KAZENERGY қауымдастығының Атқарушы директоры Дамир Нарынбаев және Энергетика саласын дамыту департаментінің директоры Еділ Көпенов Павлодар облысындағы "Самұрық-Энерго" АҚ еншілес ұйымдарына барды. Олар Екібастұз ЖЭО, Екібастұз 1-МАЭС, Екібастұз 2-МАЭС және "Богатырь-Көмір"ЖШС-де жұмыс сапарымен болды.
Қауымдастық өкілдері кәсіпорындардың ағымдағы қызметімен танысып, компаниялардың басшыларымен және ұжымымен кездесулер өткізді.
Кездесу барысында өңірдің энергетика саласын дамыту, әлеуметтік бастамалар мәселелері қаралды. Сондай-ақ, тарифтік саясат мәселелері және басқа да өзекті тақырыптар талқыланды.
Саладағы жұмысшы мамандарды қолдау мен дамытудағы маңызды қадам болып табылатын "Жұмысшы мамандықтары жылына" ерекше назар аударылды.
«Самұрық-Қазына» АҚ Басқарма Төрағасы Нұрлан Жақыпов Жұмысшы мамандықтар фестивалінде Жылу энергетиктері үйін аралады. «Самұрық-Энерго» АҚ Басқарма Төрағасы Қайрат Мақсұтов Қор басшысын электр қуатын өндірудің толық технологиялық процесі көрсетілген электр станциясының динамикалық макетімен таныстырды.
Интерактивті аймақта Самұрық-Энерго еліміздегі ең ірі электр станцияларының бірі - Екібастұз 1-МАЭС макетін ұсынды. Макетте станция инфрақұрылымының негізгі элементтері ұсынылған, олар электр станциясының халықты және өнеркәсіп кәсіпорындарын электр қуатымен қамтамасыз етудегі ауқымдылығы мен маңыздылығын көрсетеді.
Әсіресе велогенераторлар фестивалға қатысушылардың үлкен қызығушылығын тудырды, олар педальды айналдыру арқылы электр энергиясын өндіру принципін айқын көрсетеді. Бұл құрылғылар механикалық энергияның электр энергиясына қалай айналатынын көрсетеді. Көрмеге келушілер «Богатырь» кесіндісінен алынған көмірді өз көздерімен көріп, ақылды касканы киіп, электр станциясы қызметкерлерінің жұмыс құралдарын қолдарында ұстауға мүмкіндік алды.
Фестиваль алаңында Qazaq Green Power PLC Басқарушы директоры Юлия Курий сөз сөйледі. Сарапшы көрмеге қатысушыларға еліміздегі гидроэнергетиканы дамытудың маңызды аспектілері, келешек жобалары туралы айтып берді, сондай-ақ оқушыларға гидроэлектростанцияларда қандай мамандықтар сұранысқа ие екендігі туралы ақпарат берді.
Сондай-ақ, фестиваль аясында Самұрық-Энерго іс-шараға қатысушылар арасында электр энергетикасы тақырыбына түрлі интерактивті конкурстар, квиздер өткізді, онда қатысушылар өздерінің білімдері мен дағдыларын тексере алды.
Самұрық-Энерго - Қазақстандағы энергетика саласының көшбасшысы болып табылады. Компаниялар тобында 18 мыңнан астам адам жұмыс істейді, оның ішінде 17,3 мыңы жұмысшы мамандық өкілдері.
«Самұрық-Энерго» АҚ Басқарма Төрағасы Қайрат Мақсұтов Алматыға жұмыс сапары аясында «АлЭС» АҚ-ның ЖЭО-2 және ЖЭО-3 нысандарын жаңғырту бағытындағы құрылыс алаңдарына барды. Компания басшысы станциялардың қоршаған ортаға әсерін азайтуға және энергия тиімділігін арттыруға бағытталған жобалардың ағымдағы іске асырылу кезеңдерімен танысты.
Қазіргі уақытта құрылыс алаңдарында негізгі дайындық жұмыстары аяқталып қалды, соның ішінде кеден қоймасы, отын қоймалары, құрылыс материалдары және өзге де қосалқы инфрақұрылым нысандары. Қазір жер қазу және қадалау жұмыстары жалғасуда, іргетас қалауға дайындық жүргізілуде.
Таяу арада негізгі құрылыс-монтаждау жұмыстары, газ турбинасы, қазандық және бу турбинасы секілді негізгі жабдықтарды кезең-кезеңімен жеткізу жалғасатын болады.
