Еңбек қауіпсіздігі және еңбекті қорғау жылы аясында «Самұрық-Энерго» АҚ компаниялар тобында еңбек қауіпсіздігі және еңбекті қорғау қызметтерінің мамандары арасында Олимпиада өтті. 

Іс-шараның мақсаты - өндірістік қауіпсіздік саласындағы мамандардың кәсіби білім деңгейін арттыру. 

Олимпиада екі кезеңде өтті. Біріншісі - теориялық білімді тестілеу, екіншісі - нақты өндірістік жағдайларға мүмкіндігінше жақын келетін ситуациялық мәселелерді шешу.

Байқау қорытындысы бойынша:

- «Шүлбі СЭС АЭС» ЖШС еңбекті қорғау және өнеркәсіптік қауіпсіздік басқармасы бастығының орынбасары Евгений Поломошнов;

- «Бірінші жел электр станциясы» ЖШС еңбек қауіпсіздігі және еңбекті қорғау жөніндегі инженері Әсем Жылқайдарова;

- «Өскемен СЭС АЭС» ЖШС еңбекті қорғау және қауіпсіздік техникасы жөніндегі инженері Дархан Есілбаев өз мамандығының үздіктері болып табылды.

Жеңімпаздарға дипломдар мен ақшалай сертификаттар табыс етілді. Қатысушыларды құттықтаймыз және өндірістегі қауіпсіздік мәдениетін дамытуға қосқан үлесі үшін алғыс айтамыз!

«Алматы электр станциялары» АҚ күзгі-қысқы кезеңге дайындықты аяқтап, алдағы 2025-2026 жылу беру маусымына дайындық паспорттарын алды.

«АлЭС» АҚ-ның барлық өндірістік департаменттерінде КҚК-ге дайындық жүргізілді:

- ЖЭО мен СЭС-те жабдыққа күрделі және ағымдағы жөндеу жүргізілді;

- отын мен материалдардың қажетті қоры қалыптастырылды;

- персонал оқу курстарынан өтті және жоғары жүктеме жағдайында іс-қимыл сценарийлерін пысықтады.

«Дайындық паспорттарын алу - үлкен командалық жұмыстың нәтижесі. Әрбір цех, әрбір станция дайындыққа көп күш жұмсады. Біз Алматы мен Алматы облысының тұрғындары қысты алаңсыз қарсы алуы үшін үлкен жұмыс жасадық», - деп атап өтті «АлЭС» АҚ бас инженері Бауыржан Қалиев.

«Самұрық-Энерго» АҚ Басқарма Төрағасы Қайрат Мақсұтов «Қазақстан Халық Банкі» АҚ Басқарма төрағасы Үміт Шаяхметовамен жұмыс кездесуін өткізді. 

Тараптар Қазақстан Республикасында энергетика саласын белсенді дамыту мәселелерін, сондай-ақ іске асырылып жатқан ауқымды инвестициялық бағдарламаны ескере отырып, Самұрық-Энергоның осы бағдарламаларды іске асырудағы рөлін талқылады. 

 «Халық Банкі бұрыннан бері Самұрық-Энерго тобының негізгі қаржылық серіктестерінің бірі болып табылады. Бүгінгі таңда компанияның айтарлықтай өсуін және оның перспективаларын ескере отырып, орнықты әрі өзара тиімді әріптестікті одан әрі дамыту ерекше маңызға ие», - деп атап өтті Қайрат Мақсұтов. 

Кездесу барысында Самұрық-Энерго Басқарма Төрағасы банкке компанияның инвестициялық жобаларын, оның ішінде жетекші халықаралық әріптестермен бірлесіп іске асырылатын ауқымды ЖЭК — генерациялау жобаларын, сондай-ақ қолданыстағы энергетикалық қуаттарды жаңғырту және кеңейту жөніндегі жобаларды іске асыруға белсенді қатысу туралы ұсыныс білдірді.

Сондай-ақ, кездесу қорытындысы бойынша тараптар қолданыстағы негізгі бағыттар бойынша бірлескен жұмысты жалғастыруға келісті.

Алматы қаласына жұмыс іссапары аясында Басқарма Төрағасы Қайрат Мақсұтов 2-ЖЭО-ны жаңғырту және 3-ЖЭО-ны қайта жаңарту жобалары бойынша құрылыс алаңдарын аралады.

2-ЖЭО алаңында «АлЭС» АҚ басшылығы құрылыс жұмыстарының барысы және негізгі жабдықты монтаждау туралы баяндады. Қазіргі уақытта бірінші газ турбинасы мен генератор орнатылды, генераторлары бар екінші және үшінші газ турбиналарының іргетастары да жабдықты орнатуға дайын.

