"Самұрық-Энерго" АҚ Басқарма Төрағасы Қайрат Мақсұтов және "Подольск машина жасау зауыты" АҚ ("ЗиО" АҚ) Директорлар кеңесінің Төрағасы Артем Зуев энергетика саласындағы жобаларды іске асырудағы ынтымақтастық туралы Меморандумға қол қойды.

Кездесу барысында тараптар энергетикалық нысандарды салу, қайта құру, жаңғырту және жабдықтарды жеткізу мәселелерін талқылады. Сондай-ақ тиімді техникалық-экономикалық шешімдерді пысықтау және іске асыру бойынша кеңес беру, тәжірибе алмасу туралы уағдаластыққа қол жеткізілді.

"ЗиО" АҚ ТМД-дағы энергетикалық машина жасау нарығы көшбасшыларының бірі және энергетика саласындағы жобаларды барлық кезеңдерде іске асыруда мол тәжірибеге ие.

Екібастұз МАЭС-1 қызметкерлері Екібастұз волонтерлік ұйымдарымен бірлесіп, Солтүстік Қазақстан облысына 6 тонна гуманитарлық жүк жөнелтті.

Сонымен қатар Екібастұз МАЭС-1 жүктерді тасымалдауға КамАЗ және волонтерлерге автобус бөлді.

Су тасқынынан зардап шеккен жандарға ауыз су, азық-түлік және бірінші кезекте қажетті заттар, табиғи апаттың салдарын жою үшін арнайы киімдер мен материалдар жіберілді.

Алматы 1-ЖЭО-да алдағы 2024-2025 жылдардың жылыту маусымына дайындық басталды. Жөндеу жұмыстары кесте бойынша жүргізілуде.

Қазіргі уақытта №10 қазандық агрегаты мен №2 су жылыту қазандығына ағымдағы жөндеу жұмыстары аяқталды. Сорғы жабдығына, №9 қазандық агрегатына және №4 су жылыту қазандығына қосалқы жабдықпен бірге жөндеу жұмыстары жүргізілуде. Орындалатын жұмыстардың сапасына пайдалану персоналының өкілдері тұрақты бақылау жүргізеді.

«2024 жылдың жөндеу науқанында сорғы жабдықтарын, жылу беру жабдықтары жөндеуден өтеді. Сондай-ақ, кестеге сәйкес 6 қазандық агрегаты, 7 су жылыту қазандығы және қосалқы жабдығы бар 3 турбиналық агрегат жөнделеді», - деді 1-ЖЭО бас инженерінің орынбасары Владимир Сизов.

2023-2024 жылдардағы жылыту кезеңінде станция 368 млн кВт*сағат электр энергиясын және 1 359 млн Гкал жылу энергиясын өндірді. ЖЭО өткен 2023 жылды да сәтті аяқтады. Жоспардағы 392 млн кВт*сағат электр энергиясын өндіру орнына станция 428 млн кВт*сағат энергия берді. Жылдық жоспар 109%-ға орындалды. Жылуды босатудың жылдық жоспары 105%-ға орындалды: жоспарланған көлемі 1 405 мың Гкал болса, ал нақты өндіру 1 484 мың Гкал құрады.

“2025 жылы Алматы 1-ЖЭО өзінің 90 жылдығын атап өтеді. Іске қосылған сәттен бастап бүгінгі күнге дейін 1-ЖЭО 39 млрд кВт*сағаттан астам электр энергиясын және 150 млн Гкал астам жылу энергиясын өндірді», – деп атап өтті станция директоры Әлібек Тастанбеков.

Самұрық—Энерго ұжымы  «Самұрық-Қазына» АҚ және оның портфельдік компанияларының қызметкерлерімен бірге Президенттік саябақтың аумағында тазалық жұмыстарын жүргізді.

Компания қызметкерлері саябақты қоқыс пен құрғақ жапырақтардан тазартты, осылайша Астананы абаттандыруға өз үлестерін қосты.

«Самұрық-Энерго» АҚ Басқарма төрағасы Қайрат Мақсұтовтың төрағалығымен «АлЭС» АҚ-да көшпелі жиын өткізілді.

Жиналыс барысында АлЭС-те іске асырылып жатқан инвестициялық жобалардың ағымдағы жағдайы бойынша  есеп тыңдалды.  2024-2028 жылдарға арналған бизнес-жоспарға түзетулер енгізу аясында «АЖЭО-2-ні жаңғырту», «АЖЭО-3-ті реконструкциялау» жобаларын дамыту және қаржыландыру жоспарлары қарастырылды. Сондай-ақ, алдағы уақытта су электр станциясын жаңғырту бойынша атқарылатын іс-шаралар талқыланды.

Қайрат Мақсұтов жиналысты қорытындылап, жобаны дамыту жоспарын жүзеге асыру және Жол карталарын жаңарту шеңберінде нақты тапсырмалар берді.

