Жобаны іске асыру мақсаты:

Электр желілерінің тозу деңгейін төмендету.

Трансформаторлық қуатты ұлғайту, жаңа және жұмыс істеп тұрған тұтынушылар үшін қуат тапшылығын жабу мақсатында қайта жаңарту, жаңғырту және жаңа құрылыс салу.

Электрмен жабдықтау сенімділігін арттыру және технологиялық бұзушылықтарды азайту мақсатында жаңа тұтынушыларды қосуды талап етпейтін артық жүктелген және нормативтік мерзімі өткен кабельдік желілерді ауыстыра отырып, электр желілерін реконструкциялау.

Жобаның сипаттамасы:

Алматы қаласы бойынша 10-6-0,4 кВ кабель желілерінің жалпы саны 4 424 км құрайды, МЕМСТ-ға сәйкес күштік кабельдердің қызмет ету мерзімі 30 жылды құрайды.

Қазіргі уақытта Алматы қаласы бойынша 10-6-0,4 кВ 2 478,76 км кабельдік желі немесе кабельдік желілердің барлық көлемінің 56%-ының пайдалану мерзімі 30 жылдан асады.

Жалпы Алматы қаласы бойынша 948 шақырым кабель желісінің пайдалану мерзімі 50 жылдан асады.

Желілердің тозуы жыл сайынғы апаттылықтың өсуіне және электрмен жабдықтаудағы жиі үзілістерге әкеледі, бұл электр энергиясының жетіспеуіне, апаттық-қалпына келтіру жұмыстарына қосымша шығындарға әкеледі. Зақымданудың негізгі себептері: оқшаулаудың ескіруі, тығыздықтың бұзылуы, кабель қабығының коррозиялық тозуы.

Осы жобаны іске асыру шеңберінде жалпы көлемі шамамен 933 км желіні реконструкциялау бойынша ҚҚС-ны есептемегенде жалпы сомасы 91 600 000 мың теңгеге 10-6-0,4 кВ кабельдік желілерді реконструкциялау жөніндегі іс-шараларды орындау жоспарлануда.

Ағымдағы жағдайы:

Жыл басында ЖСҚ құжаттары негізінде 3 нысан бойынша құрылыс-монтаждау жұмыстары жүргізілуде. Жобаның 7 нысаны бойынша тендерлік рәсімдер жүргізілуде. 3 нысан бойынша ЖСҚ әзірленуде.

Іске асыру мерзімі: 2022-2030 жж.

Жоспарланған іс-шаралар:

Кезең-кезеңмен жобалау және құрылыс-монтаж жұмыстары 2023-2030 жж.

Пайдалану: 2024-2030 жж.

Жобаның атауы: «Ақмола облысы Ерейментау ауданы Ерейментау қаласының маңында қуаты 45 МВт жұмыс істеп тұрған «Ерейментау-1» ЖЭС-ін әрқайсысының қуаты 2,5 МВт екі жел энергетикалық қондырғысына кеңейту».

Жоба іске асыру мақсаты: Жоба «Самұрық-Энерго» АҚ-ның өндірістік міндеттерінің бірі - парниктік газдар шығарындыларын азайту арқылы қоршаған ортаға зиянды әсерді барынша азайтуды көздейді.

Осындай жобаларды іске асыру мәселесі Қазақстан Республикасы 1997 жылдан бастап қатысушысы болып табылатын БҰҰ-ның Климаттың өзгеруі жөніндегі негіздемелік конвенциясына сәйкес Қазақстан Республикасының парниктік газдар шығарындыларын азайту жөніндегі халықаралық міндеттемелерін орындау үшін басым міндеттердің қатарына кіреді. Жобаны іске асыру «Самұрық-Энерго» АҚ-ның миссиясы мен негізгі стратегиялық мақсаттарына сәйкес келеді.

Іске асыру мерзімі: 2019-2023 жж.

Жобаның сипаттамасы: Ерейментау қаласының маңындағы таңдалған алаң ЖЭС салу үшін жарамды, өйткені орташа жылдамдығы 8,5 м/с болатын жоғары жел әлеуеті бар. Жаңартылатын энергия көздерін пайдалана отырып, жылына шамамен 19,7 млн.кВтс электр энергиясын өндіру жоспарланып отыр.

Ағымдағы жағдайы:

- ЕҚО-мен аукциондық баға бойынша сатып алу шартына қол қойылды.

- жобаның жобалау-сметалық құжаттамасын (ЖСҚ) жұмыстары жүргізілуде.