Siemens шығарған газ турбиналары мен генераторларын алаңға жеткізу тиісінше 2025 жылдың қазан айында және 2026 жылдың қаңтарында күтіледі. Бу турбинасы мен су жылыту қазандықтарын жеткізу 2025 жылдың 3 тоқсанына және 2026 жылдың 1 тоқсанына жоспарланған.

2-ЖЭО-дағы кеңестің қорытындысы бойынша Қайрат Мақсұтов объектіні 2026 жылдың қыркүйегінде пайдалануға беру үшін кестеге сәйкес барлық жұмыстардың орындалуын қамтамасыз етуді тапсырды. 

Алматы 3-ЖЭО-ны қайта құру алаңында ЕРС-мердігердің есебі тыңдалды. Мәселен, ағымдағы уақытта газ турбинасы мен генератордың бірінші жиынтығын орнату үшін 2025 жылғы қарашада жұмыстар жүргізіледі. Сондай-ақ, жабдықтың екінші жиынтығының Ansaldo Energia өндірістік алаңдарында сынақтан сәтті өткені және 2025 жылдың 20 қыркүйегіне дейін құрылыс алаңына одан әрі жеткізу үшін кемеге тиелетіні хабарланды.

Сонымен қатар, құрылыс алаңында жұмысшы персонал мен техниканың ұлғайғанын ескере отырып, ағымдағы жылы іргетастарды құю жұмыстары аяқталып, ғимараттар мен құрылыстардың құрылысы басталатыны хабарланды.

Сонымен бірге биыл негізгі жабдықтың екінші жиынтығын орнату үшін 110-220 кВ электр желілерін ауыстыру жұмыстары жоспарланып отыр.

3-ЖЭО-ны аралау қорытындысы бойынша объектіні 2026 жылдың соңына дейін пайдалануға беруді қамтамасыз ету мақсатында жабдықты құрылыс алаңына уақтылы жеткізу үшін нақты тиісті тапсырмалар берілді.

«Самұрық-Энерго» АҚ Басқарма Төрағасы Қайрат Мақсұтов Абай және Шығыс Қазақстан облыстарының әкімдерімен Семей және Өскемен қалаларында ЖЭО салу мәселелері бойынша кеңес өткізді.

Кездесу барысында тұтынудың өсуі мен өңірлердің келешектегі дамуын ескере отырып, болашақ станциялардың электр және жылу қуаты анықталды. Сондай-ақ, жобалау алдындағы құжаттаманы әзірлеу мәселелері, ЖЭО үшін инфрақұрылым салу жоспарлары және қалаларды жылумен жабдықтау схемалары талқыланды.

«Самұрық-Энерго» АҚ басшылығы қазіргі уақытта жобалар үшін қаржыландыру тарту, инвестицияларды қайтаруды қамтамасыз ету, технологиялық шешімдерді бекіту бойынша жұмыстардың аяқталып жатқанын атап өтті.

Қайрат Мақсұтов ЖЭО салу кезінде қоршаған ортаға тигізетін әсері мейлінше аз заманауи «таза» көмір технологиялары қолданылатынын айтты.

Абай облысының және Шығыс Қазақстан облысының әкімдері экономикалық өсуді қамтамасыз ету мақсатында қалалар үшін ЖЭО салудың маңыздылығын атап өтіп, инфрақұрылым объектілерін уақтылы салу үшін жер учаскелерін бөлуге және іс-шараларды жүзеге асыруға жан-жақты қажетті жәрдем көрсетуге дайын екендіктерін білдірді. 

Кеңес қорытындысы бойынша тараптар белгіленген жоспарлардың орындалуына тұрақты негізде мониторинг жүргізуге және ағымдағы жылы Семей және Өскемен қалаларында ЖЭО-ны жобалау және салу жөніндегі шарттарға қол қою үшін әзірлікті қамтамасыз етуге уағдаласты.

Видео ШҚО әкімдігі.

2025 жылдың қаңтар-шілде айларында «Богатырь Көмір» ЖШС 24,5 млн тонна көмір өндірді, бұл 2024 жылдың сәйкес кезеңімен салыстырғанда 3,1% - ға артық.

2025 жылдың 7 айында көмір сату 24,6 млн тоннаны құрады, оның ішінде: 

-Қазақстанның ішкі нарығына – 18,8 млн тонна; 

-экспортқа – 5,8 млн тонна. 

Ағымдағы жылдың 7 айының қорытындысы бойынша көмір сатудың жалпы көлемі 2024 жылдың осы кезеңімен салыстырғанда 1,9%-ға ұлғайды.