«Алатау Жарық Компаниясы» АҚ қызметкерлері өз еріктерімен су тасқынынан зардап шеккен өңірлерге көмек ретінде бір күндік жалақыларын аударуға шешім қабылдады. Олар «Қазақстан халқына» қоғамдық қорына 29,4 млн. аударды.

Екібастұз ГРЭС-2 қызметкерлері Солнечный ауылының тұрғындарымен бірлесе қаржы жинап, Атырау мен Оралға гуманитарлық көмек жөнелтті.  Станция ұжымы ең қажетті заттардан тұратын жинақтарды Атбасар қаласы тұрғындарына да жіберді. Сонымен қатар, олар табиғи апаттан зардап шеккен аймақтар үшін гуманитарлық көмек қабылдау пунктін ұйымдастырды.

«Самұрық-Энерго» АҚ жастар кеңесі белсенділік танытып, Атырау және Батыс Қазақстан облыстарына жағалауды нығайту жұмыстары үшін қапшықтар жөнелтті. Сонымен қатар, «АлЭС» АҚ жүктерді тасымалдауға арнайы көлік ұсынды, ал компания жастары гуманитарлық көмекті тиеуге атсалысты.

Іс-шара Дүниежүзілік еңбекті қорғау күніне орайластырылған. Осыған байланысты барлық еншілес ұйымдарда қауіпсіздік техникасы бойынша семинарлар, тренингтер және алғашқы медициналық көмек көрсету сабақтары өтуде.

Сонымен қатар ЕТҰ құрылымдық бөлімшелері арасында «Зияткерлік конкурс бойынша үздік команда», «Спорттық-тактикалық жарыстар бойынша үздік команда», «Үздік GIF-дизайн, бейнеролик» конкурстары өткізіледі. Сонымен қатар, «Ашық есік күндері», балалар конкурстары мен еңбекті қорғау бойынша викториналар өтіп жатыр.

Конкурс қорытындысы бойынша жеңімпаздар мен үздік қызметкерлер құрмет грамоталарымен, алғыс хаттармен және ақшалай сыйлықтармен марапатталады.

Бүгін «Jas Energy» жастар кеңесі мүшелері әріптестері арасында салауатты өмір салтын қолдау мақсатында «Дәрумендер күні» акциясын өткізді.

Іс-шараның мақсаты –таңғы жаттығулардың пайдасын дәріптеу арқылы  қызметкерлерді зиянды әдеттерге деген құштарлықтан арылуға шақыру. Ережеге сәйкес жаттығу жасаған жұмыскерлерге сыйлық ретінде дәрумендер мен көкөністер табысталды.  

Осылайша жұмыс күнінің көңілді басталуы қызметкерлерге сергектік пен позитив сыйлады

«Самұрық-Энерго» АҚ еншілес ұйымдары су тасқыны салдарынан зардап шеккен өңірлердің тұрғындарына көмек көрсетуді жалғастыруда.

О.Д.Қантаев атындағы Мойнақ СЭС қызметкерлері бірінші кезектегі қажетті заттарды  жинастырып, су тасқынынан зардап шеккен Орал тұрғындарына гуманитарлық көмек жолдады.  Қиын жағдайға тап болған отандастар үшін мойнақтықтар ауыз су, тамақ, гигиена құралдары, төсек-орын жабдықтары және басқа да тұрмыстық заттарды жөнелтті.

Шардара СЭС ұжымы табиғи апаттан зардап шеккендерге азық-түлік тауарларын, олардың ішінде ұн, қант, жарма, көкөністер және басқа да азық-түлік өнімдерін жіберді. Жағалауды нығайту жұмыстарын жүргізу үшін қажетті материалдар мен гигиена құралдары да жіберілді.

Шүлбі СЭС қызметкерлері де қолдау білдіріп, қаражат жинады. Әрбір қызметкер зардап шеккендерге көмек қолын созып, өз үлесін қосты. Материалдық көмек Biz birgemiz Qazaqstan қоғамдық қорына жіберілді.

«Самұрық-Энерго» АҚ еншілес ұйымдары су тасқыны жүріп жатқан өңірлердің тұрғындарына көмек көрсетуде.

«Samruk-Green Energy» ЖШС қызметкерлерінің күшімен табиғи апаттан зардап шеккендерге ең қажетті заттардан жинақталған гуманитарлық көмек жөнелтті. Оның ішінде күрек, шелек, құм салуға арналған қаптар, резеңке етік, генератор, су сорғыш және басқа да керек-жарақтар бар.

«АлматыЭнергоСбыт» ЖШС ұжымы Атырау облысындағы су тасқынымен күресу жұмыстарына қажетті материалдарды сатып алу үшін өз еркімен 4 миллион теңгеден астам қаражат жинады. Материалдық көмек «Атырау» корпоративтік әлеуметтік даму қорына жіберілді.