Жоспарланған іс-шаралар:

- Қаржыландыру көздерін анықтау

- ЖЭҚ орнату бойынша техникалық шешімдерді анықтау (бір ЖЭҚ 5 МВт немесе 2,5 МВт 2 ЖЭҚ)

- ЖСҚ-ға «Мемсараптама» РМК-ның оң қорытындысын алу.

- ҚМЖ.

- ЖЭҚ-ты жеткізу және монтаждау.

- Пайдалануға беру - 2023жылдың 4-тоқсаны.

Жобаның атауы: «Шелек дәлізінде қуаты 60 МВт, болашақта 300 МВт-ға дейін кеңейтілетін жел электр станциясын салу».

Жобаны іске асыру мақсаты: Жоба «Самұрық-Энерго» АҚ-ның өндірістік міндеттерінің бірі - парниктік газдар шығарындыларын азайту арқылы қоршаған ортаға зиянды әсерді барынша азайтуды көздейді. Осындай жобаларды іске асыру мәселесі Қазақстан Республикасы 1997 жылдан бастап қатысушысы болып табылатын БҰҰ-ның Климаттың өзгеруі жөніндегі негіздемелік конвенциясына сәйкес Қазақстан Республикасының парниктік газдар шығарындыларын азайту жөніндегі халықаралық міндеттемелерін орындау үшін басым міндеттердің қатарына кіреді. Жобаны іске асыру «Самұрық-Энерго» АҚ-ның миссиясы мен мынадай стратегиялық мақсаттарына сәйкес келеді:

Жобаның сипаттамасы: Алматы облысы Еңбекшіқазақ ауданы Нұрлы кентінің жанындағы таңдалған алаң ЖЭС салуға лайық, өйткені онда орташа жылдамдығы 8,1 м/с болатын жақсы жел әлеуеті бар. Жаңартылатын энергия көздерін пайдалана отырып, жылына шамамен 226 млн.кВтс электр энергиясын өндіру болжанып отыр.

Іске асыру мерзімі: 2011-2022 жж.

Ағымдағы жағдайы: Қазіргі уақытта жоба бойынша барлық құрылыс-монтаждау жұмыстары аяқталды. Жоба бойынша кешенді сынақтар жүргізілуде.

Жоспарланатын іс-шаралар:

Іске қосу-жөндеу жұмыстары;

Станцияны пайдалануға беру.

Пайдалануға беру – 2022ж. 3 тоқсан.

Жобаның атауы: «Ерейментау қаласы ауданында қуаты 50 МВт жел электр станциясын салу».

Жобаны іске асыру мақсаты: Жоба «Самұрық-Энерго» АҚ өндірістік міндеттерінің бірі - парниктік газдар шығарындыларын азайту арқылы қоршаған ортаға зиянды әсерді барынша азайтуды көздейді. Осындай жобаларды іске асыру мәселесі Қазақстан Республикасы 1997 жылдан бастап қатысушысы болып табылатын БҰҰ-ның Климаттың өзгеруі жөніндегі негіздемелік конвенциясына сәйкес Қазақстан Республикасының парниктік газдар шығарындыларын азайту жөніндегі халықаралық міндеттемелерін орындау үшін басым міндеттемелердің қатарына кіреді. Жобаны іске асыру «Самұрық-Энерго» АҚ-ның миссиясы мен негізгі стратегиялық мақсаттарына сәйкес келеді.

Жобаның сипаттамасы: Ерейментау қаласының маңындағы таңдалған алаң ЖЭС салуға лайық, өйткені онда орташа жылдамдығы 8,5 м/с болатын жоғары жел әлеуеті бар. ЖЭС қуатын беру үшін электр желілеріне қосылу мүмкіндігі келісілген. Жаңартылатын энергия көздерін пайдалана отырып, жылына шамамен 215 млн.кВтс электр энергиясын өндіру болжанып отыр.

Іске асыру мерзімі: 2014-2022 жж.

Ағымдағы жағдайы: Қазіргі уақытта жобаның ЖСҚ құжаттарын түзету бағытындағы жұмыстар жүргізілуде.

Жоспарланатын іс-шаралар:

- Жоба бойынша «Мемлекеттік сараптама» РМК-дан жобаның ЖСҚ құжаттарын түзетуге қатысты қорытынды алу жоспарланып отыр;

- іске қосу-жөндеу/баптау жұмыстары;

- ЖЭС-ті пайдалануға беру.

Жобаның мақсаты: Қапшағай СЭС-інің апта-тәулік бойында суды әркелкі жіберуін теңестіру үшін Қапшағай СЭС-інің төменгі ағысында контрреттегіш су қоймасын салу және Қапшағай СЭС-ін қуаты мен энергиясы тапшы Алматы энергия жүйесі мен Қазақстанның оңтүстік энергетикалық өңірі жүйесінде барлық қолда бар қуатты пайдалана отырып, барынша жоғары жүктемелерді жабу режиміне көшіру. Контрреттегіш су қоймасынан тәулік ішінде суды біркелкі жіберу режимі арқылы Іле өзенінің төменгі ағысындағы экологиялық жағдайды жақсарту.