Самұрық-Энерго басшысы мердігер ұйымдардың өкілдерімен кездесуде жаңғырту жөніндегі жобаларды уақтылы іске асырудың маңыздылығын атап өтіп, құрылыс жұмыстарының қарқынын бәсеңдетпеуді және мерзімдерін өзгертуге жол бермеуді тапсырды.
«Самұрық-Энерго» АҚ Басқарма Төрағасы Қайрат Мақсұтов Алматы энергия кешеніне қарасты кәсіпорындарға жұмыс сапары аясында 2024 жылдың қорытындысы бойынша «Алатау Жарық компаниясы» АҚ-да кеңес өткізді.
Осы жылдың қаңтар айынан бастап Алатау Жарық компаниясы «Электр энергетикасы туралы» ҚР Заңының өзгерістеріне сәйкес кепілді жеткізуші қызметін жүзеге асырады.Заңнамаға сәйкес, энергиямен жабдықтаушы ұйымдар нарық субъектілерінің тізімінен алынып тасталды және тұтынушыларды электрмен жабдықтау функциялары энергия беруші ұйымдарға өтті.
«Самұрық-Энерго» АҚ «АлматыЭнергоСбыт» ЖШС-ның «Алатау Жарық Компаниясы» АҚ-ға («АЖК» АҚ) қосылуын өз уақытында бастап, бұл процесті сәтті аяқтады. 1 қаңтардан бастап барлық тұтынушылар жаңа кепілдендірілген жеткізушіге көшті және сенімді энергиямен қамтамасыз етілді.
Кеңес барысында «АЖК» АҚ (Энергосбыт) филиалының басшысы Гүлжан Исламова компанияның 2024 жылғы қызмет қорытындылары туралы есеп берді. Өткен жылдың қорытындысы бойынша Энергосбыт 2019 жылдан бері алғаш рет оң қаржылық нәтиже көрсетті.
Самұрық-Энерго басшысы «Алатау Жарық Компаниясы» АҚ Басқарма Төрағасы Абай Асыловтың баяндамасын тыңдады.Ол 2024 жылы атқарылған жұмыстарға тоқталды. Есепті кезеңде тұтынушыларға 9 258 млн кВтс. электр энергиясы жеткізілді, бұл жоспарлы көрсеткіштерден едәуір жоғары. Компанияның қаржылық көрсеткіштері де жақсарды.Түскен пайда инвестициялық бағдарламаларды орындауға бағытталатын болады.
2024 жылы Алатау Жарық Компаниясы энергетикалық жүйелерді жаңғырту және қайта құру бағытында ауқымды жұмыс жүргізгенін атап өткіміз келеді. 2024 жылы жалпы сомасы 25 503 млн теңгені құрайтын 20 нысан құрылысы аяқталып, пайдалануға берілді, оның ішінде 110/10 кВ «Көкөзек» ҚС құрылысы, қосалқы станцияларды қайта жаңарту, Алматы қаласы мен Алматы облысы бойынша негізгі жабдықтарды ауыстыру бойынша кешенді жұмыстар жүргізілді. Сондай-ақ, Алматы облысында «ақылды» ажыратқыштарды орната отырып, электр желілерін оңтайландыру жұмыстары жүргізілді. 2024 жылдың қорытындысы бойынша АЖК өндірістік қауіпсіздік бойынша да жақсы көрсеткіштерге қол жеткізді. Компания нөлдік жарақатқа қол жеткізді. Өткен жылы қызметкерлердің әлеуметтік-тұрмыстық жағдайларын жақсарту бойынша да ауқымды жұмыстар жүргізілді.
Кеңес қорытындысы бойынша Самұрық-Энерго басшысы 2025 жылға арналған жоспарды орындау, апатсыз жұмысты қамтамасыз ету және қала мен облыс халқын және өнеркәсіп кәсіпорындарын сенімді энергиямен жабдықтауға қатысты бірқатар тапсырмалар берді.
АлЭС қызметкері Дәулет Қарамолдаев «Аралас пирамида бойынша Қазақстан кубогы» беделді рейтингтік турнирінің жеңімпазы атанды. Ол дәлдік пен стратегиялық ойлау шеберлігін көрсете отырып, жарысты нық жеңіспен бастады.
Жартылай финалда және финалда Дәулет Қарамолдаев қарсыластарын 5:3 есебімен ойсырата ұтты. Осылайша ол аралас пирамида бойынша 2025 жылғы Қазақстан чемпионы атанды.
Дәулет өзінің еңбек жолын 1-ЖЭО-да релелік қорғаныс және автоматика аппаратурасын жөндеу бойынша электр монтері болып бастады. Қазір ол Батыс жылу кешені электр техникалық цехының бастығы.
