Республика күні қарсаңында «Самұрық-Энерго» АҚ компаниялар тобының бірқатар еңбек сіңірген қызметкерлері мемлекеттік наградалармен және құрметті атақтармен марапатталды.

«Құрмет» орденімен «Samruk - Green Energy» ЖШС Бас директорының өндіріс жөніндегі орынбасары-бас инженері Нұржан Темірбаев марапатталды. 

«Ерен еңбегі үшін» медаліне «Шүлбі СЭС АЭС» ЖШС пайдалану цехының бастығы Қайрат Кеңесбаев, «Екібастұз 1-МАЭС» ЖШС турбина жабдықтарын жөндеу цехының бастығы Батырхан Шабақбаев, О.Д.Қантаев атындағы «Мойнақ СЭС» АҚ цехының бастығы Полат Бәкіров, «Бірінші жел электр станциясы» ЖШС қосалқы станциясының бастығы Владимир Васильев ие болды.

«Самұрық-Қазына» АҚ-ның құрметті қызметкері» құрметті атағы «Самұрық-Энерго» АҚ «Генерация және отын» департаментінің бас менеджері Байтас Оспановқа, «Екібастұз 2-МАЭС станциясы» АҚ пайдалану жөніндегі бас инженері Болат Бұлымбаевқа, «Шардара СЭС» АҚ релелік қорғау, автоматика және өлшеу қызметінің байланыс электр монтері Жандарбек Жолдасовқа және Б.Оразбаев атындағы 1-ЖЭО электр станциясының ауысым бастығы Александр Елкинге берілді.  

Сондай-ақ, «Самұрық-Энерго» АҚ еншілес ұйымдарының бірқатар қызметкерлері «Самұрық-Қазына» АҚ-ның Құрмет грамоталарымен және Алғыс хаттарымен марапатталды. 

«Самұрық-Энерго» АҚ Басқарма Төрағасы Қайрат Мақсұтов компанияның 2024 жылғы 9 айдағы өндірістік қауіпсіздік жөніндегі қызмет қорытындысы бойынша кеңес өткізді. «Еңбекті қорғау» департаментінің директоры Дүйсенбек Шардарбеков жазатайым оқиғаларды тергеу нәтижелері, Басқарма Төрағасының хаттамалық тапсырмаларының орындалуы және «Қауіпсіз өндіріс» жобасының іске асырылуы туралы баяндады. 

«Алматы электр станциялары» АҚ және «Екібастұз ГРЭС-2 станциясы» АҚ-ның бірінші басшылары кеңеске қатысушыларды қауіпсіз еңбек жағдайларын қамтамасыз ету және станцияларда жарақаттанудың алдын алу бойынша жүргізіліп жатқан шаралар туралы хабардар етті.   

Самұрық-Энерго басшысы өз сөзінде компания тобының Vision Zero қағидаттарын ұстанатындығын атап өтіп, қызметкерлер арасындағы еңбек қауіпсіздігі мәдениетін және лауазымды тұлғалардың жауапкершілігін арттыру қажеттігіне назар аударды.  

Кеңес қорытындысы бойынша Қайрат Мақсұтов еншілес және тәуелді ұйымдардың бірінші басшыларына еңбекті қорғау мәселелерін ерекше бақылауға алуды және өндірістік қауіпсіздік ережелерінің қатаң сақталуын қамтамасыз етуді тапсырды. Сондай-ақ, Компания басшысы жасанды интеллектті қолдану және бейнеталдауды енгізу мүмкіндігін қарастыру қажеттілігі туралы айтты. Бұдан басқа, Самұрық-Энерго басшысының тапсырмасы бойынша жақын арада барлық өндірістік кәсіпорындарда еңбек қауіпсіздігі мәселелері бойынша аудиторлық тексерулер жүргізілетін болады. 

«Қауіпсіздік дегеніміз қызметкерлердің өмірін сақтау, сондықтан еңбекті қорғау мәселелері әрқашан басымдыққа ие болуы тиіс. Әрбір қызметкер өз шаңырағына, отбасына аман-есен оралуы тиіс», - деп қорытындылады Қайрат Мақсұтов.

«Алматы электр станциялары» АҚ-да Satbayev University «Энергетика» кафедрасы филиалының салтанатты ашылу рәсімі өтті. Бұл іс-шара білім беру мен өндірісті біріктірудегі маңызды қадам болып табылады әрі студенттердің энергетика саласында бірегей мүмкіндіктерге қол жеткізуіне жағдай жасайды.

Satbayev University және АлЭС оқу орындарындағы теориялық оқыту мен кәсіпорын базасындағы тәжірибені біріктіретін дуальды оқыту қағидаттарын іске асырады. Осы модель бойынша оқитын студенттер алған білімдерін өндірісте бекіте алады. Бұл жас мамандарға мамандықты тезірек меңгеруге және станцияларда одан әрі жұмыс істеу үшін қажетті дағдыларды алуға көмектеседі.

