоғары деңгейдегі дизайн үшін жоғары бағаланды. «Гран-при» аталымындағы марапат Компанияның корпоративтік басқару саласындағы көшбасшылық ұстанымын, оның жоғары деңгейдегі жариялылық пен ашықтық стандарттарына бейімділігін, сондай-ақ есептіліктің заманауи талаптарға сәйкестігін растайды.

«Самұрық-Энерго» АҚ-ның жылдық есебімен ресми интернет-ресурста танысуға болады.

«Самұрық-Энерго» АҚ Семей қаласын электр энергиясымен, жылумен қамтамасыз ету сапасын арттыру мақсатындағы жаңа жылу электр орталығын (ЖЭО) салу жобасын іске асыруға кірісуде. Абай облысына жұмыс сапары аясында Басқарма Төрағасы Қайрат Мақсұтов жобаның негізгі аспектілерін талқылау үшін облыс әкімі Нұрлан Ұранхаевпен және жергілікті атқарушы органдардың өкілдерімен кездесу өткізді.

Кездесуде тараптар болашақ ЖЭО орнының нақтыланғаны туралы айтып, жобалық құжаттаманы дайындау, бастапқы деректер мен техникалық шарттарды ұсыну бойынша алдағы қадамдарды талқылады. Сондай-ақ, ЖЭО-ны өңірдің энергия жүйесіне кіріктіру үшін қажетті күл үйіндісіне, су жинау және сыртқы инфрақұрылым құрылысына учаске бөлу мәселелері қаралды.

Станция заманауи, экологиялық таза жабдықтармен жасақталатын болады. Ол энергия тиімділігі деңгейінің жоғары және қоршаған ортаға тигізетін әсерінің мейлінше аз болуын қамтамасыз етеді.

Кездесу қорытындысы бойынша тараптар жобаны іске асыру жұмыстарын тездету үшін бірлескен іс-қимылдарды белгіледі. Облыс басшылығы жаңа жұмыс орындарын ашатын және өңірдің әлеуметтік-экономикалық өсуінің маңызды бөлігіне айналатын осы бастаманы табысты іске асыру үшін жан-жақты қолдау көрсетуге дайын екендігін білдірді.

«Самұрық-Энерго» АҚ делегациясы Басқарма Төрағасы Қайрат Мақсұтовтың басшылығымен Шығыс Қазақстан облысына жұмыс сапары аясында облыс әкімімен және жергілікті атқарушы органдардың өкілдерімен кездесу өткізді.

Кеңесте «Өскемен қаласында ЖЭО салу» жобасын іске асыру мәселелері талқыланды. Қазіргі уақытта ЖЭО салуға арналған алаң анықталды. Тараптар станцияның өндірістік инфрақұрылымы үшін жер учаскелерін анықтау (күл үйіндісі, су жинау), бастапқы деректерді жобалау және алу мәселелерін талқылады. Сондай-ақ ЖЭО-ның сыртқы инфрақұрылымының құрылысы талқылады.  

Кездесу барысында «Самұрық-Энерго» АҚ өкілдері осы өңірде іске асырылып жатқан басқа да инвестициялық жобалардың – Шүлбі СЭС-тің II кезегін салу және Өскемен СЭС 4-гидроагрегатын жаңғырту жұмыстарының барысы туралы хабардар етті.

Кездесу қорытындысы бойынша тараптар бірлесіп бірқатар іс-шараларды белгіледі. Өз кезегінде облыс басшылығы жергілікті атқарушы органдарға жобаларды іске асыру үшін барлық қажетті қолдау көрсету бойынша нақты тапсырмалар берді.

«АлЭС» АҚ үздіксіз білім беру стратегиясын тәжірибе жүзінде іске асыруда. Ағымдағы жылдың басынан бастап Компанияның персоналды даярлау бөлімінде 2 мыңнан астам қызметкер, оның ішінде жұмысшылар мен инженер-техникалық қызметкерлер оқу курсынан өтті.

Энергетика саласында үздіксіз оқыту, біліктілікті растау, білімді жетілдіру қажеттілік қана емес, сонымен қатар өндіріс қауіпсіздігінің кепілі.  Сондықтан «АлЭС» АҚ-да қызметкерлердің барлық санаттарын – жұмысшыдан бастап топ-менеджерге дейінгі персоналды даярлау мен оқытудың көп деңгейлі жүйесі жұмыс істейді.

Оларды тек Персоналды даярлау бөлімінде ғана емес, сонымен қатар бейінді оқу ұйымдарында да оқытады. Компания серіктестерінің қатарында Ғ.Дәукеев атындағы Алматы энергетика және байланыс университеті, Satbayev University, Әл-Фараби атындағы ҚазҰУ, Алматы мемлекеттік энергетика және электрондық технологиялар колледжі бар. Жыл басынан бері 4 мыңнан астам маман түрлі оқу курстарынан өтті.