Оның пікірінше, энергетик - перспективті, жауапты және сұранысқа ие мамандық.
«Менің мамандығымның әлеуметтік маңызы зор. Электр энергетикасы біздің өміріміздің маңызды бөлігі болып табылады», - дейді Дәулет Қарамолдаев.
Мемлекет басшысы 2025 жылды Жұмысшы мамандықтар жылы деп жариялады. Бұл - еңбек пен жұмысшы мамандықтары өкілдерінің ел дамуына қосқан үлесін ерекше мойындаудың символы.
Энергетиктер елдің тіршілігін қамтамасыз етуде шешуші рөл атқарады. Олар өздерінің күнделікті қажырлы еңбегімен қазақстандықтардың үйлерінде жарық пен жылуды, ұйымдар мен өнеркәсіптік кәсіпорындардың үздіксіз жұмысын қамтамасыз етеді.
Біз энергетика саласының дамуына үлкен үлес қосатын мамандарымызды мақтан тұтамыз. Олардың тәжірибесі, білімі мен ісіне адалдығы елдің энергетикалық жүйесінің сенімділігі мен тұрақтылығының негізі болып табылады.
Экосән апталығын өткізудің мақсаты - әріптестерді күнделікті өмірдегі экологиялық өзгерістерге шабыттандыру, белсенді салауатты өмір салтын ұстану және бір жолғы қолданылатын полиэтилен пакеттерден, контейнерлерден және ыдыстардан бас тарту.
Компания қызметкерлеріне сәнді эко-шоперлер таратылды, олар сәнді аксессуар ғана емес, сонымен қатар қалдықтарды азайтуға да септігін тигізеді.
Экосән апталығы барысында қызметкерлердің балалары арасында «Тұтынылған заттарды кәдеге жаратыңыз!» ұранымен ең үздік қолдан жасалған бұйымдар конкурсы өткізілді.
«Таза Қазақстан» республикалық экологиялық акциясы аясында ұйымдастырылған Экосән апталығы тұрақты және жасыл болашаққа қосылған маңызды үлес болып табылады!
Арматуралық-механикалық цех (АМЦ) – АлЭС бойынша өндірістік мақсаттағы негізгі құрылымдық бөлімшелердің бірі. Цех жоғары техникалық жағдайды сақтауда және бүкіл энергетикалық кешеннің жұмыс қарқынын қамтамасыз етуде маңызды рөл атқарады.
1985 жылы құрылған арматуралық-механикалық цехте осы уақыт аралығында жоғары кәсіби команда құрылды.
Цех мамандарының бірі – Эдуард Баленский, электр жабдықтарын жөндеу жөніндегі 6-разрядты электрослесарь. АМЦ - да ол 30 жылға жуық жұмыс істейді, шәкірт ретінде бастаған жас маман кәсіби слесарьға дейін шыңдалды.
«Мен үшін ұжыммен бір ырғақта жұмыс істеп, өз мамандығымның биігінен көріну өте маңызды. Өз жұмысымды мақтан тұтамын және балаларымның құрметіне ие болып, мені мақтан тұтатынына қуаныштымын. Соның нәтижесінде менің әрбір жұмыс күнім мәнді де мағыналы өтеді», - дейді Эдуард Баленский.
2024 жылы «Самұрық-Энерго» АҚ-ның қаржылық көрсеткіштері айтарлықтай жақсарды. Компанияның таза пайдасы алғаш рет 110 млрд теңгені құрады, бұл 2023 жылғы деңгейден 2,5 есе және 2022 жылғы таза пайдадан 3,7 есе жоғары.
Самұрық-Энерго қаржылық тұрақтылық бойынша жоғары деңгейді көрсетті, бұны халықаралық рейтингтік агенттіктер растады. Fitch Ratings «Самұрық-Энерго» АҚ-ның кредиттік рейтингтерін «BB+» деңгейінде растады, болжам -«Тұрақты».
2024 жылғы қаңтарда АХҚО биржасымен өтімділікті басқару бағдарламасы бойынша прелистингтік келісім жасалды, бұл «Самұрық-Энерго» АҚ тобының AIX-ке облигациялар шығаруды тез арада және жеңілдікті комиссиялармен жүргізуіне мүмкіндік береді.
2024 жылы АХҚО биржасында топтық бағдарлама шеңберінде алғашқы облигациялар, сондай-ақ I-REC жасыл сертификаттары шығарылды.
2024 жылдың мамыр айында «Самұрық-Энерго» АҚ компаниялар тобында кэш-пулинг іске қосылды, ол қолма-қол ақшаны басқару тиімділігін арттыруға мүмкіндік береді.