Іске асыру кезеңі: 2021-2026 жж.

Жобаның сипаттамасы:

• Қапшағай СЭС-і реттеуші қуатын 110 МВт-ға ұлғайту;
• Кербұлақ СЭС-і электр энергиясының қосымша көлемін өндіру;
• Қапшағай СЭС-інің реттеуші қуатын сатудан 110 МВт мөлшерінде кіріс түсіру.

Қазіргі кездегі жағдайы:

Қазіргі уақытта жобаның ТЭН-ін әзірлеу және жобаның өтелімділігін қамтамасыз ететін тарифті алу бойынша жұмыс жүргізілуде.

Жобаның сипаттамасы: тұтынушыларды электр энергиясымен сенімді қамтамасыз ету және Үлкен Алматы өзенінің энергетикалық әлеуетін барынша пайдалану үшін физикалық және моральдық тұрғыдан ескірген жабдықты ауыстыру.

Жобаның мақсаттары: Электр энергиясын тұтынушыларды сенімді энергиямен қамтамасыз ету, пайдалану қауіпсіздігін арттыру және Үлкен Алматы өзенінің энергия әлеуетін барынша пайдалану мақсатында өз әлеуетін толығымен бітірген Каскад ГЭС негізгі және қосалқы жабдықтарын ауыстыру қажет. Жабдық жұмысының авариялық тоқтатылуын және су өткізгіш құрылғылар жұмысының бұзылуының алдын алу үшін оларды ауыстыру жұмыстарын жүргізу талап етіледі. Бұл ретте энергетикалық параметрлерді ішінара ұлғайту және агрегаттардың ПӘК-ін жоғарылату, агрегаттар конструкцияларында жаңа заманауи әзірлемелерді қолдану есебінен жоспарлы жөндеуге бөлінген уақыт аралықтарын ұлғайту есебінен жұмыс қабілетін арттыруға қол жеткізуге болады.

Жобаны іске асыру кезеңі: 2022-2028 жж.

Жобаның мақсаты: Қазақстан Республикасының тұтынушыларын сенімді электрмен жабдықтау мақсатында станцияның белгіленген қуатын 636 МВт-ға ұлғайту.

Жобаның сипаттамасы: ҚР өнеркәсібін, коммуналдық-тұрмыстық секторын және халқын энергиямен жабдықтау сенімділігін арттыру, экспорттық әлеуетті ұлғайту, елдің энергия қауіпсіздігі мен энергияға тәуелділігін арттыру.

Іске асыру кезеңі: 2010-2025 жж.

Қазіргі кездегі жағдайы: Қазіргі уақытта ҚХР аумағында сақталған жабдықтарды жеткізу іс-шаралары жүргізілуде. Жобаның өтелімділігін қамтамасыз ететін тарифті алу бойынша іс-шаралар қатар жүргізілуде, 2022 жылғы 28 қаңтарда ҚР Нарық кеңесіне жеке тариф белгілеуге өтінім берілді. 2022 жылғы 30 наурызда ҚР ЭМ-мен Жобаның өзін-өзі ақтауы мақсатында инвестициялық келісім жасасуға ҚР Нарық кеңесінің мақұлдауы алынды. Жоба жабдықтарын орналастыру үшін ангарларда құрылыс-монтаждау жұмыстары жүргізілуде.

Жоспарланатын іс-шаралар:

ҚР ЭМ-мен инвестициялық келісімге қол қою

Жабдықты жеткізуді аяқтау

Қарыздық қаржыландыруды тарту

Құрылыс-монтаждау жұмыстары

Жобаның сипаттамасы: 1996 жылы қазанда энергия блогы пайдаланудан алынды. Энергия блогының консервациясыз тоқтап тұрғанына шамамен 24 жыл болды. Негізгі және қосалқы жабдық тораптарының көпшілігі бөлшектелген. Басқа энергия блоктарын жөндеу-қалпына келтіру жұмыстарын жүргізу үшін пайдалануға байланысты блоктың қосалқы жабдығының басым бөлігі жоқ. Қазандық, турбина және қосалқы жабдықтардың қалған бөлігі моральдық тұрғыдан ескірді, коррозиялық және эрозиялық тозуға ұшырады, одан әрі пайдалануға жарамсыз.