«Богатырь Көмір» ЖШС тұрақты өсу және өндірістік қызметтің тиімділігін арттыру стратегиясын ұстана отырып, нарық қажеттіліктерін тұрақты қамтамасыз етуді жалғастыруда.

«Самұрық-Энерго» АҚ Басқарма төрағасы Қайрат Мақсұтов Masdar компаниясының даму және инвестициялар жөніндегі директоры Абдулла Зайедпен кездесу өткізді. Тараптар Жамбыл облысында қуаты 1 ГВт болатын ірі жел электр станциясының құрылысын бастауға қатысты негізгі аспектілерді, соның ішінде құрылыс жұмыстарын бастау мерзімін талқылады. 

Келіссөздердің жеке тақырыбы ретінде жобаны іске асырудың практикалық кезеңіне уақтылы көшу үшін қажетті EPC-шартын жасасуға дайындық мәселесі қаралды. Келіссөздер барысында тиімді командалық ынтымақтастық нәтижесінде жобаның табысты ілгерілеп жатқаны атап өтілді және тараптардың одан арғы өзара іс-қимылының басымдықтары айқындалды. Кездесуге қатысушылар жобаны уақытылы жүзеге асыруға өзара мүдделілік танытып, оның өңірдің және елдің орнықты дамуы үшін маңыздылығын ерекше атап өтті. 

ҚҚІК шеңберінде Қазақстан Республикасының Мемлекет басшысы Қасым-Жомарт Кемелұлы Тоқаевтың қатысуымен Қазақстанда гидроаккумуляциялық станцияны салу бойынша China Southern Power Grid International (CSGI) компаниясымен жобаны бірлесіп іске асыру туралы келісімге және China Energy Engineering Corporation (CEEC) компаниясымен стратегиялық ынтымақтастық туралы келісімге қол қойылды. 

«Самұрық-Энерго» АҚ Инвестициялар жөніндегі бас директоры А.А. Айдаров «Энергетика саласындағы практикалық ынтымақтастықты тереңдету және орнықты жасыл дамуға жәрдемдесу» тақырыбындағы пленарлық сессияға қатысты. 

Сапар барысында Қ.Б. Мақсұтов бірқатар екіжақты кездесулер өткізді: 

- Powerchina Shandong Electric Power Construction Co., Ltd. (SEPCO1) компаниясымен «Алматы 2-ЖЭО-нің қоршаған ортаға әсерін барынша азайтуды көздейтін жаңғырту» жобасын іске асыру мәселелері талқыланды;

- China International Water & Electric Corporation (CWE) және Northeast Electric Power Design Institute Co., Ltd. (NEPDI) компанияларымен технологиялық жаңғырту жобалары және инновациялық әзірлемелердің болашағы бар бағыттары қарастырылды; 

- Tebian Electric Apparatus (TBEA) компаниясымен «Алатау Жарық Компаниясы» АҚ қосалқы станциясын жаңғырту жобасы және көмір өндіру мен тасымалдау үдерісінде автоматтандырылған әрі цифрлық шешімдерді қолдану аясындағы әлеуетті ынтымақтастық талқыланды.

Биыл көктемде іске қосылған «Samruk Umiti» жобасы аясында Павлодар және Шығыс Қазақстан облыстарындағы балалар үйлерінің 100 тәрбиеленушісіне жұмысшы мамандықтарын таңдау, колледжге түсу, сондай-ақ «Самұрық-Қазына» АҚ компаниялар тобына жұмысқа орналасу мәселелері бойынша қолдау көрсетілуде.

Бүгінгі күні 9-сыныпты аяқтаған 40 баланың 30-ы жергілікті колледждерде слесарь, механик, электрмонтер, IT-маманы, токарь, аспаз, дәнекерлеуші және басқа да мамандықтар бойынша оқуды жоспарлап отыр.

Жоба нәтижелері Топтың бірыңғай қайырымдылық операторы - «Samruk-Kazyna Trust» қорының бас директоры Альфия Адиева тарапынан вице-премьер Ермек Көшербаевтың төрағалығымен өткен Республикалық жастар форумында таныстырылды.

Жоба аясында балалар үйлерінің тәрбиеленушілері өндірістік кәсіпорындарға экскурсиялар мен кездесулерден бөлек, кәсіптік бағдарлау тестілеуінен өтіп, еңбек нарығымен және нақты бос жұмыс орындарымен танысады, сондай-ақ қаржылық және құқықтық сауаттылық, тұлғалық даму дағдыларын меңгереді. Әр қатысушыға ментор және куратор бекітілді.