2024 жылғы шілдеде «Самұрық-Энерго» АҚ 2023 жыл үшін жалғыз акционердің пайдасына 20,6 млрд теңге мөлшерінде дивиденд төледі. Бұл сома Топ үшін рекордтық көрсеткішке жетті.
2024 жылы «Самұрық-Энерго» АҚ қазақстандық 98 компанияның арасында 2023 жылғы жылдық есептерде ESG-ақпаратты ашу бойынша PwC Kazakhstan рейтингінде 1-орынға ие болды. Рейтинг басылымының тарихында алғаш рет рекордтық «А+» жоғары бағасы берілді, ол ең үздік халықаралық стандарттарға сәйкес келеді.
ESG мәселелерін басқару деңгейінің жоғары екендігі Morningstar Sustainalitycs халықаралық рейтингтік агенттігінің «Самұрық-Энерго» АҚ ESG – 24,1 балл рейтингін беруі және осы рейтингтің үздік 20 энергетикалық компаниясының қатарына кіруі арқылы расталды.
2024 жылы «Самұрық-Энерго» АҚ «Жария емес компанияның үздік жылдық есебі» аталымы бойынша жыл сайын өтетін ХХVII МОЕХ жылдық есептер конкурсында 2 орын алды.
2024 жылы «Самұрық-Энерго» АҚ компаниялар тобында ЖЭК-тің электр энергиясын өндірудегі үлесі 8,3%-ға өсті.
2024 жылы Екібастұз 2-МАЭС, Алматы 1-ЖЭО және АлЭС БЖК-де атмосфераға шығарылатын шығарындыларға автоматтандырылған мониторингжүргізу жүйесі (АМЖ) енгізілді. АМЖ-нен деректер Экология және табиғи ресурстар министрлігінің ақпараттық жүйесіне онлайн-режимде беріледі.
2024 жылғы деректер бойынша «Самұрық-Энерго» АҚ компаниялар тобы бойынша атмосфераға шығарылатын ластаушы заттардың үлестік шығарындылары 2023 жылмен салыстырғанда 13,8%-ға қысқарды.
2024 жылы «Самұрық-Энерго» АҚ компаниялар тобында жалпы сомасы 14 млрд теңгеден астам табиғатты қорғау іс-шараларының кешенді бағдарламасы іске асырылды, оның ішінде кәсіпорындар аумағындағы жасыл желек алаңын ұлғайту, шаң-газ тазарту қондырғыларын жөндеу және т. б. бойынша жұмыстар жүргізілді.
Sustainable Fitch агенттігі 2024 жылы ESG рейтингін өткізу шеңберінде «Самұрық-Энерго» АҚ компаниялар тобының биоәртүрлілікті қорғау жөніндегі белсенді жұмысын және соңғы 4 жылда парниктік газдар шығарындыларының (Scope 1) 18,9%-ға қысқарғанын атап өтті.
«Самұрық-Энерго» АҚ Басқарма Төрағасы Қайрат Мақсұтов China Energy International Group Co, Ltd Басқармасының Вице-төрағасы Сюе Даньфэнменкездесу өткізді. Келіссөз барысында тараптар жалпы қуаты 800 МВт жаңартылатын энергия көздері (ЖЭК) саласындағы бірлескен жобаларды іске асырумәселелерін талқылады.
Осы бастамаларды іске асырудың құқықтық негізі 2024 жылғы 12 қарашада СОР 29 конференциясы алаңында қол қойылған Қазақстан Республикасының үкіметі мен Қытай Халық Республикасы үкіметі арасындағы келісім болды.
Жобалар Түркістан облысында қуаты 300 МВт күн электр станциясын және Қарағанды облысында қуаты 500 МВт жел электр станциясын салуды қамтиды. Бұл жобалар Қазақстандағы жасыл энергетиканың дамуына елеулі үлес қосады.
Кездесудің маңызды қорытындыларының бірі жобаларды іске асырудың негізгі кезеңдерін анықтау болды. 2025 жылдың бірінші жартыжылдығында негізгі жобалық құжаттарға қол қою жоспарланған. Сондай-ақ, осы жұмыс аясында тараптар бірлескен жобалық компания құру мәселесін талқылады.
Бұл қадамдар «Самұрық-Энерго» АҚ мен China Energy International Group компаниясының энергетика саласындағы ынтымақтастықты одан әрі нығайтуға және стратегиялық маңызды бастамаларды іске асыруға деген ұмтылысын көрсетеді.