«Жаңа электр сүзгілерін орнату арқылы № 1 энергия блогын қалпына келтіру» жобасы жаңа электр сүзгілерін орнату арқылы белгіленген қуаты 500 МВт энергия блогын салуға бағытталған, бұл ГРЭС-1-дің белгіленген қуатын 4 000 МВт-ға дейін ұлғайтуға мүмкіндік береді.

Жобаның мақсаттары:

• қолда бар қуатты 4000 МВт-ға дейін арттыру;
• жаңа жұмыс орындарын құру;
• электр сүзгілерін орнату есебінен экологиялық нормативтердің орындалуын қамтамасыз ету;
• жабдықты пайдалану сенімділігін арттыру және апаттылық тәуекелінің деңгейін төмендету;
• Қазақстанның бірыңғай энергетикалық жүйесіндегі электр энергиясының болжамды тапшылығын жабу.

Қазіргі кездегі жағдайы:

Қазіргі уақытта құрылыс-монтаждау жұмыстары жүргізілуде.

Іске қосу-жөндеу жұмыстары бойынша іс-шаралар өткізу жоспарлануда.

Іске асыру кезеңі: 2012-2023 жж.

Жобаның мақсаты: Жобаның мақсаты: «Алматы ЖЭО-3 нысанын БГҚ базасында станцияның қуатын 450 МВт-ға дейін ұлғайта отырып қайта жаңарту» жобасы Нұр-Сұлтан және Алматы қалаларының экологиялық проблемаларын кешенді шешу жөніндегі жол картасына сәйкес іске асырылуда.

Жобаның сипаттамасы: Алматы қаласы мен Алматы өңірінің тұтынушыларын жүктемелер кестесі мен температуралық режимдерге сәйкес электр және жылу энергиясымен сенімді әрі үздіксіз жабдықтаумен қамтамасыз ету мақсатында Қазақстанның оңтүстік аймағында маневрлік қуаттардың тапшылығын ішінара жабу үшін қуаты 450 МВт-ға дейін БГҚ салу арқылы Алматы ЖЭО-3 нысанын қайта жаңарту.

Іске асыру мерзімі: 2021-2025 жж.

Қазіргі кездегі жағдайы: 2022 жылғы 14 қаңтарда Жобаның ТЭН-і құрамында қоршаған ортаға әсерді Алдын ала бағалау нәтижелері бойынша ашық жиналыс нысанында қоғамдық тыңдаулар өткізілді. Қазіргі уақытта жобаның ТЭН-і әзірленіп жатыр. Жобаның ТЭН-інде маневрлік режимде жұмыс істеу мүмкіндігі бар белгіленген қуаты 450 МВт-ға дейінгі ГТҚ+КЖҚ және/немесе БГҚ технологияларын қолдану қарастырылады. «Мемсараптама» РМК - ның оң қорытындысын алуды ескере отырып, жобаның ТЭН-ін әзірлеу жөніндегі жұмыстарды аяқтаудың жоспарлы мерзімі - 2022 жылғы тамыз.

Жобаның сипаттамасы: Жоба электр энергетикасы өнеркәсібіне жатады, жұмыс істеп тұрған СЭС-ті сенімді пайдалануды қамтамасыз етуге және өңірдегі энергия ресурстарына қажеттілікті жабу үшін қуатты ұлғайтуға бағытталған. Жоба заманауи технологияларды қолдана отырып, СЭС-тің қолда бар жабдықтарын жаңғырту арқылы қолданыстағы өндірісті жаңарту үшін іске асырылды, бұл су электр станциясының қуатын 100 МВт-дан 126 МВт-ға дейін ұлғайтуға, сондай-ақ оның пайдалану сенімділігін арттырып, авариялылық тәуекелінің деңгейін төмендетуге әкелді.

Жобаның мақсаттары:

• Станцияның өнімділігі мен пайдалану қауіпсіздігін арттыру үшін моральдық және физикалық тұрғыдан ескірген жабдықтарды ауыстыру;
• станцияның белгіленген қуатын 26% - ға (100 МВт-дан 126 МВт-ға дейін) ұлғайту және өңірде электр энергиясының өсіп келе жатқан тапшылығын жабу үшін электр энергиясын өндіру;
• жабдыққа жөндеу-пайдалану қызметін көрсетумен байланысты тікелей шығындарды азайту есебінен станция қызметінің тиімділігін арттыру;
• қолда бар жабдықтарды жаңғырту арқылы станция қуатын арттыру;
• жабдықты пайдалану сенімділігін арттыру және апаттылық тәуекелінің деңгейін төмендету.

Іске асыру кезеңі: 2010-2020 жж.

Қазіргі кездегі жағдайы:

2020 жылғы 28 тамызда энергия объектісін пайдалануға қабылдау туралы актіге қол қойылды.