«Компанияның өндірістік активтерін жаңғыртуды, сондай-ақ қауіпсіздік бойынша жоғары талаптарды ескере отырып, біз персоналдың кәсібилігі мен құзыреттілігін арттыруға баса назар аударамыз. Қызметкерлер негізгі энергетикалық жұмысшы мамандықтары және өнеркәсіптік қауіпсіздік бойынша оқытылады», - деп атап өтті «АлЭС» АҚ Адам ресурстары басқармасының басшысы Жанна Сапарғалиева.

Республика күні қарсаңында «Самұрық-Энерго» АҚ компаниялар тобының бірқатар еңбек сіңірген қызметкерлері мемлекеттік наградалармен және құрметті атақтармен марапатталды.

«Құрмет» орденімен «Samruk - Green Energy» ЖШС Бас директорының өндіріс жөніндегі орынбасары-бас инженері Нұржан Темірбаев марапатталды. 

«Ерен еңбегі үшін» медаліне «Шүлбі СЭС АЭС» ЖШС пайдалану цехының бастығы Қайрат Кеңесбаев, «Екібастұз 1-МАЭС» ЖШС турбина жабдықтарын жөндеу цехының бастығы Батырхан Шабақбаев, О.Д.Қантаев атындағы «Мойнақ СЭС» АҚ цехының бастығы Полат Бәкіров, «Бірінші жел электр станциясы» ЖШС қосалқы станциясының бастығы Владимир Васильев ие болды.

«Самұрық-Қазына» АҚ-ның құрметті қызметкері» құрметті атағы «Самұрық-Энерго» АҚ «Генерация және отын» департаментінің бас менеджері Байтас Оспановқа, «Екібастұз 2-МАЭС станциясы» АҚ пайдалану жөніндегі бас инженері Болат Бұлымбаевқа, «Шардара СЭС» АҚ релелік қорғау, автоматика және өлшеу қызметінің байланыс электр монтері Жандарбек Жолдасовқа және Б.Оразбаев атындағы 1-ЖЭО электр станциясының ауысым бастығы Александр Елкинге берілді.  

Сондай-ақ, «Самұрық-Энерго» АҚ еншілес ұйымдарының бірқатар қызметкерлері «Самұрық-Қазына» АҚ-ның Құрмет грамоталарымен және Алғыс хаттарымен марапатталды. 

«Самұрық-Энерго» АҚ Басқарма Төрағасы Қайрат Мақсұтов компанияның 2024 жылғы 9 айдағы өндірістік қауіпсіздік жөніндегі қызмет қорытындысы бойынша кеңес өткізді. «Еңбекті қорғау» департаментінің директоры Дүйсенбек Шардарбеков жазатайым оқиғаларды тергеу нәтижелері, Басқарма Төрағасының хаттамалық тапсырмаларының орындалуы және «Қауіпсіз өндіріс» жобасының іске асырылуы туралы баяндады. 

«Алматы электр станциялары» АҚ және «Екібастұз ГРЭС-2 станциясы» АҚ-ның бірінші басшылары кеңеске қатысушыларды қауіпсіз еңбек жағдайларын қамтамасыз ету және станцияларда жарақаттанудың алдын алу бойынша жүргізіліп жатқан шаралар туралы хабардар етті.   

Самұрық-Энерго басшысы өз сөзінде компания тобының Vision Zero қағидаттарын ұстанатындығын атап өтіп, қызметкерлер арасындағы еңбек қауіпсіздігі мәдениетін және лауазымды тұлғалардың жауапкершілігін арттыру қажеттігіне назар аударды.  

Кеңес қорытындысы бойынша Қайрат Мақсұтов еншілес және тәуелді ұйымдардың бірінші басшыларына еңбекті қорғау мәселелерін ерекше бақылауға алуды және өндірістік қауіпсіздік ережелерінің қатаң сақталуын қамтамасыз етуді тапсырды. Сондай-ақ, Компания басшысы жасанды интеллектті қолдану және бейнеталдауды енгізу мүмкіндігін қарастыру қажеттілігі туралы айтты. Бұдан басқа, Самұрық-Энерго басшысының тапсырмасы бойынша жақын арада барлық өндірістік кәсіпорындарда еңбек қауіпсіздігі мәселелері бойынша аудиторлық тексерулер жүргізілетін болады. 

«Қауіпсіздік дегеніміз қызметкерлердің өмірін сақтау, сондықтан еңбекті қорғау мәселелері әрқашан басымдыққа ие болуы тиіс. Әрбір қызметкер өз шаңырағына, отбасына аман-есен оралуы тиіс», - деп қорытындылады Қайрат Мақсұтов.