«Біз кафедра филиалын ашу бойынша алдын ала үлкен жұмыс жүргіздік және қызметкерлерімізді студенттермен жұмыс істеуге дайындадық. Біздің мамандардың тәжірибесі мол және оны студенттерге үйретеді. Біз энергетика саласы үшін білікті кадрлар даярлауға бар күшімізді салуға дайынбыз», - деп атап өтті «АлЭС» АҚ Басқарма төрағасы Ерік Маширов.

Чанлуншандағы ГАЭС 2022 жылы іске қосылған, ал 2023 жылы өндірілген электр энергиясының көлемі 2520 ГВт-сағатқа жетті. Станцияның жалпы бекітілген қуаты 2100 МВт. 

Қор басшысының айтуынша, экономика мен қоғам қарқынды дамып жатқанда, энергияны сақтайтын жүйені құру өзекті мәселелердің бірі. 

Қазіргі уақытта Қытайдың халықаралық су шаруашылығы және энергетика корпорациясы Қазақстанда ГАЭС салатын орындарды анықтау мақсатында техникалық-экономикалық зерттеу жүргізуде. Республика аумағында ГАЭС әзірге жоқ.

«Біз Қазақстанның гидроэнергетикалық әлеуетінің дамуына қосқан үлестеріңізді, сондай-ақ осы сала бойынша мамандарымыздың білім мен тәжірибе алмасуына ықпал еткендеріңізді бағалаймыз», - деді Нұрлан Жақыпов.

Анықтама. ГАЭС жұмыс істеу әдісі: жоғарғы және төменгі екі су қоймасы болады. Түнде электрлі мотор-генераторлардың көмегімен су жоғарыға айдалады. 

«Қымбат тариф» уақыты басталған кезде, су төменге жіберіледі де мотор-генераторлар электр энергиясын өндіреді.

Дереккөз: @samrukkazyna_official

«Самұрық-Энерго» АҚ компаниясында қазақстандық тауар өндірушілердің қатысуымен дөңгелек үстел өтті. Отандық тауар өндірушілерді қолдау және дамыту бағытында «Самұрық-Қазына» қорының қолдауымен ұйымдастырылған іс-шара «Самұрық-Қазына Контракт» ЖШС-мен бірлесіп өткізілді.

Бұл іс-шара барысында Қамтамасыз ету және тәуекелдер жөніндегі басқарушы директор Асқар Балтабаев «Самұрық-Энерго» АҚ-да елішілік құндылықты дамыту және импорт алмастыру аясындағы жүйелі жұмыс тұрақты негізде жүргізіліп, сатып алудағы жергілікті қамту үлесі жыл сайын артып келе жатқанын атап өтті. 

Дөңгелек үстелде «Nova Vision» ЖШС, «Қазақстандық құбыр жүйелері» ЖШС, «Asia Trafo» ЖШС қазақстандық өндірушілерімен жалпы сомасы 5,3 млрд теңгеден астам жаңа офтейк-келісімшарттарға қол қойылды. Сонымен қатар, «GEFEST Solution Qazaqstan» ЖШС-мен «Өрт сөндірудің инновациялық технологияларын әзірлеу және енгізу» жобасы бойынша Ынтымақтастық туралы меморандумға қол қойылды.

Дөңгелек үстел аясында отандық тауар өндірушілермен В2В форматында өткен кездесулер барысында сатып алуға қатысу бойынша негізгі мәселелер талқыланды. 

«Самұрық-Энерго» АҚ тендерлер өткізуде жергілікті тауар өндірушілерге басымдық береді. 2024 жылдың 9 айында отандық өндірушілердің қатысуымен өткізілген сатып алу сомасы 25,5 млрд теңгеден асты.

«Самұрық-Энерго» АҚ делегациясының Қытай Халық Республикасына сапары аясында Басқарма төрағасы Қайрат Мақсұтов және China Power International Holding Директорлар кеңесінің төрағасы Хэ Си Қазақстан Республикасында қуаты 1 ГВт жел электр станциясын салу жөніндегі жобаны әзірлеу және электр энергиясын жинақтау жүйесін орнату туралы келісім жасасты.

Келісім жобаны бірлесіп пысықтауды және оны іске қосу жөніндегі жұмыстарды үйлестіруді көздейді. Кездесуде тараптар жоба бойынша іс-шараларды жеделдету үшін бірлескен күш-жігердің қажеттілігін атап өтті, сондай-ақ ЖЭК-тің ірі объектісін ҚР энергожүйесіне интеграциялау мәселесін талқылады.

«Самұрық-Энерго» АҚ делегациясы Басқарма Төрағасы Қайрат Мақсұтовтың басшылығымен Бейжің қаласына жұмыс сапары аясында Power China Resources басшылығымен кездесті. 