«Алматы электр станциялары» АҚ-да Satbayev University «Энергетика» кафедрасы филиалының салтанатты ашылу рәсімі өтті. Бұл іс-шара білім беру мен өндірісті біріктірудегі маңызды қадам болып табылады әрі студенттердің энергетика саласында бірегей мүмкіндіктерге қол жеткізуіне жағдай жасайды.

Satbayev University және АлЭС оқу орындарындағы теориялық оқыту мен кәсіпорын базасындағы тәжірибені біріктіретін дуальды оқыту қағидаттарын іске асырады. Осы модель бойынша оқитын студенттер алған білімдерін өндірісте бекіте алады. Бұл жас мамандарға мамандықты тезірек меңгеруге және станцияларда одан әрі жұмыс істеу үшін қажетті дағдыларды алуға көмектеседі.

«Біз кафедра филиалын ашу бойынша алдын ала үлкен жұмыс жүргіздік және қызметкерлерімізді студенттермен жұмыс істеуге дайындадық. Біздің мамандардың тәжірибесі мол және оны студенттерге үйретеді. Біз энергетика саласы үшін білікті кадрлар даярлауға бар күшімізді салуға дайынбыз», - деп атап өтті «АлЭС» АҚ Басқарма төрағасы Ерік Маширов.

Чанлуншандағы ГАЭС 2022 жылы іске қосылған, ал 2023 жылы өндірілген электр энергиясының көлемі 2520 ГВт-сағатқа жетті. Станцияның жалпы бекітілген қуаты 2100 МВт. 

Қор басшысының айтуынша, экономика мен қоғам қарқынды дамып жатқанда, энергияны сақтайтын жүйені құру өзекті мәселелердің бірі. 

Қазіргі уақытта Қытайдың халықаралық су шаруашылығы және энергетика корпорациясы Қазақстанда ГАЭС салатын орындарды анықтау мақсатында техникалық-экономикалық зерттеу жүргізуде. Республика аумағында ГАЭС әзірге жоқ.

«Біз Қазақстанның гидроэнергетикалық әлеуетінің дамуына қосқан үлестеріңізді, сондай-ақ осы сала бойынша мамандарымыздың білім мен тәжірибе алмасуына ықпал еткендеріңізді бағалаймыз», - деді Нұрлан Жақыпов.

Анықтама. ГАЭС жұмыс істеу әдісі: жоғарғы және төменгі екі су қоймасы болады. Түнде электрлі мотор-генераторлардың көмегімен су жоғарыға айдалады. 

«Қымбат тариф» уақыты басталған кезде, су төменге жіберіледі де мотор-генераторлар электр энергиясын өндіреді.

Дереккөз: @samrukkazyna_official

«Самұрық-Энерго» АҚ компаниясында қазақстандық тауар өндірушілердің қатысуымен дөңгелек үстел өтті. Отандық тауар өндірушілерді қолдау және дамыту бағытында «Самұрық-Қазына» қорының қолдауымен ұйымдастырылған іс-шара «Самұрық-Қазына Контракт» ЖШС-мен бірлесіп өткізілді.

Бұл іс-шара барысында Қамтамасыз ету және тәуекелдер жөніндегі басқарушы директор Асқар Балтабаев «Самұрық-Энерго» АҚ-да елішілік құндылықты дамыту және импорт алмастыру аясындағы жүйелі жұмыс тұрақты негізде жүргізіліп, сатып алудағы жергілікті қамту үлесі жыл сайын артып келе жатқанын атап өтті. 

Дөңгелек үстелде «Nova Vision» ЖШС, «Қазақстандық құбыр жүйелері» ЖШС, «Asia Trafo» ЖШС қазақстандық өндірушілерімен жалпы сомасы 5,3 млрд теңгеден астам жаңа офтейк-келісімшарттарға қол қойылды. Сонымен қатар, «GEFEST Solution Qazaqstan» ЖШС-мен «Өрт сөндірудің инновациялық технологияларын әзірлеу және енгізу» жобасы бойынша Ынтымақтастық туралы меморандумға қол қойылды.

Дөңгелек үстел аясында отандық тауар өндірушілермен В2В форматында өткен кездесулер барысында сатып алуға қатысу бойынша негізгі мәселелер талқыланды. 

«Самұрық-Энерго» АҚ тендерлер өткізуде жергілікті тауар өндірушілерге басымдық береді. 2024 жылдың 9 айында отандық өндірушілердің қатысуымен өткізілген сатып алу сомасы 25,5 млрд теңгеден асты.