Келіссөздер барысында Қазақстанда жалпы қуаты 810 МВт жел және су электр станцияларын салу жоспарлары егжей-тегжейлі талқыланды. 

Тараптар техникалық-экономикалық негіздемені әзірлеу, желдің күшін өлшеу жұмыстарын жүргізу, халықаралық стандарттар бойынша қоршаған ортаға тигізетін әсерді бағалау жөніндегі есепті алу іс-шаралары туралы уағдаласты. Сондай-ақ, тараптар жобаларды іске асыру бойынша жұмыс жоспарын нақтылады.

«Самұрық-Қазына» АҚ басқарма төрағасы Нұрлан Жақыпов Бейжіңде Sany Renewable Energy директорлар кеңесінің басшысы Чжоу Фугуймен кездесті 

Бұған дейін Қазақстан-Қытай іскерлік кеңесі аясында SANY Renewable Energy ұйымымен жел электр станцияларының құрамдастарын (қанаттар, гондолалар, мұнаралар) өндіруді жергіліктендіру бойынша жобаны бірлесіп әзірлеу туралы келісімге қол қойылған еді.

Тараптар ағымдағы жобалардың жүзеге асырылуы жөнінде талқылады.

«Биыл Қазақстан мен Қытайда жоғары деңгейдегі төртінші кездесуімізді өткізіп отырмыз. Бұл серіктестігіміздің стратегиялық маңызының тағы бір дәлелі», - деді Нұрлан Жақыпов кездесу барысында.

SANY Renewable Energy (SANY Group-тың еншілес ұйымы) – әлем бойынша жел генераторларын өндіретін ірі компаниялардың бірі.

Дереккөз: @samrukkazyna_official

Fitch Ratings агенттігі Самұрық-Энергоның «тұрақты» болжамымен «BB+» деңгейінде шетел және ұлттық валютадағы ұзақ мерзімді кредиттік рейтингісін растады. 

Рейтингті растау – операциялық көрсеткіштер бойынша оң болжамдарға және компанияға мемлекет тарапынан көрсетілетін қолдауға байланысты. 2024 жылы мемлекет Самұрық-Энергоға екі су электр станциясын берді, сондай-ақ алдағы жылдарға арналған инвестициялық жоспарды қолдау үшін «Самұрық-Қазына» АҚ тарапынан жарғылық капиталға қаражат құю жоспарлануда.

Агенттік мемлекеттік саясаттың рөлін «күшті» деп бағалайды, өйткені Самұрық-Энергоға Қазақстанда электр энергиясын өндірудің шамамен 34%-ы, көмір өндірудің 40%-ы тиесілі. Сонымен қатар ол ірі жұмыс беруші болып табылады және мемлекет үшін көптеген стратегиялық жобаларды іске асырады.

Расталған рейтинг сондай-ақ тарифтерді ұлғайту бойынша жүргізіліп жатқан саясатты, іске асырылған жобалар үшін бекітілген жеке тарифтердің болуын, 2025 және 2027 жылдары қолданысқа енгізілетін 1-МАЭС, 2-МАЭС және АлЭС инвестициялық жобалары үшін жаңа инвестициялық келісімдерді ескереді.

Бұдан басқа, компанияның кредиттік портфеліндегі халықаралық және жергілікті қаржы институттары үлесінің өсуі байқалады, бұл борыштық портфельдің сапасы жоғары екенін көрсетеді. Осы орайда Агенттік Самұрық-Энергоның қысқа мерзімді міндеттемелерін толық жабу үшін  қаржылай  мүмкіндігі жеткілікті екенін көрсетеді.

«Самұрық-Қазына» АҚ басқарма төрағасы Нұрлан Жақыпов Бейжіңде China Energy International Group ұйымының басқарма төрағасы Люй Цзэсянмен кездесті.

Тараптар энергетика саласындағы, соның ішінде жаңартылатын энергия көздеріне қатысты жобалар бойынша серіктестік мәселелерін талқылады.

2024 жылы 2 шілдеде Астанада Қазақстан-Қытай іскерлік кеңесінің аясында Қор мен China Energy Overseas Investment (China Energy International Group-тың еншілес компаниясы) арасында жаңартылатын энергия көздері саласында өзара түсіністік туралы меморандумға қол қойылды. 

Бүгінгі кездесуде «Самұрық-Энерго» басқарма төрағасы Қайрат Мақсұтов пен China Energy Overseas Investment компаниясының басшысы Лин Сяодань жобаны бірлесе әзірлеу туралы келісімге қол қойды. Аталған жоба аясында Қарағанды облысында қуаты 500 МВт жел электр станциясын және Түркістан облысында қуаты 300 МВт күн электр станциясын салу көзделген.

China Energy International Group — көмір өндіру, жылу энергетикасы, жел энергетикасы, көмірді қайта өңдеу және су өнеркәсібі саласындағы әлемнің ірі компанияларының бірі. 

Дереккөз: @samrukkazyna_official